16 ¹ Salim ol man sipsip i go long bosman bilong graun bilong Sela insait long ol ples nating, long maunten bilong pikinini meri bilong Saion. ² Olsem ol pisin i save plai nating nambaut, olsem haus pisin i stap nambaut, wankain olsem ol meri bilong Moab i stap long hap bilong Wara Anon ol i ken wokabaut long en. ³ ''Givim toksave na mekim stretpela pasin, kamapim sampela ples win wankain olsem nait long namel bilong dei, haitim ol man husat i ranawe nambaut na noken putim ol ples klia. ⁴ Larim ol i stap namel long yupela, husat ol i lusim ples bilong ol long Moab. Kamap ples hait bilong ol man i save bagarapim ol. Man nogut bai i lusim pasin nogut bilong en na pasin bilong bagarap bai i go daun, husait ol lain i bikhet nogut tru bai i go autsait olgeta long dispela graun. ⁵ Sia King bai i kamap long mekim kontrak wantaim stretpela pasin na wanpela i stap long haus sel bilong King Devit bai i sindaun antap. Em bai kamap jasman na mekim stretpela pasin. ⁶ Mipela i harim pinis long Moab em i apim nem bilong em yet na ino tingim narapela na belhat bilong em.Tasol ol dispela toktok bilong em i mekim bai i kamap nating tasol. ⁷ Moab i krai bikpela long em yet na olgeta bai krai bikpela tru na sori. Yupela husat i kisim bikpela bagarap, long ol naispela liklik bret bilong Kir Hareset. ⁸ Olgeta hap graun bilong ples Hesbon i drai pinis waintaim ol diwai wain bilong Sibma. Ol bosman bilong kantri i krungutim ol gutpela diwai wain i go kamap long Jasa na i go moa yet insait long ples drai nating. Ol nupela han i kamap na i go longwe na i go long solwara. ⁹ Tru tumas, bai mi krai wantaim Jasa long ol gaden wain bilong Sibma. Bai mi givim ai wara bilong mi long Esbon na Eleale. Long wanem ol graun we ol diwai wain i save kamapim gutpela frut long gutpela san na long taim bilong kisim kaikai long garden, mi pasim pinis ol singaut bilong amamas. ¹⁰ I no gat singsing i stap na nogat amamas long frut bilong liklik diwai, i no gat man i singaut long garden wain. Nogat wanpela i krungutim frut bilong wain insait, long wanem mi pasim pinis singaut bilong man husat i save wok bikpela. ¹¹ Olsem na bel bilong mi i pen olsem gita bilong Moab na insait bel tru bilong mi long Ki Hareset. ¹² Taim Moab i putim em yet i go antap long ples bilong givim ofa na go insait long haus lotu bilong beten, ol beten bilong em bai i no inap karim kaikai. ¹³ Dispela em tok, God Yawe i bin tokim Moab i no long taim i go pinis. ¹⁴ God Yawe i tok gen, insait long tripela yia, olgeta biknem bilong Moab bai i go pinis. Planti manmeri bilong em i stap, tasol ol liklik lain tasol bai i no inap mekim wanpela samting.