34 ¹ Kam klostu nau,yupela ol kantri , harim na putim yau gut, yupela manmeri! Graun na olgeta samting i pulap tru i stap mas harim gut, olgeta manmeri bilong graun na olgeta samting i kamap long en. ² God Yawe i belhat nogut tru long olgeta manmeri na bikpela na strongpela belhat bilong em antap long ol ami, em i pinisim ol tru na bringim ol i go long ples bilong dai. ³ Na planti dai bodi bilong ol manmeri, bai ol i tromoi i go autsait. Na smel bilong ol bodi bilong man i dai pinis bai i stap long olgeta hap na ol maunten bai i pulim olgeta blut bilong ol. ⁴ Na olgeta sta antap long skai bai ol i lusim strong bilong ol long lait na skai bai ol i karamapim olsem laplap ol man i save stretim na ol sta tu i lusim strong bilong ol, wankain olsem ol lip diwai i pundaun i kam daun long diwai wain na olsem ol frut bilong fik i mau na bagarap olgeta long diwai fig. ⁵ Na taim bainat bilong mi Bikpela yet, i olsem em i dring pinis na pulap tru long heven, lukim ol dispela samting bai i kam daun long ol lain bilong Idom, long ol manmeri mi makim ol bilong kisim bikpela bagarap olgeta. ⁶ Bainat bilong God Yawe i kapsaitim blut na i karamap wantaim ol gris em i kapsaitim wantaim blut bilong ol sipsip na meme na karamap tu long gris bilong ol sipsip. Long wanem God Yawe i mekim ofa long ples Bosra na bikpela hevi na dai tu i kamap long graun bilong ol Idom ⁷ Ol wel bulmakau bai ol i dai wantaim ol na ol yangpela bulmakau wantaim ol lapun tu. Dispela graun bilong ol bai dringim blut bilong ol na das bilong ol bai i kamap olsem gris i gat bikplea gris tru. ⁸ Orait em bai i olsem wanpela dei bilong God Yawe i bekim ol pei nogut long ol man na yia taim em i bekim pei bilong olgeta pasin nogut ol i mekim long Saion. ⁹ Ol han wara bilong Idom bai tanim kamap olsem ol baret ol man i dikim pinis na olgeta das bilong em i olsem salfa na graun bilong em bai kamap bikpela baret igat paia. ¹⁰ Paia bilong em bai lait long nait na dei na smuk bilong em i kirap oltaim, long wanpela lain tumbuna i go long narapela lain tumbuna em bai i stap long graun i nogat laip i stap long en na i nogat man bai i wokabaut i go insait long dispela hap oltaim oltaim. ¹¹ Tasol ol wel pisin na ol animol bai i stap long dispela ples, ol pisin bilong nait na ol kotkot bai wokim ol haus bilong ol long en. Na God bikpela bai surukim liklik mak lain bilong man i kisim ol hevi na rop lain ol i save makim long kona bilong haus em rop lain bilong bikpela bagarap i bai kamap. ¹² Ol bikpela man bilong dispela ples bai i nogat tru wanpela samting i stap bihain long kamapim gen kingdom bilong ol na ol pikinini man bilong king bai i nogat nem olgeta. ¹³ Olgeta rop i gat nil bai kamap bikpela tru long ples bilong king i save i stap long em, ol gras nogut i gat smel nogut i save kamapim skin kaskas, dispela ol gras na rop i gat nil bai i kamap strongpela banis bilong em. Dispela ples tu bai i kamap olsem ples bilong ol liklik wel dog na bilong ol bikpela pisin olsem muruk i save ran i go kam tasol. ¹⁴ Ol wel animol bai i bung long dispela hap na ol wel meme bai i krai i go long wanlain bilong ol. Na olgeta animol i save wokabaut long nait bai sindaun long dispela ples na painim malolo bilong ol. ¹⁵ Ol bikpela pisin bilong nait bai i wokim haus bilong ol na slip antap long kiau bilong ol na ol bai brukim kiau bilong ol na was long ol yangpela bilong ol. Yes, long hap ol tarangau bai bungim wan wan bilong ol wantaim ol poroman bilong ol. ¹⁶ Lukluk gut tru i go insait long bikpela buk bilong God Yawe, bai i nogat wanpela bilong ol bai i stap nating na nogat wanpela bilong ol bai stap sot long poroman bilong en, long wanem, maus bilong God yet i tok pinis na spirit bilong em tasol i bai bungim ol. ¹⁷ Em i bin tromoi bikpela kago long ples bilong ol wan wan na han bilong em yet i pasim pinis mak bilong ol wantaim rop ol i save pasim ol paia wut. Ol bai kisim dispela ples olsem asples bilong ol stret, long tumbuna lain i go long narapela tumbuna lain kam bihain, ol bai i stap long dispela ples oltaim oltaim.