9 ¹ Orait olgeta king husait i stap long hapsait bilong wara Joden, long maunten kantri na daunbilo bilong Bikpela Solwara i go long Lebanon- em ol Hit, Amor, Kenan, Peres, Hivi na ol Jebus, ² ol dispela em ol istap wantaim wanpela lida na mekim pait wantaim Josua na ol Israel. ³ Taim Gibeon i stat long harim Josua i mekim long ol Jeriko na long Ai, ⁴ ol i kamap wantaim giaman tingting bilong ol. Ol i go olsem ol man i save karim tok. Ol i kisim aut ol skin wei ol i yusim pinis na putim ol antap long donki. Na ol kisim tu olpela wain skin wei em i bagarap long gen na i brukbruk na ol i samapim. ⁵ Ol i putim ol olpela brukbruk sendal long lek bilong ol na i karamapim ol insait long olpela na ol bagarap long gen klos. Olgeta bret insait long ples kaikai em i drai na bagarap. ⁶ Ol i go kamap long Josua long haus sel bilong en long Gilgal na toktok long em na ol man bilong Israel, ''Mipela wokabaut i kam long longwe hap kantri, olsem na nau mekim kontrak wantaim mipela." ⁷ Ol man bilong Israel i tok long ol Hivi, " Orait nogut yupela i stap klostu long mipela. Olsem wanem bai mipela mekim kontrak wantaim yupela?" ⁸ Ol i tokim Josua olsem," mipela ol wokman bilong yu." Josua i tokim ol, '' Yupela husait? Yupela i kam long wanem hap?" ⁹ Ol i tokim Josua olsem," Ol wokman bilong yu ol i kam long longwe hap ples, bilong wanem long nem bilong God Yawe God bilong yu. Mipela i bin harim ol stori bilong Em long olgeta samting Em i bin mekim long Isip ¹⁰ na olgeta samting Em i bin mekim long tupela king bilong ol Amor long narapela sait bilong Jodan long Sihon king bilong Hesbon na long Ok king bilong Basan husait i bin i stap long Astarot. ¹¹ Ol bikman na ol manmeri bilong kantri bilong mipela i tok olsem long mipela, 'Kisim samting long han bilong yu taim yu wokabaut. Go na bungim ol na tok olsem, "Mipela i wokman bilong yupela. Pasim tok long wanbel wantaim mipela. ¹² Dispela em i bret bilong mipela, em i hat yet taim mipela i kisim long haus bilong mipela na long dispela dei mipela i lusim haus na i kam long yu. Tasol nau lukim, em i drai na bagarap. ¹³ Ol dispela wain skin em i bin nupela taim mipela i bin pulapim ol wain insait long ol na lukim nau wain i wok long kapsait. Ol klos na sendal bilong mipela i brukbruk long dispela longpela wokabaut ." ¹⁴ Olsem na ol man bilong Isrel ol i kisim sampela samting long han bilong ol yet, tasol ol i no askim God Yawe pastaim long tingting bilong en. ¹⁵ Josua i kamapim wanbel pasin wantaim ol na mekim kontrak wantaim ol, long larim ol i stap. Ol lida bilong manmeri bilong Israel tu i mekim promis long ol. ¹⁶ Tripela dei bihain long ol Isrel i mekim promis wantaim ol, ol i luksave olsem ol i wantok bilong ol na i stap klostu long ol. ¹⁷ Orait ol manmeri bilong Isrel i kirap na kam long bik taun bilong ol long namba tri de. Biktaun bilong ol em Gibeon, Kefira, Berot, Kiriat na Jearim. ¹⁸ Ol manmeri bilong Isrel ol ino go pait wantaim ol, long wanem ol lida bilong ol i tok promis long ai bilong God Yawe, God Yawe bilong ol Israel. Olgeta manmeri bilong Isrel ol i kros long ol lida bilong ol. ¹⁹ Tasol olgeta lida i tokim olgeta manmeri olsem, "Mipela i mekim tok promis pinis wantaim ol dispela manmeri long nem bilong God Yawe, God bilong ol Israel na nau mipela bai i no inap long bagarapim ol. ²⁰ Mipela bai mekim olsem long ol, long abrusim ol belhat bilong God bai kam long mipela bilong wanem long tok promis mipela i bin mekim wantaim ol, bai yumi larim ol i stap." ²¹ Ol lida i tokim ol manmeri olsem," Larim ol i stap." Olsem na ol man bilong Gibeon ol i kamap man bilong katim paiawut na man bilong karim wara bilong ol Israel, olsem ol lida i bin tokim ol long en. ²² Josua i singautim ol i kam na tok olsem, "Bilong wanem yupela i giamanim mipela taim yupela tok olsem, "Mipela i stap longwe tru long yupela," tasol yupela i stap klostu long mipela? ²³ Nau long dispela pasin, mi tokim sampela bilong yupela long kamap wok manmeri nating, sampela bai katim paiawut na karim wara bilong haus bilong God Yawe bilong mi. ²⁴ Ol i tokim Josua olsem, "God Yawe i tokim ol wokman bilong yu olsem em i salim wokman bilong en Moses long givim olgeta graun long yupela na bagarapim olgeta lain i stap antap long graun paslain long yupela olsem na mipela i pret long yupela nogut yupela bai bagarapim mipela. Long dispela as mipela i mekim dispela samting. ²⁵ Nau lukim, yu holim mipela insait long strong bilong yu. Wanem samting yu ting em i gutpela na stretpela long yu long mekim long mipela, yu mekim." ²⁶ Olsem na Josua i mekim olsem ol, em i rausim ol long han bilong ol manmeri bilong Israel olsem na ol Israel i no kilim ol. ²⁷ Long dipela dei Josua i mekim ol manmeri bilong Gibeon i kamap manmeri bilong katim paiawut na karim wara bilong ol manmeri bilong Israel na bilong alta bilong God Yawe, inap nau long ples God Yawe i bin makim long en.