18 ¹ Bihain long dispela ol samting i kamap, mi lukim narapela ensel i kam aut long heven wantaim bikpela pawa, na glori bilong em i karamapim dispela graun wantaim lait. ² Em i krai strong wantaim bikpela nek na tok olsem."Bikpela Babilon em i pundaun pinis. Em i kamap haus bilong ol spirit nogut, hait ples bilong olgeta doti spirit, na hait ples bilong olgeta doti pisin, na ol doti wel animol. ³ Olgeta kantri bilong graun i bin dringim wain bilong kamapim pasin pamuk wantaim em. Olgeta king bilong graun i mekim pasin pamuk wantaim dispela meri na ol bisnis man bilong dispela graun i kamap bikpela moa wantaim ol kago samting bilong dispela meri. ⁴ Na mi harim narapela singaut long heven i tok olsem, "Yupela lusim dispela meri na kam aut, yupela ol manmeri bilong mi. Na bai yupela i noken kisim pei bilong sin billong em, bai yupela no ken kisim wanpela bagarap wantaim dispela meri. ⁵ Long wanem, ol sin bilong dispela meri i pulap igo antap long heven, na God i tingim olgeta pasin nogut bilong em. ⁶ Bekim pei bilong dispela meri wankain olsem em i bin mekim long ol narapela lain, na givim pei long em tupela taim moa long ol pasin nogut em i save mekim. Givim em tupela taim moa long kap em i bin taunim pinis. ⁷ Em i save apim nem bilong em i go antap na amamas long gutpela sindaun bilong en, olsem tasol givim em bikpela bagarap wantaim bikpela pein long em. Em i ting olsem long bel bilong em, 'Mi sindaun olsem wanpela kwin na mi no stap olsem meri man bilong en i dai pinis. Bai mi no inap stap sori na wari." ⁸ Olsem na em bai kisim ol pei nogut bilong em long wanpela dei. Em bai bel hangre, pilim pein, sori na bai idai. Paia bai kukim em, long wanem, God Bikpela em yet bai kotim em. ⁹ Ol king bilong dispela graun husait i save mekim pasin pamuk wantaim em bai krai na sori long em, taim em i paia na ol i lukim smuk bilong paia. ¹⁰  Ol bai sanap longwe tru long em wantaim pret bilong bikpela pein bilong em na ol i tok, "Sori, bikpela na stronpela biktaun bilong Babilon, yu kisim bikpela bagarap insait long wanpela aua tasol." ¹¹  Na ol bisnis man bilong graun i save salim ol samting bai krai na sori long em, long wanem, ino gat wanpela man bai baim ol kago samting long ol gen, ¹²  ol kago samting olsem gol, silva, na ston dia tumas, na bis i dia tumas, naispela waitpela laplap,retpela klos, silka laplap, brit ret laplap , gutpela diwai i gatpela smil, waitpela ston, bras, ain na mabol, ¹³  sinamon, na ol kaikai i gat gutpela smel, mir, na sanda, wain, oil, na gutpela flawa, wit, na bulmakau, sipsip, hos na ol karis na ol wokbai nating na laip bilong ol man. ¹⁴  Dispela kaikai yu bin weitim long kisim wantaim strong bilong yu, olgeta i go pinis. Olgeta ol gutpela samting na gutpela bilas bilong yu i go pinis, na bai yu ino nap long painim gen. ¹⁵  Ol bisnis man husait i salim ol samting long em na kamap moa bai sanap longwe long em, long wanem ol i pret long dispela bagarap na pen em i kisim long em. ¹⁶  Ol bai krai na tok,"Sori long biktaun i bilas wantaim gutpela laplap na pepol na retpela klos na i karamap wantaim gol, ol jiwel na ol pel ston! ¹⁷  Long wanpela aua tasol, olgeta gutpela samting i go lus na bagarap". Olgeta sip kepten na ol man i save wok antap long sip na ol man i save wokim binis long solwara i sanap longwe tru. ¹⁸  Ol i lukim smuk bilong paia i kukim dispela meri na ol krai na tok, "Wanem narapela biktaun i wankain olsem dispela biktaun?" ¹⁹  Ol i kisim dust na tromoi long het bilong ol na krai na sori na i tok, "Sori, dispela biktaun i save mekim ol man igat sip long solwara i kamap ol bikman long ol kago bikong dispela meri. Long wanpela aua tasol, em i bagarap pinis." ²⁰ " Yupela ol lain bilong heven, ol aposol na ol bilip manmeri na ol propet, yupela i mas amamas. Long wanem, God i kotim dispela meri na givim pei long em". ²¹  Orait, wanpela ensel i gat bikpela strong i kisim wanpela ston na tromoi go insait long solwara na tok,"Wain kain tasol, biktaun bilong Babilon bai go insait long hevi na bai ino nap stap moa. ²²  bai i nogat man bilong patim string gita,ol lain bilong pilaim musik na nogat man bilong pilai flut na trampet. Bai nogat save man bilong wokim ol samting na bai nogat man bai harim nois bilong ol masin bilong mil. ²³  Na bai yu ino inap soim lait bilong lam gen, bai nogat wanpela i harim hamamas nois bilong man meri i laik marit gen, long wanem, sanguma pasin bilong yu i save giamanim ol bisnis man em ol king bilong graun na ol kantri. ²⁴  Ol profet na ol bilip man na husait ol i bin kilim ol i dai long dispela graun, blut bilong ol i stap wantaim yu."