17 ¹ Wanpela bilong ol dispela 7-pela ensel husait i bin holim 7-pela dis kam na tokim mi olsem,"kam na bai mi soim yu wanem rot bai mi bagarapim dispela pamuk meri i sindaun antap long ol planti wara. ² Ol king bilong dispela graun mekim pasin pamuk wantaim em. Wantaim wain blong pamuk pasin bilong em, em i bin spakim ol manmeri bilong olgeta hap graun." ³ Bihain dispela ensel kisim mi long spirit i go long wanpela ples inogat samting long en ,na mi lukim dispela meri sindaun antap long wanpela retpela wel abus i pulap wantaim kainkain nem nogut. Dispela wel abusl i gat 7-pela het na 10-pela kom. ⁴ Dispela meri i bin werim pepol na retpela klos, na em bilas wantaim gol na ol ston i dia tumas. Em i bin holim wanpela gol kap pulap wantaim kainkain samting nogut na ol doti blong pasim pamuk bilong em. ⁵ I bin gat wanpela nem antap long het bilong em na dispela tok i gat hait tingting istap. Dispela tok hait em, ''Babilon em strongpela ,mama bilong ol pamuk lain na kainkain pasin nogut bilong dispela graun." ⁶ Mi lukim dispela meri em i bin spak wantaim blut bilong ol bilip manmeri na wantaim blut bilong ol manmeri husait i kisim bagarap long taim ol i autim tok bilong Jisas. Taim mi lukim em, mi kirap nogut. ⁷ Tasol ensel tokim mi olsem, "Bilong wanem na yu kirap nogut? Bai mi tokim yu as bilong dispela tok bilong dispela meri na bilong dispela wel abus i karim em i stap. Dispela wel abus em i gat 7-pela het na 10-pela kom. ⁸ Dispela wel abus yu lukim i bin stap bipo, i no moa stap nau. Tasol klostu tru em bai kam antap long hul nogat arere long em. na em bai go aut long bagarapim Manmeri stap long dispela graun na ol manmeri nem bilong ol ino stap long buk bilong laip long stat bilong dispela graun. Ol bai guria nogut tru taim ol lukim dispela wel animal. Em i bin stap bipo, em i no moa stap nau, tasol klostu taim em bai kam. ⁹ Dispela em blo man husait i gat gutpela tingting. 7-pela het em makim 7-pela maunten we dispela meri i sindaun antap long em. ¹⁰  Em i makim 7-pela king tu. 5-pela king pundaun, wanpela stap na narapela bihain bai em i kam. Taim em i kam em bai stap liklik taim tasol. ¹¹  Dispela wel abus l em bin i stap, tasol nau em ino moa stap. Dispela wel abus em wanpela bilong ol 8-pela king. Tasol em wanpela bilong ol dispela 7-pela king, na em bai kisim bagarap. ¹²  10-pela kom yu lukim em makim 10-pela king husait i no kisim wanpela kingdom yet. Tasol ol bai kisim pawa olsem ol king long wanpela aua tasol wantaim dispela wel abus. ¹³  Em olsem ol i gat wanpela tingting na ol i givim pawa na strong bilong ol go long dispela wel abus. ¹⁴  Ol bai pait wantaim Pikinini Sipsip tasol Pikinini Sipsip bai winim dispela pait bilong ol, long wanem em yet em Bikpela na King bilong ol King. Ol lain stap wantaim em, em ol lain wei em i bin singautim, na ol lain wei em i bin makim, na ol lain husait i holim pas bilip strong. ¹⁵  Dispela ensel i tokim mi. "Ol wara dispela pamuk meri i sindaun long em, em i makim ol planti manmeri, na planti kainkain kantri na ol kainkain tokples. ¹⁶  10-pela kom yu lukim i makim 10-pela king, ol wantaim dispela wel animal ol bai birua long dispela pamuk meri. Ol bai rausim olgeta klos bilong em, na ol bai kaikai bodi bilong em, na kukim em olgeta long paia. ¹⁷  God yet i kirapim bel bilong ol long mekim wok bilong em. God i kirapim ol long givim pawa bilong ol i go long wel animal inap lo tok bilong God i kamap. ¹⁸  Dispela meri yu lukim, em makim dispela bikpela strongpela taun wei i bosim ol king bilong dispela graun.