4 ¹ Mi tok olsem, olgeta samting bilong papa em i bilong pikinini, tasol taim pikinini i liklik mangi yet, em i wankain olsem ol wok boi nating, maski em i bosim olgeta kago samting bilong em. ² Tasol em i mas stap aninit long ol wasman na ol man bilong lukautim ol samting bilong em, i nap long taim papa yet i makim long en kamap. ³ Olsem tasol, taim yumi i stap pikinini yet, yumi i bin stap kalabus bilong ol liklik pasin na tingting bilong dispela graun. ⁴ Tasol, long taim God yet i makim long en i kamap ples klia, God i salim pikinini Man bilong em i kam long graun, na wanpela meri i karim em aninit long lo. ⁵ God i mekim olsem bilong baim bek ol manmeri husait i bin stap ananit long lo.Olsem na bai em i ken kisim yumi olsem pikinini man bilong em yet. ⁶ Nau yumi i stap olsem pikinini man bilong em.Long dispela as God i salim Spirit bilong Pikinini Man bilong em insait long bel bilong mipela na em i save singaut olsem, ''Papa,,Papa.''. ⁷ Olsem na yu i no moa stap wokboi nating.Nogat.Yu kamap pikinini man.Sapos yu i pikinini man,orait olgeta samting bilong Papa em i bilong yu insait long God., ⁸ Tasol long dispela taim, yu no bin save long God. Ol man i gat namba bilong dispela graun ol i mekim yu i kamap wokboi nating bilong ol, tasol ol dispela man ol yet i no wanpela god. ⁹ Tasol nau yupela i save pinis long God, o mi ken tok olsem God i save long yupela pinis, long wanem as na yupela i laik go bek long ol liklik tingting na pasin bilong dispela graun, we i no gat strong na i nogat kaikai bilong em. Ating yupela i laik stap long kalabus gen? ¹⁰ Yu wok long givim bikpela luksave na bihainim ol de, na ol nupela mun, na olgeta taim bilong ol samting i kamap, na ol yia. ¹¹ Mi i gat poret long yupela olsem, ol wok mi bin mekim wantaim yupela i luk olsem ,mi wok nating, i nogat kaikai bilong em. ¹² Mi askim yupela ol brata, yupela i kamap olsem mi long wanem mi tu i kamap olsem yupela. Yupela i no mekim wanpela asua long mi. ¹³ Tasol yupela i save olsem, wanpela sik i kamap long bodi na mi bin autim gutnius long yupela long namba wantaim. ¹⁴ Maski sik i stap long skin bilong mi i givim hevi long yupela, yupela i no bagarapim mi o givim baksait long mi. Yupela i kisim mi olsem wanpela ensel o olsem Kraist Jisas em yet. ¹⁵ Blesing bilong yupela i stap we nao? Mi tokaut stret long yupela, sapos i gat rot, yupela i nap long rausim ai bilong yupela na givim long mi. ¹⁶ Olsem na mi kamap birua bilong yupela, long wanem mi tokim yupela trupela tok? ¹⁷ Ol i gat strongpela tingting long kisim yupela i go long ol yet, tasol i nogat gutpela as.Ol i laik pasim yupela i stap ausait na bai yupela bai i gat strongpela tingting long bihainim laik bilong ol. ¹⁸ Em i gutpela moa long i gat bikpela tingting long ol samting i gat gutpela as.Dispela pasin bilong i gat bikpela tingting i gat gutpela as i ken i stap wantaim yupela, na i no long taim mi stap wantaim yupela. ¹⁹ Ol liklik pikinini bilong mi. Mi i gat bikpela pein long yupela olsem pein bilong meri i laik karim pikinini. Dispela pein mi gat, em i bilong lukim Kraist i ken kisim ples na kamap ples klia insait long yupela. ²⁰ Mi gat bikpela laik tru long stap wantaim yupela na senisim tok mi mekim long yupela, long wanem, mi i gat bikpela wari long yupela. ²¹ Tokim mi nao, yu husait i gat bikpela laik long i stap aninit long lo, yu i no save harim tok bilong lo?. ²² Long wanem, tok i istap olsem, Abraham i igat tupela pikinini man. Wanpela pikinin man i bilong wokmeri nating na narapela pikinini man i bilong fri meri. ²³ Tasol, pikinini i kamap long wokmeri nating i bihainim pasin na laik bilong bodi na pikinini i kamap long fri meri i bihainim promis i stap pinis. ²⁴ Dispela ol samting yumi i ken lukim olsem piksa tasol. Tupela meri i makim tupela kontrak. Wanpela kontrak i kam long Maunten Sainai na pikinini em i karim em ol i kamap ol pikinini bilong wokboi nating. Dispela meri em Haga. ²⁵ Olsem tasol, Haga i makim Maunten Sainai long Arabia, na em i makim Jerusalem tu, long wanem, em wantaim ol pikinini bilong em, ol i stap olsem ol lain bilong wok kagoboi nating. ²⁶ Tasol, Jerusalem bilong antap em i stap fri na em i mama bilong yumi olgeta. ²⁷ Tok i stap pinis olsem, hamamas moa yet yu meri i no bin karim pikinini. Bikmaus na singaut wantaim hamamas. Long wanem yu meri i no karim pikinini, yu i no pilim pein bilong karim pikinini. Ol pikinini bilong meri man i lusim pinis long en i planti moa long meri i stap yet wantaim man. ²⁸ Tasol yupela ol brata, yupela i wankain olsem Aisak. Yupela i pikinini bilong promis. ²⁹ Long dispela taim dispela pikinini i kamap long laik bilong bodi i mekim nogut, long pikinini i kamap long laik bilong Spirit. Dispela pasin i kamap wankain long nau tu. ³⁰ Tasol hap tok bilong God i tok wanem? Rausim wokmeri nating wantaim pikinini man bilong em. Long wanem, pikinini man bilong wokmeri nating i no i nap long skelim ol samting bilong papa wantaim pikinini bilong fri meri.. ³¹ Olsem na ol brata, yumi i no ol pikinini bilong wokmeri nating, tasol yumi ol pikinini bilong fri meri.