6 ¹ Ol manmeri bilong lain Benjamin, painim ples bilong hait na winim biugel long Tekoa na lusim Jerusalem. Kirap Bet Hakerem na mekim wanpela sain long wanem pasin nogut i wok long kamap long not, bikpela bagarap i wok long kam. ² Ol pikininin meri bilong Saion yupela ol naispela na gutpela meri, yupela olgeta bai i bagarap. ³ Ol bai i wokim sel haus raunim em na ol wasman bilong sipsip wantaim ol sipsip bilong ol bai i go long em na wanwan man bai i lukautim em yet. ⁴ Kirap, yumi go pait long apinun. Yupela i mas givim yupela yet long ol god bilong pait, long wanem tulait i wok long go na tutak i wok long kam. ⁵ Yumi go pait long nait na bagarapim banis bilong dispela meri. ⁶ God Yawe i tok olsem, katim olgeta diwai bilong dispela meri na pasim rot bilong ol birua i laik bagarapim Jerusalem. Em dispela biktaun yumi mas pait long en long wanem em i pulap long pasin nogut. ⁷ Dispela taun i wok long kamapim planti pasin nogut olsem wara i kapsait long hul wara, pasin nogut na pasin bilong bikhet i stap insait long em na ol sik na sua tu i wok long kamap long pes bilong mi. ⁸ Jerusalem kisim olgeta skul tok bilong mi o nogat bai mi givim baksait long yu na bagarapim dispela graun. ⁹ God Yawe i tok olsem, Ol bai i bungim olgeta ol Israel husait i bin stap bek olsem ol i bungim wain long gaden wain. ¹⁰ Lukim'bai mi tokaut na tokim husait na ol bai harim? Ol i no katim yau bilong ol na ol i stap isi na harim tok. Tok bilong God Yawe i kam bilong stretim ol, tasol ol i no laikim. ¹¹ Mi les long holim long bel long wanem mi pulap long belhat bilong God Yawe em i tok olsem ,''kapsaitim long ol pikinini na long ol yangpela man, ol bai rausim olgeta meri long ol man bilong ol, na olgeta lapun. ¹² God Yawe i tokaut olsem bai mi givim ol haus bilong ol na gaden na meri bilong ol i go long ol arapela lain na bai mi bagarapim husat i wok long bagarapim dispela graun long han bilong mi. ¹³ Yawe i tokaut olsem, ''long liklik i go long bikpela ol i gat pasin bilong giaman na pasin bilong tingim ol yet. Ol pris na ol profet tu i save mekim pasin giaman.'' ¹⁴ Ol i bin oraitim sua bilong ol manmeri bilong mi liklik na tok bel isi, bel isi taim i nogat bel isi i stap. ¹⁵ God Yawe i tok, ''Taim ol i mekim ol stingpela pasin, ol i bin sem tu?'' Ol i no bin sem long wanem ol i no save long sem, olsem na ol bai i pundaun olsem ol arapela i bin pundaun na ol bai i kisim ol i go na mekim save long ol. ¹⁶ God Yawe i tok olsem,'' sanap long rot bung na lukluk na askim ol long ol olpela rot. Gutpela rot i stap we? Nau yupela yet i go na painim ples malolo bilong yupela yet. Tasol ol i tok mipela i no inap go. ¹⁷ Mi makim ol wasman long putim yau long krai bilong biugel tasol ol i tok, mipela i no inap putim yau long harim krai bilong biugel. ¹⁸ Olsem na ol kantri, harim na lukim, bai yu tokaut long wanem samting bai i kamap long ol. ¹⁹ Graun harim na lukim, klostu bai mi bringim bagarap i kam long ol dispela manmeri long bihainim laik bilong tingting bilong ol. Ol i no save putim yau long tok o lo bilong mi na ol i save lusim. ²⁰ Dispela diwai i gat naispela smel i go antap long Seba i tok wanem long mi? Dispela naispela smel i kam long longwe hap graun. Mi no inap kisim ol ofa yupela kukim long paia na lotu bilong yupela. ²¹ Olsem na God Yawe i tok olsem, klostu bai mi putim wanpela hevi long ol dispela manmeri na bai ol i kisim hevi, em ol papa na ol pikininin wantaim. Ol man bilong bagarap wantaim olgeta wantok tu bai lus., ²² God Yawe i tok olsem, Lukim wanpela lain manmeri i wok long kam long hap graun long not, wanpela strongpela kantri bai kamap long wanpela hap kona bilong graun. ²³ Ol bai i kisim spia na bunara, ol bai kros na ol bai i no gat sori bilong ol long yu pikinini meri bilong Saion. Ol bai sindaun long ol hos na go olsem ol man bilong pait wantaim bikpela nois olsem nois bilong solwara i bruk. ²⁴ Mipela i bin harim sampela ripot bilong ol na mipela i pilim daun, olsem meri i karim pikininin na han bilong mipela i go daun. ²⁵ Ol birua i raunim pinis olgeta hap wantaim bainat bilong ol, olsem na yupela i mas pret na yupela i noken i go long gaden na tu yupela i noken wokabaut long rot. ²⁶ Ol pikinini meri bilong ol i mas putim klos bilong sori na rapim asis bilong paia na yu bai krai nogut tru olsem yu krai long wanpela pikininin man. Kwik taim tru man bilong bagarapim mipela bai i kam. ²⁷ Jeremaia, mi wokim yu, bai yu traim ol manmeri bilong mi olsem man i traim ain, olsem na yu bai sekim na traim rot bilong ol tu. ²⁸ Olgeta manmeri bel bilong ol i pas tru, ol i save raun na sutim tok long ol arapela. Olgeta bilong ol i save giaman tru na ol i olsem bras na ain. ²⁹ Strongpela paia i kukim ol na i drai olgeta, paia i kaikaim olgeta na ol i traim long stretim namel long ol yet tasol i nogat wok bilong em long wanem spirit nogut i stap yet. ³⁰ God Yawe i no laikim ol dispela silva.