5 ¹ Long kamap fri, Kraist i mekim yumi kamap fri pinis.Sanap strong na noken mekim sin gen na kamap wok boi nating bilong sin. ² Lukim, mi Pol, Mi tokim yupela. Sapos yupela katim skin bilong yupela, orait Kraist bai i no inap helpim yupela long wanpela samting. ³ Mi tokaut gen long olgeta man husait i bin katim skin bilong ol olsem, yupela i mas strong long bihainim olgeta lo. ⁴ Yupela ol lain stap long wei long Krais, yupela husait i no save gut long lo, yupela bai i no inap luksave long marimari bilong God. ⁵ Long strong bilong Holi Spirit na long pasin bilong bilip, mipela i stap isi na mekim stretpela pasin. ⁶ Insait long Kraist Jisas, man i katim skin o i no katim skin em i no wanpela samting tasol em i laikim yumi long holim pas bilip bilong yumi long laikim God. ⁷ Yupela i bin stap gut tru. Husait i stopim yupela long bihanim tok tru? ⁸ Dispela kain tok gris em i no kam long Jisas husait i save singautim yupela. ⁹ Wanpela liklik yis save mekim bret i go solap. ¹⁰ Mi gat bilip long bikpela olsem yu bai no inap mekim narapela samting moa. Husait man o meri i pulim yu long mekim sin, em bai i kisim pei nogut. ¹¹ Ol brata, sapos mi tokaut long katim skin bilong yupela, orait mi bagarapim laip bilong yupela na long dispela pasin mi stopim yupela long bihainim diwai kros. ¹² Olsem na husait man i toktok strong long yupela, mi laikim ol bai rausim kiao bilong ol yet. ¹³ Ol brata, taim yu laik stap fri, orait yu noken painim rot bilong mekim pasin nogut. Yupela i mas laikim narapela narapela na mekim gut long ol. ¹⁴ Olgeta lo bilong Moses i kamap ples klia insait long wanpela lo, dispela em i olsem ,yu mas laikim wantok bilong yu olsem yu save laikim yu yet. ¹⁵ Tasol sapos yu paitim na bagarapim narapela, yu mas lukaut gut olsem yu i no bin pinisim laip bilong em. ¹⁶ Olsem na mi tokim yupela, yupela i mas wakabaut insait long Holi Spirit na yupela bai les long mekim sin long ai bilong God. ¹⁷ Laikim bilong olpela bel i no laikim Holi Spirit na Holi Spirit i no laikim olpela bel, olsem na tupela bai i stap birua long ol yet na yu bai i no inap mekim wanpela samting yu i laik mekim. ¹⁸ Tasol sapos yupela stap insait long Holi Spirit, Lo bai i no inap kalabusim yupela. ¹⁹ Olsem na wok bilong olpela bel i kamap ples klia, tintgting nogut bilong mekim pasin pamuk na bagarapim laip bilong manmeri na tingting tumas long mekim pasin nogut. ²⁰ Pasin bilong lotu long giaman god, na long ol spirit nogut na pasin bilong pait nabaut ,na i no amamas long narapela, na mekim tok baksait long narapela man na belhat long narapela, na tingting long yu yet tasol na pasin bilong i no mekim gutpela toktok na i laik bruk wantaim narapela wantok. ²¹ Pasin bilong posin na pasin bilong dring planti ol save spak planti, na spak nabaut na pulim samting bilong narapela ,mi tokim yupela pinis olsem husait manmeri i mekim dispela kain pasin bai i no inap go long kingdom bilong God. ²² Tasol kaikai bilong Holi Spirit em i olsem, pasin bilong laikim, pasin bilong amamas,pasin bilong bel isi, pasin bilong stap isi, pasin bilong gutpela bel, na pasin bilong mekim gupela pasin, na pasin bilong bilip tru. ²³ Na soim gutpela pasin long narapela manmeri, pasin bilong daunim yu yet, ol dispela kain samting nogat asua bilong em. ²⁴ Husait man o meri stap olsem lain bilong Kraist Jisas, sin bilong ol i bin dai long diwai kros wantaim Jisas. ²⁵ Sapos yumi stap insait long Holi Spirit, orait yumi mas wakabaut wantaim Holi Spirit. ²⁶ Yumi no ken giamanim na givim bel hevi na kros wantaim narapela.