7 ¹ Tok bilong God Yawe i kam long mi na i tok olsem, ² ''Yupela, pikinini bilong man, God Yawe i tokim ol manmeri bilong graun Israel. Em i kam long arere. Arere bilong graun i kam pinis long fopela kona bilong dispela graun. ³ Nau arere bilong graun i kamap pinis long yupela na bai mi putim belhat bilong mi antap long yupela. Bai mi kotim yupela long pasin yupela i bin mekim na mi no inap moa laikim yupela. ⁴ Ai bilong mi lukim yupela, mi no inap sori long yupela na mi no inap larim yupela i stap longpela taim long dispela graun. Mi no inap stretim rot bilong yupela tu, namel long yupela bai yupela i les long mi. Yupela i save olsem mi God Yawe i tok. ⁵ Bikpela God Yawe i tok olsem, Hevi bai i kamap, narakain hevi bai i kamap. Harim gut em i kam nau. ⁶ Arere bilong en i kam klostu. Dispela arere bai i kirapim yupela, harim gut em i kam nau. ⁷ Pasin nogut bilong yupela bai i pulap na i kisim bagarap i kam antap long yupela husait i stap long dispela graun. Dei i kam na kisim dispela bikpela hevi i kam klostu na nau ol maunten i no moa amamas. ⁸ Nau bai mi larim hevi i kam long yupela na putim belhat bilong mi antap long yupela. Taim mi kotim yupela long pasin yupela i mekim, bai mi birua long yupela. ⁹ Ai bilong mi i no inap lukim yupela wantaim marimari na bai mi no inap larim yupela i stap longpela taim long dispela graun. Yu wokim dispela pasin nogut long mi pinis na bai mi mekim wankain long yupela tu, bai mi mekim birua namel yupela. Mi God Yawe mi save putim belhat antap long yupela. ¹⁰ Harim gut dispela dei i kam, harim em i kam pinis. Em i rausim dispela hevi i go pinis, stik bilong putim long huk em i olsem flawa. Na pasin nogut bilong ol manmeri em i rausim i go pinis. ¹¹ Pasin nogut i pulap na hevi i kamap, nogat planti lain manmeri na ol gutpela samting bilong ol na gutpela pasin bilong ol bai i stap yet. ¹² Dispela dei i kam klostu pinis. Noken larim ol man i save baim samting i amamas na ol man i save salim ol i stap sori. Belhat bilong mi bai i go long planti lain manmeri. ¹³ Man bilong salim i no inap i go salim gen long gaden, em bai i salim long planti lain man i stap long en. Dispela tok i olsem, planti lain manmeri i mekim sin tasol lo yet i no inap stretim ol yet, bilong wanem olgeta lain save mekim sin. ¹⁴ Ol i winim biugel na i redim olgeta samting bilong ol tasol i nogat man bilong i go long ples bilong pait. Bilong wanem, belhat bilong mi i stap yet long planti lain manmeri. ¹⁵ Bainat i stap autsait na strongpela belhat bilong God wantaim bikpela hangre i stap insait long bikpela haus pinis. Ol man meri husait i stap long dispela ples bai ol i kilim ol long bainat na ol bai i dai. Bikpela hangre na belhat bilong em bai i kilim ol manmeri i stap insait long biktaun. ¹⁶ Tasol sampela lain manmeri husait i stap laip bai i ronowe i no inap go long dispela hevi na ol bai i go antap long bikpela maunten.Olsem, pisin bilong ples daun i flai i go antap long maunten na ol i singaut sore. Olgeta lain man i mekim pasin nogut pinis. ¹⁷ Olgeta han bilong ol bai i lus na olgeta lek bilong ol bai i lusim strong bilong em olsem wara i lusim strong bilong en, ¹⁸ na ol i werim nogut kolos na pret bai i kisim ol, sem pasin i karamapim pes bilong ol na het bilong ol i longlong. ¹⁹ Ol i tromoi silva moni na gol bilong ol i go long rot. Bilong wanem dispela silva moni na gol bilong ol i no inap helpim ol long dispela dei God Yawe bai i putim belhat bilong em long ol manmeri. Em bai i sevim laip bilong ol, tasol angre bai i no inap pinis. Bilong wanem pasin nogut bilong ol i pasim dispela. ²⁰ Ol i amamas na i kisim ol gutpela ston na i bilasim god giaman bilong ol na mi no laikim dispela samting. Olsem na mi lukim dispela na i tok, em nogut samting. ²¹ Bai mi kisim dispela samting na givim long ol man we yupela i no save long ol, bai ol i go na stilim olgeta gutpela samting bilong yupela na bai ol i mekim nogut long yupela. ²² Na bai mi givim baksait long ol, taim ol i bagarapim dispela gutpela ples bilong mi. Ol stil man bai i go insait na bagarapim ol dispela samting. ²³ Wokim banis, bilong wanem dispela graun i pulap wantaim blut we God Yawe i putim belhat bilong em antap long en na biktaun i pulap wantaim hevi. ²⁴ Bai mi kisim ol manmeri i sakim tok na mekim pasin nogut i kam na givim haus long ol dispela lain manmeri na bai ol i amamas long strong bilong ol i go long arere, dispela gutpela ples bilong ol bai i bagarap. ²⁵ Pret bai i kam na bai ol i painim bel isi, tasol bel isi bai i no inap stap. ²⁶ Bikpela hevi bilong hevi bai i kam na ol lain bilong tok giaman bai kam na i giamanim ol man. Bai ol i kisim driman bilong ol profet na bai ol i go lus, ol i no inap bihainim lo bilong pris na harim gutpela tok ol hetman i givim long ol. ²⁷ Ol king bai i stap long bikpela krai sori na pikinini man bilong ol king tu bai i werim nogut klos, bilong wanem olgeta lain manmeri bilong dispela graun bai i sekim han bilong ol na i pret nogut tru. Long laikim bilong ol bai mi mekim olsem long ol, bai mi kotim ol long pasin ol i bin mekim na ol bai save long mi, mi God yawe mi tok.