15 ¹ Mak bilong graun em ol wanwan famili bilong Juda i kisim em bikpela na i go olsem long Saut na i go mak wantaim ples Edom, wantaim dispela ples i nogat man, long ples Sin na i go moa long hap saut. ² Ol mak bilong graun bilong ol long hap Saut em i stat long arere bilong solwara Detsi, long nambis bilong em na i lukluk i go olsem long hap saut. ³ Mak bilong graun bilong ol, bihain long dispela, em i go moa yet long hap saut long ol liklik maunten bilong Akrabim na abrusim i go long Sin na i go long hap saut bilong Kades Banea, bihainim Hesron na i go antap long Ada, long dispela hap em i tanim na kamap long Kaka. ⁴ Em i bihainim i go long Asmon na i go klostu long liklik wara bilong Isip na i kamap long pinis bilong en long arere long solwara Mediterania. Dispela em mak bilong graun bilong ol long hap saut. ⁵ Mak bilong graun long hap san kamap i stat long solwara Detsi na i go long maus bilong wara Jodan. Na mak bilong graun long hap not i stat long basis bilong solwara Detsi, long maus bilong wara Jodan ⁶ na i go antap long Bet Hogla na abrusim i go long not bilong Bet Araba. Na em i go kamap long ston bilong Boan, em pikinini man bilong Ruben. ⁷ Na mak bilong graun i go antap long Debi long ples daun bilong Ako na tanim i go olgeta long sait bilong hap not na tanim ken i go long Gilgal, em ples i stap long narapela sait bilong maunten bilong Adumim, em i stap long hap saut long ples daun. Na bihain mak bilong graun i abrusim ol liklik wara bilong En Semes na i go tu long En Rogel. ⁸ Na bihain mak bilong graun en i go antap long Ples Daun bilong Ben Hinom na long saut sait bilong biktaun bilong ol lain Jebu (dispela em, Jerusalem). Na em i go antap long het bilong liklik mauten i stap namel long ples daun bilong Hinom, long hap san i go daun, em i stap long sait bilong not i pinis, long ples daun bilong Refaim. ⁹ Na bihain ol mak bilong graun i stat antap long het bilong ol liklik mauten na i go long liklik wara i kamap long graun bilong Neptoa na i go aut long dispela hap na i go long ol taun bilong maunten Epron. Na bihain dispela mak bilong graun em i tanim olgeta i go long Bala (em wankain olsem Kiriat Jearim). ¹⁰ Na mak bilong graun i raunim i go long hap san i go daun long Bala na i go long maunten Sei na kalap i go long sait bilong maunten Jearim long not (wankaim olsem long Kesalon), i go daun long Bet Semes na i go long hapsait long Timna. ¹¹ Na mak bilong graun em i go aut arere long liklik maunten long not bilong Ekron na bihain em i raunim olgeta i go long Sikeron na i go long maunten Bala na long dispela em i go long Jabnel. Na mak bilong graun em i go pinis long solwara. ¹² Mak bilong graun long hap san i go daun, i stat long nambis bilong Bikpela Solwara. Dispela em mak bilong graun raunim ol famlili lain bilong Juda, ol famili na famili. ¹³ Long pasin bilong harim tok bilong God Yawe, olsem bipo em i bin tokim Josua. Orait Josua i givim sampela graun namel long famili lain bilong ol Juda i go long Kelep, em Kiriat Arba na dispela em Hebron (Arba em papa bilong ol Anak). ¹⁴ Long dispela hap tasol Kelep i bin rausim ol tripela pikinini man bilong Anak, nem bilong ol em, Sesai, Aiman na Talmai, em ol tumbuna bilong Anak. ¹⁵ Em i bin i go antap long displea hap long tok pait wantaim ol lain long Debi (Debi ol i save kolim Kriat Sepa). ¹⁶ Kelep i tok olsem, "Dispela man husait i pait wantaim Kiriat Sepa na holim pasim em, long dispela man bai mi givim pikinini meri bilong mi Aksa long em olsem meri bilong en.'' ¹⁷ Taim Otniel pikinini man