27 ¹ Long dispela dei, God Yawe bai i soim strong bilong em na mekim save long Leviatan, dispela traipela snek masalai bilong solwara. Em bai kisim bikpela na strongpela bainat i sap nogut tru na katim dispela bikpela snek i stap insait long solwara. ² Insait long dispela dei, gaden wain bai mekim song long dispela snek. ³ "Mi,God Yawe, mi save lukautim, mi save givim wara olgeta taim. Mi save was gut long yupela long dei na nait bai wanpela man i no inap mekim nogut long yupela. ⁴ Mi no belhat o kros long dispela gaden wain taim mi lukim nil gras na ol arapela gras nogut i kamap long en. Insait long bikpela pait, mi bai pait wantaim ol na bai mi kukim olgeta wantaim, ⁵ inap ol i laikim mi long lukautim ol na mekim ol i stap bel isi wantaim mi, larim ol i stap bel isi wantaim mi. ⁶ Long dei i kam, Jekop bai kamap, Israel bai karim plaua na i op na ol bai pulapim antap bilong graun wantaim prut. ⁷ God Yawe i bagarapim Jekop na Isrel olsem em i bagarapim ol arapela kantri husat i bagarapim em? Jekop na Israel i bin dai insait long taim ol kantri i kam kilim ol? ⁸ Long wankain pasin yupela i bin mekim long salim Jekop na Israel i go, em i rausim ol i go wantaim strongpela win insait long taim bilong win i save kamap long is. ⁹ Olsem long dispela pasin, ol sin bilong Jekop bai pinis. Bai dispela i kamap olsem kaikai tru bilong rausim sin bilong em, taim em i mekim olgeta alta ston olsem sok na brukim i go liklik tru na i nogat piksa bilong god giaman Asera o alta bilong kukim paura i gat gutpela smel bai stap yet. ¹⁰ Dispela taun bipo i gat strong nau em i bagarap pinis. Ol samting i stap insait long en i bagarap na kamap olsem ples nating. Ol samting bilong putim kaikai bilong pikinini bulmakau i stap na em i slip na kaikai ol han bilong dispela diwai. ¹¹ Long taim han bilong diwai i drai pinis ol i save brukim olgeta. Ol meri bai kam na mekim paia wantaim ol, bilong wanem em ol manmeri i nogat gutpela tingting. Olsem na man husat i bin mekim ol bai i no sori na marimari long ol. ¹² Long dispela de taim God Yawe bai bagarapim Wara Yufretis i go long Wadi long Isip na yupela ol manmeri bilong Israel bai bung wantaim. ¹³ Long dispela de bikpela biugel bai krai na ol kalabus lain long graun bilong Asiria bai kam na ol lain manmeri ol i bin rausim ol long Isip, ol bai lotu long God Yawe long ol maunten bilong Jerusalem.