33
1
Yes, Jop, nau mi askim yu long harim ol tok mi mekim long yu.
2
Lukim,nau mi opim maus bilong mi na tang bilong mi i toktok long yu.
3
Ol tok bilong mi i kamap insait long bel bilong mi na maus bilong mi i autim stretpela save.
4
Spirit bilong God i bin wokim mi na Bikpela i gat olgeta strong i bin givim laip long mi.
5
Sapos yu ken bekim tok bilong mi,orait stretim ol tok bilong yu na sanap long pes bilong mi.
6
Lukim, mi tu mi wankain olsem yu long ai bilong God na em i bin wokim mi long graun.
7
Lukim, yu noken pret long mi,gutpela bilong mi bai stap antap long yu.
8
Yu bin toktok pinis long taim mi harim na mi harim pinis ol tok bilong yu olsem,
9
Mi yet mi klin na mi no save mekim pasin nogut,mi nogat asua na sin insait long mi.
10
Nau God i painim sampela rot long bagarapim mi na em i lukim mi olsem birua bilong em.
11
Em kaunim olgeta wokabaut bilong mi na was long olgeta rot bilong mi.
12
Long dispela yu giaman,mi bai bekim long yu olsem God em i bikpela long man.
13
Bilong wanem yu birua long em,em i no save kaunim ol nogut bilong yu.
14
God i save toktok 1pela na 2pela taim tasol ol man i no save lukim dispela.
15
Taim olgeta man i slip in dai long bet na long driman,
16
nau God opim ia bilong olgeta man na pretim ol wantaim ol poret toktok.
17
em long pulim man i kam bek long ol sin pasin bilong em na apim nem bilong em.
18
God i save lukautim laip bilong man long go long hul na abrusim dai.
19
Man i kisim mekim save bilong em antap long bet wantaim strongpela pain long bun bilong em.
20
na bodi bilong em bai i no inap laikim kaikai na spirit bilong em bai dai.
21
Ol mit bilong em i go pinis na i no inap long lukim na ol bun bilong em i stap hait, nau i kamap ples klia.
22
Na sol bilong em i go klostu long hul bai husait man i laik bagarapim laip bilong em i ken bagarapim.
23
Sapos i gat wanpela ensel olsem namel man insait long ol taunsen ensel husait i ken soim em long bihainim stretpela pasin.
24
Na sapos dispela ensel i wanbel na tokim God olsem noken larim dispela man i go long hul,mi bai larim em i go fri.
25
Na bodi bilong em bai i kamap olsem bodi bilong nupela pikinini na strong bilong em bai i kamap olsem ol yangpela.
26
Na God bai i mekim gut long em na em bai i lukim pes bilong God wantaim amamas,na God bai mekim em i amamas.
27
Na dispela man bai singsing long pes bilong ol arapela manmeri na tok,mi mekim sin na tok dispela em i stret tasol mi no kisim mekim save long sin bilong mi.
28
God i kisim bek mi long maus bilong hul,laip bilong mi bai i stap yet na lukim lait.
29
Na God i mekim dispela olgeta samting wantaim wanpela man, 2pela na 3pela taim.
30
long kisim sol bilong em i kam bek long hul,olsem bai em i ken kisim strong long lait bilong laip.
31
Job,'' stap isi na harim mi bai toktok.''
32
Sapos yu gat sampela samting long tokim mi, orait yu tok long wanem mi laik save olsem yu stap stret.
33
Sapos nogat orait stap isi na harim mi toktok na bai mi skulim yu long ol gutpela tingting.