35 ¹ Ples nating na Araba bai i amamas, ples drai bai i amamas tru na kamapim ol plaua. Olsem plaua bilong bus, ² em bai kamapim planti plaua na amamas tru na singsing wantaim, bikpela lait bilong Lebanon bai lait antap long en, bikpela bilas bilong Karmel na Seron. Ol bai lukim glori bilong God Yawe na bikpela bilas bilong God bilong yumi. ³ Em bai givim strong long ol han i nogat strong na strongim ol lek i save guria. ⁴ Tokim ol lain bel bilong ol i save pret, "Yupela i stap strong na i noken pret. Lukim, God bilong yupela bai kam na bekim pei long ol birua bilong yupela na bagarapim ol. Em bai kam na helpim yupela." ⁵ Na ol aipas bai lukluk gen na ol yau i pas bai harim toktok gen. ⁶ Na ol lek nogut man bai kalap olsem dia na mauspas bai singim song, long wanem wara i kamap long Araba na ol wara i ron long ples nating. ⁷ Wesan i hat nogut tru bai raun wara i kamap na graun i nogat wara bai wara i kamap na ron i go. Long ples ol weldok i save stap na slip long en, bai i gat ol kainkain gras i save stap arere long wara i kamap. ⁸ Wanpela bikpela rot i stap long dispela hap bai ol i kolim Rot i Holi. Man i no klin bai i no inap wokabaut long en. Ol man i save wokabaut long en, em ol dispela lain tasol bai i wokabaut long en. Nogat wanpela longlong man bai i wokabaut long en. ⁹ I nogat laion na wel abus bai wokabaut long en na i stap long dispela hap nogat, ol bilip manmeri tasol bai wokabaut long dispela rot. ¹⁰ Ol manmeri God Yawe i bin kisim bek ol bai i kam bek gen na singsing wantaim i go long Saion na ol bai amamas oltaim oltaim. Bikpela amamas tru bai karamapim ol, wari na sem bai lusim ol.