2 ¹ Na Jona i bin prea i go long Yawe, God bilong em taim em i stap insait long bel bilong pis. ² Na em i tok olsem, ''mi singaut i go long God Yawe insait long hevi bilong mi na Em i bin harim singaut bilong mi, long Ples Nogut mi bin krai long helpim! Na yu i bin harim nek bilong mi. ³ Yu bin tromwe mi i go aninit stret insait long lewa bilong solwara, na strong bilong wara i raunim mi; ol solwara bilong yu i kapsait i kam wantaim strong na kalamapim mi. ⁴ Mi tok olsem ol i rausim mi long ai bilong yu tasol bai mi lukluk yet i kam long holi tempel bilong yu. ⁵ Na ol wara raunim mi i go kamap long nek, mi stap aninit long wara na ol gras bilong solwara i raunim het bilong mi. ⁶ Mi go daun long as bilong ol maunten na strong bilong graun i pasim mi oltaim, tasol Yawe God bilong mi, yu kisim bek laip bilong mi i kam aut long hul. ⁷ Taim sol bilong em i hap i dai, mi pilim mi nogat moa strong, mi singaut i go long God Yawe na prea bilong mi i kam long holi tempel bilong yu. ⁸ Ol i save givim luksave i go long ol giaman na rabis god i nogat wok bilong ol. Na ol i givim beksait na lusim pasin bilong bihainim yu. ⁹ Tasol long mi bai mi givim ofa bilong tok tenkyu long yu wantaim amamas; mi bai inapim promis bilong mi. God Yawe laip i save kam long yu tasol. ¹⁰ Na God Yawe i bin tokim pis na em i trautim Jona kam ausait long drai graun.