26 ¹ Mipela i gat stronpela biktaun na God Yawe i bin kisim bek mipela long han bilong ol birua. Long dispela dei ol i bin singsing na amamas insait long graun bilong ol Juda. ² Yupela i mas opim ol geit na ol bilip manmeri pasin bilong ol i stret ol i ken go insait. ³ Dispela tingting i stap long yupela, yupela bai i lukautim em insait wantaim gutpela bel isi, olsem na em i bilipim yupela. ⁴ Bilipim God Yawe olgeta dei nau na bihain tu na God Yawe bai i stap oltaim oltaim olsem ol stronpela ston i stap oltaim. ⁵ Em bai daunim ol man husait i save hapim ol yet na bagarapim olgeta kantri i go daun long graun na ol bai i kamap wankain olsem dast. ⁶ Olgeta bai i pilim nogut na i go pundaun long lek bilong ol rabis man na i go klostu long ol man i laikim helpim. ⁷ Na rot bilong ol stretpela man yupela i mas mekim i kamap stretpela na rot bilong ol i mas i stap wankain. ⁸ Tru tumas, long rot bilong kot bilong bikpela God Yawe mipela i waitim yu, nem bilong yu na pasin bilong yu, em i hangre bilong mipela. ⁹ Mi bin tingting long yupela long nait, tru tumas, spirit bilong mi i stap insait long mi i painim yu. Long wanem kot bilong yu em bai i kamap long dispela graun na olgeta manmeri bilong dispela graun bai i save long stretpela pasin bilong yu. ¹⁰ Larim laikim bilong yu i mas kamap long ol man nogut, tasol ol i no inap long lainim stretpela pasin. Long graun bilong ol stretpela man, ol bai i kamap olsem ol man nogut na ol i no inap lukim biknem bilong God Yawe. ¹¹ God Yawe, han bilong yu i go antap, tasol ol i no luksave. Tasol ol bai i lukim strong bilong ol manmeri na ol bai i pilim nogut, long wanem yupela i no wanbel long paia bai i bagarapim ol. ¹² God Yawe, yu bai kisim bel isi bilong yu i kam long mipela, tru tumas, yu bin kisim olgeta wok bilong mipela. ¹³ God Yawe bilong mipela, i nogat narapela god i olsem yu. Yu save lukautim mipela olgeta olsem na mipela i litimapim nem bilong yu wanpela tasol. ¹⁴ Ol i dai na ol bai i no inap stap laip gen. Tru tumas,ol i go daun na ol i no inap kirap gen na yu kam long skelim kot na bagarapim olgeta na i mekim olgeta i tingim samting bilong bipo na ol i no inap i dai. ¹⁵ God Yawe yu bin mekim olgeta kantri i kamap bikpela, yu bai kisim biknem na yu bai surukim mak bilong olgeta graun. ¹⁶ God Yawe, insait long hevi ol i lukluk long yu, ol i bin prea isi taim yu bin mekim save long ol. ¹⁷ Sin bilong mipela i olsem meri i gat bel na klostu tru i laik karim pikinini. Taim em i pilim pen na krai bikmaus long taim bilong em long karim pikinini na olgeta pen bai i pinis, olsem mipela i bin mekim sin bipo long yu Bikpela. ¹⁸ Mipela i bin i gat bel na mipela bai karim pikinini, tasol mipela i olsem meri i karim pikinini win. Mipela bai i no inap karim gutnius long dispela graun na bai olgeta manmeri bilong graun bai i no inap harim. ¹⁹ Olgeta man i dai tasol bai ol i kirap bekgen na i stap laip. Kirap na singsing wantaim amamas, yupela husait i bin i stap long das bilong graun. Long yu liklik ren em i olsem lait na olgeta graun bai i karim dai i kam. ²⁰ Ol manmeri bilong mi yupela i mas i go insait long rum bilong yupela na pasim dua bilong yupela. Hait liklik taim na bai belhat bilong God Yawe bai i abrusim yupela na i go. ²¹ Olsem na yupela lukim, God Yawe i laik lusim ples bilong em na i kam bilong mekim save long olgeta manmeri bilong dispela graun, long olgeta pasin nogut bilong yupela na dispela blut bai i kam karamapim olgeta hap bilong graun na graun bai i hait.