31 ¹ Tok lukaut long ol lain i go daun long Isip long kisim helpim na mangal long ol hos na karis bilong wanem i gat planti istap na ol man bilong kalap long hos namba i no sot.Tasol ol i no tingim bikpela bilong Israel na ol i no gat luksave long God Yawe! ² Tasol em man bilong tingting stret na em bai kisim bagarap i kam na i no i nap kisim tok bilong em bek. Em bai kirap na birua wantaim ol haus lain nogut na husat helpim ol long sin pasin. ³ Isip em man tasol, em ino bikpela God, ol hos bilong ol em igat mit na i no spirit. Taim God Yawe putim han igo aut, ol lain husat helpim em na husat kisim helpim bai tupela wantaim i pundaun na pinis olgeta. ⁴ God Yawe i tokim mi olsem, "Wankain olsem laion wantaim pikinini bilong em tupela i save bikmaus long abus kaikai bilong ol, tasol taim wasman bilong sipsip i singaut i go long laion, em ino suruk long bikmaus bilong ol na isi tasol ino ranawe tu, em olsem tasol, God Yawe bikpela bilong yumi bai kam daun long maunten Saion na pait. ⁵ Olsem ol pisin i save flai, God Yawe bikpela bilong yumi bai banisim Jerusalem, em bai lukautim na was gut longpela taim. ⁶ Yupela olgata manmeri bilong Israel lusim olgeta pasin nogut na kam bek long em. ⁷ Long dispela dei wanwan manmeri bai rausim ol giaman god bilong gol na silva em yupela i wokim long han bilong yupela wantaim karamap bilong sin. ⁸ Ol Asiria bai pundaun long bainat, em bainat ol man ino wokim long han na em bai pinisim ol. Em bai ranawe long bainat na ol yangpela pikinini man bilong em, bai ol kalabusim ol wantaim bikpela wok i no gat pei. ⁹ Ol bai lusim bel na tingting na pret long dispela hevi na ol pikinini man bilong king bai pret long lukim pait fleg bilong God Yawe. Em dispela strongpela tok lukaut bilong God Yawe husat paia bilong em istap long Saion na sospen paia istap insait long Jerusalem i tokaut."