51 ¹ God Yawe i tok olsem. Lukim, bai mi salim bikpela win bilong bagarapim Babilon na long ol lain i stap long Leb Kamai. ² Bai mi salim ol man bilong narapela ples i go long Babilon. Ol bai i raunin na bagarapim ol long graun bilong ol, ol bai i kam long olgeta hap long taim bilong bagarap na birua long em. ³ Noken larim ol man bilong pait long banara i redi na putim klos pait bilong ol. Noken bagarapim laip bilong ol yangpela man na meri. Larim ol ami bilong ol i stap longwei long dispela bikpela hevi. ⁴ Long ol lain i gat sua bai i go long graun bilong ol saveman bilong pait na husait ol i dai, bai ol i putim ol long bikrot bilong em. ⁵ Maski graun bilong ol Israel na ol Juda i pulap long kainkain pasin nogut ol i mekim long em, tasol God Yawe i gat olgeta strong em i no givim baksait long ol na i lusim ol. ⁶ Ranawe long pes bilong ol Babilon, larim wanwan man i helpim em yet. Noken ranawe long pasin nogut bilong em. Nau em i taim bilong belaht bilong God.Em bai bekim pe olgeta long em. ⁷ Babilon i olsem kap i gat gol i stap long han bilong God Yawe i bin mekin dispela graun i spak, ol kantri i dring dispela wain bilong em na ol i faul na longlong. ⁸ Babilon bai i pundaun hariap na bagarap. Em bai i krai wantaim bikpela pen. Givim em marisin bilong dispela pen, ating em bai i orait gen. ⁹ Mipela i laikim tru long oraitim Babilon, tasol em i no orait. Bai yumi olgeta lusim em na i go nambaut long graun bilong yumi yet. Bilong wanem, ol asua bilong em i go long heven na i pulap long skai. ¹⁰ God Yawe i tokaut klia olsem mipela i nogat rong. Kam yumi go long Saion na tokaut long gutpela pasin bilong Yawe em i God bilong yumi.' ¹¹ Sapim ol spia na kisim ol hap palang bilong pait. God Yawe bai i tanim spirit bilong king bilong Medes i kam bilong Bagarapim Babilon. God Yawe i laik bekim pei nogut long ol, we ol i bin bagarapim haus lotu bilong em. ¹² Putim wanpela hap laplap long banis bilong Babilon na larim ol man bilong lukluk i was strong long ol ples hait. BIKPELA bai i mekim wanem samting em i bin tok long ol manmeri i stap long Babilon. ¹³ Ol manmeri bilong yu i stap long planti wara i save ran i go, em yupela ol lain i pulap tru long ol gutpela samting, nau em bai yupela i pinis long hia. Wokabaut bilong laip bilong yupela bai i pinis nau. ¹⁴ God Yawe i gat olgeta strong i promis antap long nem bilong em olsem, ' Bai mi givim planti man long yu olsem bikpela namba bilong ol grasopa na bai ol i kirapim krai bilong pait wantaim yu.' ¹⁵ Em i bin wokim dispela graun long pawa bilong em yet, long gutpela tingting bilong em i kamapim dispela graun. Long gutpela tingting bilong em, em i kamapim heven. ¹⁶ Taim tanda i pairap, wara i mekim bikpela nois long heven na i bringim sno long arere bilong graun i kam. Em i mekim laitning bilong ren na salim win long haus stoa bilong em tu i kam. ¹⁷ Olgeta man i les na i nogat gutpela save. Olgeta man i save wok wantaim ol ain i kisim sem long giaman god bilong ol. Ol giaman piksa i giamanim ol na i nogat laip i stap long ol. ¹⁸ Ol i luk nogut long ai bilong ol man, em i wok bilong ol lain i save to bilas, em ol bai i bagarap na pinis long taim ol bai i kisim mekim save bilong ol. ¹⁹ Tasol God Yawe, em i God bilong Jekop em i no olsem, em i save brukim daun olgeta samting. Ol Israel em ol lain tru bilong em, God Yawe i gat olgeta strong long nem bilong em tasol. ²⁰ Yupela i stap olsem hama bilong pait na ol samting bilong mi long pait. Long yupela, bai mi brukim ol kantri na bagarapim ol kingdom bilong ol. ²¹ Wantaim yu bai mi bagarapim ol hos wantaim ol man i ronim hos na wantaim yu bai mi bagarapim ol kariot na ol draiwa bilong ol. ²² Wantaim yu bai mi bagarapim ol man na ol meri, wantaim yu bai mi bagarapim ol lapun na ol yangpela. Wantaim yu bai mi bagarapim ol yangpela man na ol meri i no bin slip wantaim wanpela man. ²³ Wantaim yu