18
1
Mi laikim yu, God Yawe, stron bilong mi.
2
God Yawe em i ston bilong mi husait i bing lukautim mi long ol birua bilong mi na i kisim mi i kam aut long hevi. Em God bilong mi na ston bilong mi. Na mi save kam long en long lukautim mi. Na em i kamap ples hait bilong mi na stap baksait long mi na sevim mi, em i stron bilong mi.
3
Bai mi singaut long God Yawe bikpela, husait i kisim bik nem na bai i lukautim mi long ol birua bilong mi.
4
Rop bilong dai i raunim mi na mi nogat helpim stret olsem wara i karim mi go, mi kamap man i nogat nem.
5
Rop bilong dai i raunim mi na holim mi na mi ting bai mi dai.
6
Mi singaut long God Yawe insait long hevi bilong mi. Mi singaut na God i helpim mi. Em i harim nek bilong mi long haus holi bilong em. Singaut bilong mi long helpim mi i go long yau bilong em.
7
Na graun i guria na i go i kam na ol diwai i sanap long mauntan i suruk long wanem God Yawe i belhat.
8
Smuk i kam i go aut long nus bilong em na paia i lait wantaim na i kam i go aut long maus bilong em.
9
Em i opim heven na i kam daun, ol traipela tutak klaut i stap ananit long lek bilong em.
10
Em i sindaun long man olsem ensel na em i plai ariap wantaim stronpela win.
11
Em i mekim tudak olsem haus sel i raunim em na hevi ren klaut antap long ol skai.
12
Bikpela ren i pundaun wantaim ais olsem ston na paia, pairap bilong klaut wantaim lait i pundaun long skai we em i stap long em.
13
God Yawe i pairap olsem klaut i pairap long heven na nek bilong God Yawe i singaut bikpela tru.
14
God Yawe i sut long spia na rausim ol birua bilong em i go kam. Ol spia i sut i go wan tu olsem klaut i pairap na ol i go kam.
15
Na stronpela as ananit long wara i kamaut na stap ples klia. Olgeta samting i holim stron dispela graun i stap nating long toktok bilong yu. God Yawe olsem stronpela win i kam long nus bilong yu.
16
Em i kam daun long heven na holim han bilong mi! Em i pulim mi aut long ol birua bilong mi olsem wara i tait.
17
Em i helpim mi long stronpela birua bilong mi na long ol husait i les long mi, ol birua bilong mi i stron tumas long mi.
18
Ol birua i kam long mi long taim mi stap long bikpela hevi tasol God Yawe i stap helpim bilong mi.
19
Em i lusim mi i go aut long traipela ples klia na larim mi i stap long wanem em i amamas long mi.
20
God Yawe i amamas long mi long stretpela pasin bilong mi na brigim mi kam antap long wanem han bilong mi i klin.
21
Mi bin lukautim lo bilong God Yawe na mi no wokim pasin nogut na tanim baksait long God.
22
Long olgeta stretpela lo i stap long pes bilong mi .Long gutpela nem bilong em mi no tanim baksait long ol lo bilong em.
23
Na tu mi nogat asua long ai bilong en na lukautim mi yet long sin.
24
Olsem na God Yawe i kisim mi bek long stretpela pasin bilong mi long wanem han bilong mi i stap stret long ai bilong em.
25
Long husait i sanap long tok bilong em, yu bai i stap long tok bilong yu, long man husait i nogat asua, yu bai i nogat asua.
26
Long husait i stap klin, em bai i soim em yet klin. Tasol yu i stap strepela long husait i stap kranki.
27
Yu lukautim ol manmeri i stap long hevi tasol yu daunim husait i apim ol yet long ai bilong ol.
28
Yu givim lait long lam bilong mi, Yawe God bilong mi i bringim lait i kam long laip bilong mi.
29
Wantaim stron bilong yu mi can ron na abrusim hevi na wantaim God mi ken kalapim traipela hevi.
30
Long God, pasin bilong em i stretpela tru. Tok bilong God Yawe i nogat doti! Em i kamap olsem hap palang yumi hait long em.
31
Husait em i olsem God Yawe? Husait em i dispela ston? God Yawe em tasol.
32
Em dispela God husait i stronim mi olsem let na soim man i nogat asua long rot bilong em.
33
Em i stronim lek bilong mi i ron olsem dia na putim mi long ples i antap.
34
Em i lainim ol han bilong mi long pait na holim bunara ol i mekim long brass.
35
Yu bin lukautim mi, kisim mi na mi stap ananit long stron bilong yu. Han sut bilong yu in helpim mi na laik bilong yu i kisim mi kam antap.
36
Yu i mekim ples i kamap bikpela long ananit long lek bilong mi olsem na lek bilong mi i no wel.
37
Mi bagarapim ol birua bilong mi inap ol i nogat stron. Mi no lusim ol na go bek inap olgeta i bagarap.
38
Mi bagarapim olgeta inap nogat wanpela i sanap, olgeta i pundaun ananit long lek bilong mi.
39
Yu putim stron antap long mi olsem let bilong pait, yu putim olgeta birua ananit long lek bilong mi.
40
Yu givim mi baksait nek bilong ol birua bilong mi na mi winim ol husait i no laikim mi.
41
Ol i singaut long kisim helpim, tasol nogat man i helpim ol. Ol i singaut long God Yawe, tasol em i no bekim singaut bilong ol.
42
Mi brukim ol liklik olsem das win i karim i go, Mi tromoi ol long rot olsem graun malomalo.
43
Yu helpim mi long kainkain toktok bilong ol manmeri. Yu makim mi kamap het bilong ol arapela kantri. Ol manmeri mi no bin save long ol i stap ananit long mi na helpim mi.
44
Taim ol i harim toktok bilong mi, ol i bihainim mi na ol lain manmeri bilong narapela kantri tu i bihainim mi.
45
Ol lain manmeri bilong narapela kantri i guria na kamaut long stronpela ples bilong ol.
46
God Yawe em i stap, larim mi ken litimapim nem bilong God olsem ston bilong mi. Bai God bikpela husait i kisim bek yumi ken kisim biknem.
47
Em i God husait i save givim hevi i kam long ol, husait i stap het bilong kantri na bringim ol i kam ananit long mi.
48
Mi stap longwe long ol birua bilong mi! Tru tumas, yu apim mi go antap long ol lain i no wanbel long mi. Yu sevim mi long man nogut.
49
Olsem na bai mi tok tenkyu namel long arapela kantri , God Yawe, bai mi singim song long preisim nem bilong yu.
50
God Yawe i givim bikpela amamas long king bilong em na em i soim tok promis bilong strepela pasin bilong em long ol man em i makim long en. Long Devit na lain tumbuna bilong em oltaim oltaim.