35 ¹ Eliu i toktok moa, olsem, ² ''Yu ting olsem dispela em yu toktok tasol, 'Gutpela bilong mi long ai bilong God'? ³ Long yu askim. 'Wanem wok i bilong mi?' na, 'Em bai gutpela long mi, sapos mi mekim sin?' ⁴ Mi bai bekim tok bilong yu, wantaim ol pren bilong yu. ⁵ Lukluk antap long skai na lukim em, lukim skai, em i stap antap tru long yu. ⁶ Sapos yu bin sin, wanem nogut samting yu mekim long God? Sapos ol pasin nogut bilong i go antap, wanem samting bai yu mekim long em? ⁷ Sapos yu stretpela, wanem bai yu givim long em? Wanem samting em bai kisim long han bilong yu? ⁸ Pasin nogut bilong yu bai bagarap man, sapos yu kain man, na stretpela pasin bilong yu bai helpim narapela ol pikinini bilong man. ⁹ Long wanem planti ol birua i stap, ol manmeri i krai bikpela, ol i singaut long helpim bilong ol strongpela man bilong pait. ¹⁰ Tasol i nogat wanpela i tok, We God husait i bin wokim mi. husait i save givim song insait long nait, ¹¹ husait i skulim mipela moa long em skulim ol wel abus nogut bilong graun na usait i mekim mipela i gat save olsem dispela ol pisin bilong skai?' ¹² Long hap ol i krai bikmaus, tasol God i no givim ansa long wanem bikhet pasin bilong ol man nogut. ¹³ God i no inap harim hariap giaman krai bilong ol. Bikpela i gat olgeta strong i no inap putim yau long en. ¹⁴ Hamas liklik taim bai em i ansarim yu sapos yu tok olsem yu no lukim em, orait yu mekim asua pinis long ai bilong em, na long dispela yu weit long em. ¹⁵ Nau yu tok olsem belhat bilong em i no givim pe na em i no kisim tu liklik toksave bilong pasin nogut. ¹⁶ Tasol Job em i opim maus bilong em long tok giaman tasol na em i givim toktok nating antap wantaim i no gat gutpela save.''