bai mi bagarapim ol wasman na sipsip bilong ol, wantaim yu bai mi bagapapim ol man i save brukim graun wantaim ol lain bilong ol. Wantaim yu bai mi bagarapim ol gavana na ol ofisa bilong ol. ²⁴ Taim yu lukluk yet, bai mi bekim pei nogut long Babilon na ol lain bilong ol save man bilong pait long olgeta pasin nogut bilong ol, we ol i bin mekim long Saion, mi God Yawe i tok olsem. ²⁵ Lukim, nau mi birua long yu, maunten bilong bagarap, mi God Yawe i tokaut, bai mi bagarapim dispela graun. Bai mi opim han bilong mi na birua long yu na bai mi tromoi yu go daun long ples nogut na kukim yu olgeta. ²⁶ Olsem na ol bai i no inap kisim wanpela ston long yupela bilong wokim sait o as bilong haus, bai yu stat long bagarap na i no inap i stap moa. Mi God Yawe i tok. ²⁷ Sanapim wanpela pilak antap long graun. Winim bigul long olgeta hap bilong kantri na singautim ol kantri i kam redi long pait wantaim em. Ararat, Mini na Askenas, makim wanpela kepten long i go pait wantaim em, kisim ol hos wantaim bikpela namba olsem ol grasopa i kam. ²⁸ Redim kantri bilong yu long pait wantaim em. King bilong ol Medes na ol gavana na olgeta ofisa na olgeta graun i stap aninit long lukaut bilong em. ²⁹ Graun bai i guria na bai i stap long bikpela pain olsem, God Yawe i wok long birua long Babilon, long mekim graun bilong Babilon i kamap graun nogut na bai i nogat ol man i stap long em. ³⁰ Ol soldia long Babilon i no moa pait na ol i stap long strongpela banis bilong ol. Strong bilong ol i pinis olgeta, ol i kamap olsem ol meri, haus bilong em i paia na ain bilong dua i bruk. ³¹ Man bilong bringim tok i ron i go tokim arapela man na narapela man i go tokim arapela man bilong kisim tok i go tokim king bilong Babilong olsem, biktaun bilong em i kam long arere bilong em. ³² Olsem na ol i pasim rot bilong wara we ol i save brukim na ol birua i kukim ol gras i stap long rot na ol ami bilong Babilon i faul nambaut. ³³ God Yawe i gat olgeta strong, em i God bilong ol Israel i tok olsem, ''Ol pikinini meri bilong Babilon i olsem graun bilong rausim ol pikinini kaikai. Nau em i taim bilong daunim em i go daun. Long liklik taim tasol na taim bilong kamautim kaikai bai i kamap long em.'' ³⁴ 'Nebukatnesar king bilong Babilon i bin bagarapim mi, em i bin mekim mi longlong na mekim mi olsem pot i nogat kaikai i stap insait long en. Em i daunim mi olsem bikpela masalai na i pulapim bel bilong en wantaim ol gutpela kaikai bilong mi na nau em i spetim mi i kam aut.' ³⁵ Man husait i stap long Saion bai i tok, 'Yu ken mekim nogut long mi na larim mit bilong mi i stap long Babilon.' Na Jerusalem bai i tok, 'Larim blut bilong mi i stap long ol lain i stap wantaim ol saveman bilong pait.' ³⁶ Olsem na God Yawe i tok olsem. Lukim, liklik taim bai mi kamapim ples klia hevi bilong yupela na mekim save long yupela. Bai mi mekim drai olgeta bikpela na liklik wara bilong Babilon. ³⁷ Babilon bai i stap olsem matmat biong ol samting i bagarap pinis na olsem ples bilong ol weldok i nogut na i mekim nois na i nogat ples bilong i stap. ³⁸ Ol manmeri bilong Babilon bai i singaut olsem ol yangpela lion. Ol bai i singaut liklik olsem ol pikinini lion. ³⁹ Taim ol i pilim hat na laikim planti samting, bai mi mekim bikpela kaikai bilong ol, 'Bai mi mekim ol i spak na ol bai i hamamas na bai mi mekim ol slip olgeta na i no inap kirap gen. Mi God Yawe i tok. ⁴⁰ Mi bai salim ol i go daun olsem ol sipsip bilong katim na kilim, olsem ol man sipsip wantaim ol man meme. ⁴¹ Ol i holimpas Babilon olsem wanem. Hamamas bilong olgeta graun i pinis. Olsem wanem na Babilon i bagarap olgeta namel long ol kantri. ⁴² Solwara i kam na karamapim Babilon. Em i karamapim em wantaim nois bilong en. ⁴³ Biktaun bilong em i bagarap na i pinis, graun nating na bikpela bus we i no gat man i stap na i nogat man i save i go long em. ⁴⁴ Orait bai mi mekim save long giaman God