32 ¹ Lukim, wanpela king bai kamap, em bai strepela pasin man na ol ofisa bilong em bai lukautim ples wantaim gutpela sinduan. ² Wanwan bilong ol bai i olsem karamap long taim bilong win na haitples long taim bilong ren, olsem wara i ron long draiples na bikpela ston bai i olsem kolples long ples i hot na i drai long en. ³ Orait ai bilong ol lain i lukim klia bai i no inap pas na yau bilong ol bai harim gut. ⁴ Ol man i save skin kirap bai tinting gut stret wantaim gutpela tingting na ol man i no save toktok gut bai mekim toktok klia stret. ⁵ Ol lain i nogat gutpela tingting bai nogat biknem na ol lain bilong giaman bai i nogat gutpela nem. ⁶ Long man i save toktok olsem longlong, em i no save mekim gutpela toktok na bel bilong em i tingim long mekim pasin nogut na em bai tokim ol toktok i no stret long God Yawe. Em bai mekim ol man i hangre long kaikai na nogat wara long dring. ⁷ Pasin bilong man bilong tok giaman i nogut tru. Em i save long kamapim giaman tingting bilong em long sutim tok long bagarapim ol man i nogat samting wantaim giaman tok bilong em, maski ol man i nogat samting mekim tok i stret na tru. ⁸ Tasol man i gat gutpela na stretpela pasin, i save kamapim gutpela tingting long wanem, stretpela pasin bilong em i save mekim em long sanap. ⁹ Kirap, yupela ol meri husat i stap gut na harim nek bilong mi na yupela ol pikinini meri i save amamas, yupela harim tok bilong mi. ¹⁰ Bihain liklik long wanpela yia, bilip bilong yupela long mi bai i bruk, yupela ol meri bilong amamas, bai wain i no inap karim planti long kisim na nogat wanpela kaikai bai kamap gen. ¹¹ Yupela guria, ol meri i stap gut, yupela wari, ol strongpela lain, rausim ol gutpela klos bilong yupela na stap skin nating na karamapim ol pipia klos na raunim hip bilong yupela. ¹² Yupela bai krai long ol gutpela hap graun bilong yupela long karim planti pikinini wain. ¹³ Long graun bilong ol manmeri bilong mi, bai ol nilgras na rop diwai bai kamap nabaut, maski insait long haus amamas i save pulap long en long dispela biktaun, bai nogat amamas moa. ¹⁴ Ol bai lusim haus bilong king na biktaun save pulap bai i nogat man, ol liklik maunten na wastaua bilong ol wasman bilong king bai kamap hul bilong ston oltaim na ol wel donki na sipsip bai raun nabaut na kaikai planti gras, ¹⁵ inap long taim Spirit bilong God i kam antap long mipela na ples nating i kamap olsem hap graun bilong planti pikinini kaikai na dispela hap graun bai kamap olsem bikpela bus. ¹⁶ Na gutpela sindaun na stretpela pasin bai kam stap long dispela ples nating na kamapim planti pikinini kaikai long dispela hap graun. ¹⁷ Wok bilong stretpela pasin em i belisi na mak bilong stretpela pasin em i pasin bilong stap isi na bilip oltaim. ¹⁸ Ol manmeri bilong mi bai i stap bel isi na bai nogat bagarap i kamap long ol na long ples bilong ol na ol bai stap isi na malolo long ol ples bilong ol. ¹⁹ Tasol maski, sapos ren na win i bagarapim ol diwai long bikbus na biktaun i pundaun olgeta, ²⁰ yu husait i planim ol sid arere long wara na yu husait i larim ol kau na sipsip i go long kaikai gras bai kisim blesing.