32 ¹ Olsem na ol dispela tripela man i no moa bekim tok bilong Job long wanem em i stretpela man long ai bilong em yet. ² Na Elihu pikinini man bilong Barakel man long Blusait, long famli bilong Ram, belhat bilong en i kirap olsem paia, em i kirapim paia long Job long wanem em i kisim ples bilong God Yawe na i tok long em yet olsem em i stretpela man. ³ Belhat bilong Elihu i olsem paia i kirap long ol tripela wantok bilong en long wanem ol ino painim ansa long askim bilong Job, na ol i bin tok nogutim Job. ⁴ Nau Elihu i bin wait long toktok long Job long wanem em i yangpela man na ol arapela i lapun man ⁵ Orait, taim Elihu i lukim olsem i nogat ansa long maus bilong dispela tripela man, belhat bilong en i olsem paia i kirap. ⁶ Na Elihu pikinini man bilong Barakel long Busait i kirap na i tok, "mi yanpela man tumas na yupela i lapun man. Olsem na long dispela as mi stap bek na mi no tokim yupela tingting bilong mi. ⁷ Mi tok, "longpela taim bilong de i mas toktok, na planti bilong ol yia i mas skulim gutpela tingting. ⁸ Tasol i gat spirit insait long man, win bilong God Yawe i gat olgeta strong i givim em save. ⁹ Ino ol bikpela manmeri tasol i gat gutpela tingting, olgeta sais manmeri husait i klia long gutpela pasin. ¹⁰ Long dispela as mi tokim yu, harim mi, mi bai tokim yu long save bilong mi. ¹¹ Lukim, mi bin wait long ol toktok bilong yu, mi harim ol tok kros bilong yu taim yu wok long tingting long wanem samting yu bai toktok long en. ¹² Na mi harim yu, tasol, lukim, i nogat wanpela bilong yupela inap mekim Job i wanbel o husait inap harim ol toktok bilong en. ¹³ Lukaut noken tok, " Mipela i painim gutpela tingting!" God Yawe i ken daunim Job, man nating ino inap mekim olsem. ¹⁴ Long wanem Job i no bin salim tok kros bilong en long mi, olsem na mi no inap givim ansa long em wantaim ol toktok bilong yupela. ¹⁵ Dispela tripela man i guria nogut tru, ol i no inap long givim ansa long Job, ol i nogat tok moa long toktok. ¹⁶ Inap mi wait long wanem ol i no toktok, long wanem ol i sanap isi tasol na ol i no bekim tok moa? ¹⁷ Nogat, bai mi bekim ansa long sait bilong mi, mi bai tokim ol tingting bilong mi tu. ¹⁸ Long wanem mi pulap long ol toktok, dispela spirit i stap insait long mi i kirapim mi.. ¹⁹ Lukim, susu bilong mi i olsem wain ol i brukim na i nogat rot bilong win i go aut, olsem nupela wainskin, em i redi long bruk. ²⁰ Mi bai toktok long mekim tingting bilong mi i kamap gutpela gen, mi bai opim maus bilong mi na tokaut. ²¹ Mi i no inap soim pasim bilong laikim wanpela tasol, na tu mi no inap givim biknem long ol man. ²² Long wanem mi no save long givim kain namba olsem, sapose mi mekim olsem, klostu taim bai god bilong mi kisim mi go.