34 ¹ Bihain long sampela taim, Eliu i toktok yet. ² "Harim toktok bilong mi, yupela ol save man, harim mi yupela husat i gat bikpela save. ³ Yau i save harim toktok olsem tang i save testim kaikai. ⁴ Nau yumi i ken skelim stretpela pasin na yumi painim wanem samting i gutpela. ⁵ Olsem Jop i bin tok, "Mi stretpela man, tasol God Yawe rausim rait bilong mi. ⁶ Maski mi i gat raits, God Yawe lukim mi olsem giaman man. Skin sua bilong mi i no inap pinis maski mi i no gat sin" ⁷ Wanem man i olsem Jop, husat i ken dring hatim bel pasin olsem wara, ⁸ husat i save bung na go raun wantaim ol man nogut na husat i save wokabout wantaim man bilong mekim birua pasin? ⁹ Olsem man i tok," I no gat gutpela as, long kisim gutpela pasin na bihanim laik bilong God Yawe" ¹⁰ Olsem na yupela harim mi, yupela man husat i gat save, i no gutpela long mekim pasin nogut tru long ai bilong God Yawe, na tu i no gutpela long mekim ol kainkain pasin nogut. ¹¹ Dispela man i mas kisim pe long ol kainkain wok, em i mekim olgeta man i kam antap long kisim prais bilong ol pasin ol i bin mekim. ¹² Nogat tru, God Yawe i no save mekim pasin birua, na i no save wan sait long stretim hevi. ¹³ Husat putim em long bosim olgeta graun? Husat putim olgeta graun aninit long em? ¹⁴ Sapos em i no tingting long em yet na em inap bungim na kisim bek spirit na win bilong em, ¹⁵ em nau olgeta man bai i lus nating, na i go bek olsem das. ¹⁶ Sapos nau yu save, harim nois bilong toktok bilong mi. ¹⁷ Husat i save birua long lo i ken kam lukautim lo? Na bai yu bagarapim God Yawe, husat i gat stretpela pasin na olgeta strong? ¹⁸ God Yawe, i ken tokim ol king," Yu i no gutpela" na tokim ol saveman, "Yupela i no gat gutpela pasin."? ¹⁹ God Yawe, i no save wan sait long ol lida na wanbel wantaim mani man na lusim tingting long ol rabis man, em olgeta i han mak bilong em. ²⁰ Klostu ol bai i dai long biknait, ol manmeri God Yawe bai sekim ol na ol bai i dai , ol strongpela man tu bai i dai, i no long han bilong ol man. ²¹ Ai bilong God Yawe i stap antap long pasin bilong man,na em i lukim olgeta wokabaut bilong em. ²² I no gat bikpela tudak,we ol man nogut i ken haitim ol yet. ²³ God Yawe i no gat nid long sekim na glasim pasin bilong ol man husat bai sanap long kot. ²⁴ Em brukim ol strongpela man i go liklik na luksave long pasin bilong ol na em i putim ol arapela long ples bilong ol. ²⁵ Long dispela rot em i save long olgeta pasin bilong man na em i tromoi ol i go long tudak na bagarapim ol. ²⁶ Long ai bilong ol stretpela man, God Yawe i kilim ol dispela manmeri, husat pasin bilong ol i no gutpela, olsem ol raskol ²⁷ bilong wanem ol i lusim tingting long pasin bilong God Yawe na strongim bel long lusim rot bilong em olgeta. ²⁸ Long dispela rot, ol i mekim singaut bilong turangu manmeri i kam long em, God Yawe i harim krai bilong ol sori manmeri. ²⁹ Taim God Yawe i stap isi husat i ken sakim tok? Sapos em haitim pes bilong em, husat i ken painim em? Em wanpela tasol i lukautim olgeta kantri na wan wan manmeri, ³⁰ olsem na ol man bilong birua long God Yawe na i no inap bosim ol manmeri, nogut ol bai i bagarapim ol. ³¹ Sapos wanpela i tok long God Yawe "Mi sem nogut tru,olsem na mi i no i nap mekim pasin nogut gen. ³² skulim mi wanem samting mi no inap lukim, mi bin mekim asua pinis, tasol mi i no inap mekim gen." ³³ Yu ting God Yawe bai mekim save long dispela man i mekim sin, bilong wanem yu no laikim wanem samting God Yawe i laik mekim? Yu mas makim, i no Mi, Olsem na yu tok long wanem samting yu save long en. ³⁴ Man husat i gat gutpela tingting bai tokim mi olsem, olgeta man i gat gutpela tingting husait i harim bai i tok, ³⁵ "Jop i no gat save na em i no tingting na toktok nating tasol." ³⁶ Sapos ol i putim Jop long kot long liklik asua bilong wanem em toktok olsem man nogut. ³⁷ Em putim bel nogut antap long sin bilong em na amamas na paitim han long namel long yumi na tu em i putim planti hevi toktok birua long God Yawe.