bilong Kenas, brata bilong Kelep na holim pasim em, Kelep i givim em Aksa pikinini meri bilong em olsem meri bilong em. ¹⁸ Bihain long dispela, Aksa i kam long Otniel na tok strong long man bilong em olsem, em i mas askim Kelep, papa bilong em long kisim sampela hap graun. Taim em i kalap i go daun long donki, Kelep i tokim em, "Yu laikim wanem samting?" ¹⁹ Aksa i bekim tok olsem, ''Mekim bel bilong mi i gutpela, long wanem yu bin givim mi dispela graun bilong Negev pinis olsem na givim mi sampela liklik wara i kamap long graun". Bihain Kelep i givim em ol dispela liklik wara i kamap long graun bilong maunten na ol wara bilong ples daun. ²⁰ Dispela em graun bilong ol lain manmeri bilong famili lain bilong Juda long famili na famili. ²¹ Dispela olgeta biktaun bilong ol lain Juda na i go olgeta long hap saut na go olsem long mak bilong graun bilong ol Edom, em ol Kabsel, Eda, Jagu ²² na Kina, Dimona, Adada ²³ na Kedes, Haso, Itnan, ²⁴ na Sip, Telem, Bealot. ²⁵ Haso Hadata, Keriot Hesron (narapela nem bilong em ol i kolim Haso), ²⁶ na Amam, Sema, Molada ²⁷ na Hasa Gada, Hesmon, Bet Pelet ²⁸ na Hasa Sual, Besiba, Bisiotia. ²⁹ Bala, Lim, Esem, ³⁰ na Eltolad, Kesil, Homa ³¹ na Siklag, Madmana, Sansana ³² na Lebaot, Silhim, Ain na Rimon. Dispela em ol 29-pela biktaun olgeta wantaim ol ples bilong ol. ³³ Insait long ples daun long hap bilong san i go daun na ol ples i stap em Estaol, Sora, Asna ³⁴ na Sanoa, En Ganim, Tapua, Enam ³⁵ na Jamut, Adulam, Soko, Aseka ³⁶ na Saraim, Aditaim na Gedera (dispela em Gederotaim). Dispela em ol 14-pela biktaun olgeta wantaim olgeta ol ples bilong ol. ³⁷ Senan, Hadasa, Migdalga ³⁸ na Dilien, Mispa, Joktel ³⁹ na Lakis, Boskat, Eglon ⁴⁰ na Kabon, Lamas, Kitlis ⁴¹ na Gederot, Bet Dagon, Nama, Mekeda. Dispela em ol 16-pela biktaun wantaim olgeta ol hauslain bilong ol. ⁴² Libna, Eta, Asa ⁴³ na Ipata, Asna, Nesip na ⁴⁴ Keila, Aksip, Maresa. Dispela em ol 9-pela biktaun, wantaim olgeta hauslain bilong ol. ⁴⁵ Ekron, wantaim olgeta ol taun na olgeta ol hauslain ⁴⁶ long Ekron na i go long Bikpela Solwara na olgeta ples i stap insait long Asdot wantaim olgeta ol hauslain. ⁴⁷ Asdot wantaim olgeta taun i stap klostu na olgeta hauslain bilong ol na tu Gasa wantaim olgeta taun na hauslain bilong ol, i go olgeta long namel bilong Isip na srukim i go moa yet long solwara Mediterania na i bihainim sait bilong nambis. ⁴⁸ Long maunten ples bilong Sami, Jati, Sako ⁴⁹ na Dana, Kiriat, Sana (dispela em Debi) ⁵⁰ na Anab, Estemo, Anim ⁵¹ na Gosen, Holon na Gilo. Dispela em ol 11-pela biktaun, wantaim olgeta hauslain bilong ol. ⁵² Arab, Duma, Esan ⁵³ na Janim, Bet Tapua, Apeka ⁵⁴ na Humta, Kiriat Aba (dispela em Hebron) na Sio. Dispela em ol 9-pela biktaun, wantaim olgeta hauslain bilong ol. ⁵⁵ Maon, Kamel, Sip, Juta ⁵⁶ na Jesrel, Jokdiam, Sanoa ⁵⁷ na Kain, Gibea na Timna. Dispela em ol 10-pela biktaun, wantaim olgeta hauslain bilong ol. ⁵⁸ Halhul, Bet Su, Gedo ⁵⁹ na Marat, Bet Anot na Eltekon. Dispela em ol 6-pela biktaun, wantaim olgeta hauslain bilong ol. ⁶⁰ Kiriat Bal (em dispela ples, Kiriat Jearim) na Raba. Dispela em tupela biktaun, wantaim olgeta hauslain bilong ol. ⁶¹ Insait long ples nating, dispela ol ples ol i stap, em Bet Araba, Midin, Sekaka ⁶² na Nibsan, em biktaun bilong Sol na En Gedi. Dispela em ol 6-pela biktaun, wantaim olgeta hauslain bilong ol. ⁶³ Tasol long lain Jebu, ol manmeri i stap long Jerusaliml ong ol lain Juda i no inap long rausim ol olsem na ol dispela Jebu i save stap wantaim ol lain Juda long dispela taim i kam inap nau.