17 ¹ Tok aut ples klia long ol manmeri mas save long Damaskas ² Nogat mannmeri bai i stap long biktaun bilong Aroa. Ol sipsip bai i stap gut long dispela ples na nogat man inap mekim ol pret. ³ Ol strongpela biktaun bai lus olgeta long kantri Efram na kingdom bilong Damaskas bai lus olgeta na ol liklik lain bilong Aram bai i wari long ol yet olsem ol manmeri bilong Israel i bin i mekim, dispela em angel bilong God Yawe i tok. ⁴ Wanpela dei bai kamap na ol lain bilong Jacop bai lusim strong bilong ol na kamap liklik tru, bodi bilong em bai kamap olsem bun nating. ⁵ Em bai kam long taim ol man bilong bungim ol wit i redi na em bai kisim bainat na katim wit. En bai kamap olsem planti wit i stap long ples daun bilong Repham. ⁶ Ol hap wit bai i stap yet, taim ol diwai oliv i guria 2-pelas o 3-pela pikinini kaikai oliv i stap antap moa long ol bikpela han bilong diwai na 4-pela o 5-pela pikinini kaikai long longpela han bilong diwai oliv bai pundaun, God Yawe ,Em i God bilong Israel i tok. ⁷ Long dispela dei ol manmeri bai lukluk long man husat i bin wokim ol na ol bai luksave long bikpela Holi God bilong Israel. ⁸ Ol bai i no inap long lotu long ol alta, ol yet i bin mekim o lotu long giaman god Asera o lotu long ol piksa bilong san ol i bin mekim long han bilong ol yet. ⁹ Long dispela dei olgeta strongpela biktaun bilong ol bai lusim na bus bai karamapim ol mautan, long wanem ol Israel i bin bagarapim ol na dispela hap bai i kamap ples nating. ¹⁰ Yupela i bin lusim tingting long God i bin kisim bek yupela na yupela i no bin tingim dispela ston bilong strong bilong yupela. Olsem yupela i planim na em i givim amamas long yupela, em kam aut long han bilong diwai wain long han bilong man yupela i no save long em, ¹¹ long dispela dei yupela planim na katim sot na redim graun long planim. Klostu kaikai yupela i planim bai i kamap, tasol taim bilong kisim kaikai bai nogat long wanem en bai kamap dei bilong bel sori na belhat wantaim wari. ¹² Bel sori na singaut bilong ol manmeri i olsem pairap bilong solwara i bruk na kirapim ol kantri na ol i kam olsem strongpela wara tait! ¹³ Ol kantri bai i pairap olsem planti wara i ron wantaim, tasol em bai krosim ol strong na ol bai ranawe i go long we, ol bai ran olsem skin bilong wit i flai antap long ol mauten na olsem gras ren na win i rausim ol hariap. ¹⁴ Long abinun,ol i lukim bikpela bagarap i kamap! Bihain long monin em bai lusim ol na go pinis! Dispela em i hap bilong ol lain husat ol i bin stil long mipela.