3 ¹ Tok bilong God Yawe kam long Jona long namba tu taim, na tok. ² " Kirap, na go long Nineva, dispela bikpela taun,na autim tok long ol olsem mi tokim yu long givim ". ³ Olsem na Jona i kirap na i go long Nineva bihainim tok bilong God Yawe, Nau Nineva em i bikpela taun, na sapos em i wokabaut i go long hapsait long taun,em inap long kisim 3-pela de. ⁴ Jona em i stat long go insait long biktaun na bihain long wanpela de em i singaut strong na tok, "Insait long 40 de Nineva bai bagarap". ⁵ Olgeta manmeri bilong Nineva i bilip long God na ol i tokim olgeta manmeri long bikpela i go daun long liklik long tambuim kaikai na putim ol brukbruk klos. ⁶ Bihain king bilong Nineva i harim dispela tok. Em i kirap long sia king bilong em na rausim klos bilong em na putim ol brukbruk klos na sindaun wantaim rabis bilong paia. ⁷ Em i salem strongpela tok i go long olgeta manmeri bilong Nineva olsem, ol animol na wantaim olgeta samting i gat laip i mas brukim skru na krai i go long God, ol i noken kaikai na noken drink wara tu. ⁸ Tasol larim ol manmeri wantaim ol animol bilong ol i ken putim bruk bruk klos na larim ol i krai bikpela i go long God.Larim olgeta lain mas givim baksait long ol pasin nogut bilong ol i stap antap long han bilong ol. ⁹ Husait i save? Nogut God i wanbel na senisim tingting na givim baksait long belhat bilong em, we bai yumi no inap dai. ¹⁰ God i lukim wanem samting ol i mekim na ol i givim baksait long ol pasin nogut bilong ol. Olsem na God i senisim tingting bilong em long bagarapim ol we em i tok em bai mekim tasol em i no mekim.