14 ¹ Dispela em ol hap graun ol manmeri bilong Israel i bin kisim bilong ol yet long Kenan, em pris Eliasa, Josua pikinini bilong Nun na ol lida bilong ol tumbuna lain bilong Israel i givim long ol. ² Olgeta graun ol i bin makim long pasin bilong givim samting long 9-pela na wanpela hap lain tasol, wankain olsem God Yawe i bin makim long han bilong Moses. ³ Moses i givim graun hapsait long wara Jodan long tupela na wanpela hap lain tasol em i no givim graun long ol Livai olsem samting bilong ol yet. ⁴ Ol lain tumbuna bilong Josep em ol tupela lain, em ol lain Manase na Efraim. Ol i no givim ol Livai wanpela graun, tasol ol i stap long wanwan biktaun long ol liklik hap graun wantaim ol animol na ol samting bilong ol. ⁵ Na ol manmeri bilong Isrel i mekim olsem God Yawe i tokim Moses na ol i tilim graun. ⁶ Bihain ol lain tumbuna bilong Juda i kam long Josua long Gilgal. Kelep, em pikinini man bilong Jefune bilong Kenas, i tokim em, ''Yu save God Yawe i bin tokim Moses long wanem i mas kamap long yu na mi long Kades Banea. ⁷ Mi bin stap 40 krismas taim Moses wokman bilong God Yawe, em i salim mi long Kades Banea long go lukstil long graun. Wanem samting i stap long bel bilong mi long mekim, em mi kisim ripot i kam na givim. ⁸ Tasol ol brata bilong mi husait i bin go wantaim mi, i mekim ol manmeri i pret na tingting planti. Tasol mi bihainim stret God Yawe bilong mi. ⁹ Long dispela de, Moses i tok, "Tru tumas, graun yu bin wokabaut pinis long en bai i kamap graun bilong yu na ol pikinini bilong yu olgeta taim, bilong wanem yu bihainim stret God Yawe em God bilong mi." ¹⁰ Nau, lukim! God Yawe i bin lukautim mi na mi stap laip long 45 krismas, olsem em i bin tok. Long dispela taim God Yawe i tokim ol tok bilong em long Moses i go inap long taim ol Isrel i wokabaut long ples nating. Nau, lukim! Mi em 85 krismas. ¹¹ Mi gat strong i stap yet wankain long dispela dei Moses i salim mi i go aut. Strong bilong mi nau i olsem strong bilong mi long pait na bilong go na kam. ¹² Nau givim mi dispela kantri long maunten God Yawe i promis long givim mi long dispela dei. Yu bin harim long dispela dei olsem ol lain Anak i stap long ol strongpela biktaun. God Yawe bai i stap wantaim mi na bai mi inap rausim ol i go autsait olsem God Yawe i tok." ¹³ Na Josua i blesim em na givim em graun long Hebron olsem samting bilong Kelep, em pikinini man bilong Jefune. ¹⁴ Olsem na Hebron i kamap graun bilong Kelep, em pikinini man bilong Jefune bilong lain Kenas i kam yet nau long dispela dei, long wanem em i bihainim stret God Yawe, em God bilong ol lain Israel. ¹⁵ Longtaim nem bilong Hebron em Kiriat Aba. Aba em i wanpela bilpela man namel long lain Anak. Bihain ol graun i malolo long pait.