3 ¹ Ol lain Kolosi," yupela ino ken longlong! Husait i putim tok tudak long yupela? Long ai bilong yupela Kraist Jisas i bin hangamap ples klia long diwai kros. ² Dispela wanpela samting tasol mi laik lainim long yupela. Ating yupela bilip long Holi Spirit long wok bilong ol lo o long tok yupela i bin harim? ³ Ating yupela longlong? Yupela i statim dispela wok wantaim Holi Spirit na nau yupela pinisim wok long strong bilong bodi? ⁴ Ating yupela i kisim planti pen na hevi nating , em i gutpela tru sapos yupela i kisim pen na hevi nating? ⁵ Ating man i givim Holi Spirit long yupela na mekim mirakel namel long yupela long wok bilong lo, o long harim tok na bilip? ⁶ Olsem tasol Abraham i " bilipim God na em i kisim nem olsem stretpela man". ⁷ long wankain rot, yupela i mas luksave, olsem, ol lain i bilip ol i kamap pikinini bilong Abraham. ⁸ Tok bilong God, i tokaut pastaim olsem God bai soim olsem bilip, bilong ol arapela lain manmeri i stret. Dispela tok i stap pastaim long Abraham na i tok ," Long yu, olgeta manmeri long dispela graun i ken hamamas." ⁹ Olsem na, ol lain i bilip ol inap hamamas wantaim Abraham, em man bilong bilip. ¹⁰ Olgeta lain husait i putim bel na tingting bilong ol long ol wok bilong lo, ol bai stap aninit long hevi. Olsem tok bilong God i tok, "Hevi i ken painim olgeta man husait i no bihainim ol samting ol i raitim i stap long buk bilong lo". ¹¹ Nau em i klia olsem nogat wanpela man i kamap stretpela long ai bilong God long pasin bilong bihainim lo, long wanem, "ol stretpela man bai i stap long pasin bilong bilip". ¹² Tasol lo em i no pasin bilong bilip, Nogat. "Man i mekim ol wok bilong lo i mas stap wantaim ol". ¹³ Kraist i kisim bek yumi long hevi bilong lo taim em i kisim hevi bilong yumi. Tok bilong God i tok, "Hevi i ken painim olgeta man husait i hangamap long diwai." ¹⁴ olsem blesing bilong Abraham i ken kam long ol arapela lain manmeri insait long Kraist Jisas, na long pasin bilong bilip yumi i ken kisim promis bilong Holi Spirit. ¹⁵ Ol brata, larim mi toktok long pasin bilong man. Long pasin bilong kisim kontrak, wanpela man bai i no inap rausim o putim hap tok long en taim lo i strongim pinis dispela kontrak. ¹⁶ Nau tok promis i kam long Abraham na tumbuna bilong em. Em i no tok , "ol tumbuna," i minim planti lain tasol i minim wanpela man, "tumbuna bilong yu,"husait em i Kraist. ¹⁷ Nau wanem mi minim em olsem. Lo i bin kam 430-pela yia bihain, i no inap rausim kontrak God i bin kamapim pastaim. ¹⁸ Sapos ol samting papa i givim long pikinini i kam long pasin bilong bihainim lo, orait dispela em i no promis. Tasol God i givim long Abraham bihainim promis bilong em yet. ¹⁹ Wanem, nau, em as tingting bilong lo? Long pasin bilong bikhet ol i putim lo inap bai tumbuna bilong Abraham wei promis i makim em i ken kamap. Lo i kamap strong long wok bilong ol ensel long wanpela namel man. ²⁰ Nau namel man i makim moa long wanpela man, tasol God yet em i wanpela. ²¹ Ating lo i no wanbel wantaim ol promis bilong God? Tru tumas nogat! Sapos lo wei i bin stap bipo inap givim laip, orait pasin bilong stap stretpela bai tru tru kamap long pasin bilong bihainim lo. ²² Tasol tok bilong God i kalabusim olgeta samting aninit long sin. God i mekim dispela olsem na promis bilong kisim bek yumi long pasin bilong bilip insait long Kraist Jisas i ken i go long ol manmeri husait i bilip. ²³ Nau pastaim long pasin bilong bilip i kam, yumi i bin stap kalabus aninit long lo, inap bilip i kamap ples klia. ²⁴ Olsem na lo i kamap wasman bilong yumi inap kraist i kam, na God i ken kolim yumi stretpela man long pasin bilong bilip. ²⁵ Tasol nau bilip i kamap ples klia pinis, yumi i no stap moa aninit long wanpela wasman. ²⁶ Olsem na yupela olgeta i pikinini man bilong God long pasin bilong bilip insait long Kraist Jisas. ²⁷ Na olsem planti bilong yupela i bin kisim baptais insait long Kraist yupela i kisim pinis Kraist. ²⁸ I nogat ol lain Juda o ol lain Grik, i nogat wokboi nating o fri man, i nogat man o meri, bilong wanem yupela olgeta i stap wanpela insait long Kraist Jisas. ²⁹ Na sapos yupela i bilong Kraist, yupela i kamap tumbuna lain bilong Abraham, na bai yupela i kisim samting bilong papa bihainim promis i stap pinis.