Bel long Babilon, bai mi rausim samting em i daunim i stap long maus bilong em na ol kantri bai i no inap moa kisim ol offa bilong ol i go long em. Banis bilong Babilon bai i pundaun. ⁴⁵ Klia long ai bilong em ol manmeri bilong mi. Yupela wanwan i mas lukautim laip bilong yupela long belhat bilong mi. ⁴⁶ Bel bilong yupela i no ken i go daun o pret long toksave taim yupela i harim long graun, olsem dispela toksave bai i kam wanpela yia. Bihain long dispela, long narapela yia, bai i gat toksave gen na kainkain bagarap bai i stap long graun. Ol king bai i birua namel long ol yet. ⁴⁷ Olsem na lukim, ol dei i kamap na bai mi mekim save long ol giaman god bilong ol Babilon we ol i wokim long han bilong ol . Olgeta graun bilong em bai i sem na ol lain ol i katim ol, bai pundaun long ai bilong em. ⁴⁸ Olsem na long heven na long graun na olgeta samting i stap long ol bai i hamamas long Babilon. Ol lain bilong bagarapim em bai i kam long hap not, Mi God Yawe i tok. ⁴⁹ Babilon i bin kilim ol israel na ol i lus, olsem na long wankain pasin long graun bilong em, bai i kamap long Babilon. ⁵⁰ Ol Jerusalem husait yupela i no kisim bagarap long bainat bilong ol Babilon, yupela i mas go. Noken tingting strong long stap. Singaut long God Yawe long helpim yupela na tokim em long tingim Jerusalem. ⁵¹ Mipela i sem taim mipela i harim ol pasin nogut i kamap, kainkain tok bilas i karamapim pes bilong mipela long wanem, ol man bilong narapela ples i kam insait long ples holi long haus bilong God Yawe.. ⁵² Olsem na Lukim ol dei i kam, Mi God Yawe i tok, taim mi mekim save long ol giaman god bilong em, ol manmeri i gat sua bai i singaut long olgeta hap long graun bilong em. ⁵³ Sapos i olsem babilon i go antap long heven o kamapim strong bilong em i go moa antap, bai mi salim ol lain bilong bagarapim em i kam long em, Mi God Yawe i tok. ⁵⁴ Bikpela singaut wantaim pen i kamap long Babilon na long graun bilong ol saveman man bilong pait, ol i kisim bikpela bagarap. ⁵⁵ God Yawe bai i bagarapim Babilon. Em bai i pinisim bikpela singaut bilong em. Ol birua bilong ol bai i bikmaus olsem nois bilong planti wara. Nois bilong ol i kamap bikpela moa. ⁵⁶ Nau ol lain bilong bagarapim em i kamap birua bilong em na ol i holim pas ol soldia bilong em. Ol i brukim ol banara bilong ol olsem God Yawe em i God bilong bekim rong na em bai bekim pasin nogut bilong ol. ⁵⁷ Bai mi mekim em i kamap olsem pikinini meri bilong kuin, ol saveman, ol ofisa na ol soldia bilong em i spak na bai ol i slip olgeta na bai ol i no inap kirap gen. Em mi king i tok, God Yawe i gat olgeta strong em i nem bilong mi. ⁵⁸ God i gat olgeta strong i tok olsem. Strongpela banis bilong Babilon bai i bruk na i bagarap olgeta na ol longpela dua bilong em bai i paia. Na ol man i kam long helpim em bai ol i hatwok nating na ol arapela kantri i laik helpim em, olgeta samting bilong ol bai i paia.'' ⁵⁹ Dispela em i tok bilong Jeremaia i tokim Seria pikinini bilong Neria, pikinini bilong Masea taim em i go wantaim Zedikia king bilong Juda long Babilon long namba 4 yia bilong em olsem king. Nau Seria em i namba wan ofisa. ⁶⁰ Em Jeremaia i bin raitim long skrol buk long olgeta bikpela bagarap bai i kamap long Babilon, em olgeta dispela toktok ol i raitim long babilon. ⁶¹ Jeremaia i tokim Seria olsem. ''Taim yu go long Babilon, em bai yu lukim na ridim ol dispela toktok strong. ⁶² Na bai yu i tok olsem, 'Yawe, yu yet i bin tokaut olsem, bai yu bagarapim dispela ples na i no gat wanpela man o animol bai i stap long en na i nogat wanpela haus samting bai i stap oltaim.' ⁶³ Na taim yu pinis ritim dispela skrol buk, pasim wanpela ston long en na tromoi i go namel long wara Yupratis. ⁶⁴ Na tok, 'Babilon bai i go daun wankain olsem. Em bai i no inap kirap long wanem bai mi salim ol bikpela hevi i kam long em na ol bai i pundaun.''' Tok bilong Jeremaia i pinis olsem.