14 ¹ Mi bin lukluk i go na lukim Pikinini Sipsip bilong God i sanap antap long maunten Saion. Wantaim em ol 144,000 manmeri ol i gat nem bilong em na nem bilong papa bilong em long pes bilong ol. ² Mi bin harim wanpela singaut long heven na em i wankain olsem nois bilong planti bikpela wara i kalap na strongpela klaut pairap. Na tu em i krai olsem nois bilong ol man i paitim gita. ³ Ol i singim wanpela niupela song long pes bilong sia king na long 4-pela wel enimel i gat laip na ol hetman. Nogat wanpela manmeri bai i save long dispela song tasol ol 144,000 lain tasol i save long dispela song ol i singim long em na ol dispela em ol husait Kraist i bin baim bek ol long graun. ⁴ Ol dispela man i no bagarapim bodi bilong ol wantaim ol meri, long wanem ol i stap longwe long pasin pamuk. Ol dispela man tasol husait i save bihainim Pikinini Sipsip bilong God long wanem hap em i go. Ol dispela manmeri pikinini bilong God i baim bek ol olsem nambawan pikinini kaikai bilong wok bilong God na bilong Pikinini Sipsip. ⁵ Nogat wanpela tok giaman i save kam out long maus bilong ol na ol i nogat wanpela liklik asua. ⁶ Mi lukim narapela engel i flai namel long skai, em i karim gutnius bilong laip oltaim long tok aut long husait ol lain i stap long olgeta hap bilong dispela graun, na ol lain manmeri na olgeta kain tokples, na lain manmeri. ⁷ Em i singaut bikpela moa na tok, yupela i mas Pret long God na givim em glory. Nau em taim bilong bikpela kot bilong God i kam pinis. Lotu long em husait i mekim heven, graun, solwara na ol wara i kalap. ⁸ Narapela namba tu engel i tok bikpela Babilon i Pundaun na em i save givim wain long ol manmeri na mekim ol spak na em i save mekim pasin pamuk wataim ol. ⁹ Arapela engel em i namba tri engel i bihainim ol na tok aut bikpela olsem, sapos wanpela i lotu long satan na ol piksa bilong em na kisim wanpela mak long pes o han bilong ol. ¹⁰  Em tu bai drink dispela wain i gat pait insait long kap bilong God. Dispela i makim belhat bilong God. Husait man i dring long dispela wain i gat pait bai i kisim bikpela pen insait long paia ston salfa long pes bilong ol engel bilong God na Pikinini Sipsip bilong God. ¹¹  Smok i kam aut long ol dispela manmeri ol i pilim pen stap oltaim oltaim. Dispela paia i givim bikpela pen long ol dispela manmeri na i no gat malolo bilong em long de na nait. Em ol dispela manmeri lotu long wel abus na piksa bilong em na olgeta manmeri husait i kisim mak long nem bilong em. ¹²  Dispela em i singaut bilong ol man bin stap isi, na ol strongpela bilip manmeri bilong bipo, na ol manmeri husait i bihainim lo bilong God na bilip insait long Jisas. ¹³  Mi harim wanpela nek i kam long heven na i tok , "Raitim dispela', husait ol manmeri i bin dai long nem bilong bikpela, ol i ken amamas. Yes, Spirit bilong God i tok long wanem ol bai malolo long ol hatwok insait long gutpela pasin bilong ol. ¹⁴  Mi bin lukim wanpela waitpela klaut na insait long dispela klaut, wanpela em i wankain olsem pikinini bilong man i bin sindaun. Em i bin putim gol hat bilong king long het bilong em na naip i gat sap long em long han bilong em. ¹⁵  Na arapela engel i bin kam aut long haus bilong God na singaut wantaim bikpela nois i go long pikinini bilong Man husait i bin sindaun insait long klaut na tok kisim naip bilong yu na redi long katim kaikai. Taim bilong katim kaikai i kam na ol kaikai i mao pinis. ¹⁶  Na dispela man husait i bin sindaun long klaut i katim ol kaikai mau pinis long olgeta hap long graun na bungim. ¹⁷  Narapela engel tu i bin kam out long haus bilong God long Heven na em tu i bin holim naip i sap tumas. ¹⁸  Narapela engel tu i bin kam out long alta bilong God we em i pulap long gutpela smel na dispela engel i gat namba long lukautim paia insait long haus bilong God. Em i singaut strong tru i go long dispela engel husait i holim wanpela naip i sap tru na tok, katim ol pikinini kaikai bilong diwai wain insait long graun bilong wanem ol pikinini kaikai bilong em i mao pinis. ¹⁹  Dispela engel i katim ol pikinini kaikai bilong diwai wain insait long graun. Em i putim go insait long dis bilong God i gat belhat bilong God. ²⁰  Dispela tang ston bilong krungutim ol pikinini wain i bin stap ausait long siti na blut i kam aut na dispela blut i pulap kam antap inap long kamap long sait bilong hos na long graun em igo inap olsem 300 kilomita.