6 ¹ Ol brata, sapos wanpela bilong yupela i pudaun long sin. Orait yupela ol brata husait i stap strong yet long Lotu pasin, yupela i mas kisim em i kam bek long banis bilong God wantaim gutpela bel. Yupela mas prea strong long yupela yet tu, bai yupela ino ken pudaun long ol traim. ² Yupela olgeta brata i ken karim hevi bilong wanpela narapela wantaim na bai yupela i ken i napim Lo bilong Jisas Kraist. ³ Sapos wanpela man i ting olsem em orait, tasol taim em yet istap long bagarap laip. orait dispela man i giamanim em yet. ⁴ Olgeta wanwan manmeri i mas sekim wok bilong ol yet na bai ol i gat as long ol i ken kisim biknem bilong ol yet, dispela biknem bai ino bilong wok ol narapela i mekim. ⁵ Olsem na wanwan manmeri bai i karim hevi bilong em yet. ⁶ Man husait i save autim tok i mas skelim gut ol gutpela samting wantaim man husait i save skulim tok. ⁷ Yupela ino ken giaman long wanem, God ino save giaman. Olsem na wanem samting yupela i bin planim, dispela samting tasol yupela bai i kamautim. ⁸ Man husait i planim pikinini kaikai bilong pasin nogut, long dispela kain pasini tasol em bai i painim bagarap. Long man husait i planim pikinini kaikai bilong Spirit, long dispela gutpela pasin tasol em bai i kisim laip i stap gut oltaim oltaim. ⁹ Yumi ino ken les long mekim ol gutpela pasim, long wanem sapos yumi ino les long mekim dispela ol gutpela pasin bai i gat taim yumi i ken kamautim kaikai bilong dispela pasin. ¹⁰ Olsem tasol dispela em i wanpela gutpela rot long mekim gut long olgeta manmeri na long ol lain husait i bilip. ¹¹ Lukim ol dispela bikpela pas wei mi bin salim i go long yupela, dispela pas em mi bin raitim long han bilong mi yet. ¹² Dispela ol lain husait i laik kamap gutpela long ai bilong ol man, ol i mekim dispela toktok strong long yupela mas katim skin. Ol i mekim dispela long aburusim hevi long kolim nem bilong Krais. ¹³ Ol dispela man husait ol i bin katim skin bilong ol yet, ol ino bihainim Lo. Tasol ol i laik bai yupela i katim skin bilong yupela na bai ol i kisim biknem long bodi bilong yupela. ¹⁴ Tasol mi bai ino inap long apim nem bilong mi yet, long wanem pasin bilong dispela graun i dai pinis long tingting bilong mi antap long Diwai Kros bilong Jisas Krias na mi ino inap bihainim pasin bilong graun. ¹⁵ Man i katim skin o man ino katin skin dispela em ino bikpela samting, tasol samting tru em i olsem, yumi i kamap nupela man gen. ¹⁶ Long olgeta lain manmeri husait i stap inap long dispela mak, bel isi na marimari bilong God bai i stap wantaim ol na tu long ol lain Isrel. ¹⁷ Stat long nau i go olsem, noken larim wanpela man o meri i mekim nogut long me. Long wanem, mi karim mak bilong Jisas long bodi bilong me. ¹⁸ Olsem na ol brata, larim marimari bilong Bikpela Jisas Krais i ken stap wantaim spirit bilong yupela. Amen.