8 ¹ Na em i kamap long namba 6 yia long namba 6 mun long dei namba 5 bilong dispela mun, mi sindaun long haus bilong mi wantaim ol bikman bilong Juda na strong bilong God Yawe i kam long mi. ² Na mi lukim wanpela samting i wankain olsem man. Mak long bel bilong em na i go daun paia i lait. Na mak long bel bilong em i go antap bodi bilong em i lait olsem ain i hat tumas. ³ Na em i kam klostu na han bilong em i kam antap long het bilong mi na Spirit bilong Bikpela i apim mi i go antap namel long graun na heven na long samting olsem driman i kam long God, em i kisim mi go long Jerusalem insait tru long dua bilong san i go daun, long ples ol god giaman i save kirapim belhat na mangal i sanap stap long en. ⁴ Na mi lukim bikpela lait bilong God bilong ol Israel i kamap, em i wankain olsem driman mi bin lukim. ⁵ Na em i tokim mi olsem, "Pikinini bilong man, yu apim het bilong yu na lukluk i go hap long not." Na mi apim het bilong mi na lukluk i go long hap not bilong bikpela dua i go long alta, long dua i gat wanpela piksa bilong god giaman bilong mangal i stap. ⁶ Na em i tokim mi, "Pikinini bilong man, yu lukim wanem samting ol i mekim a? Dispela em ol bikpela kain pasin nogut ol man meri bilong Israel i mekim long rausim mi i go longwe long haus bilong mi yet. Tasol bai yu tanim na lukim ol bikpela pasin nogut moa." ⁷ Na bihain em i kisim mi i go long dua bilong banis long haus bilong God na i gat wanpela hul i stap long banis. ⁸ Na em i tokim mi olsem. Pikinini bilong man, go insait long dispela hul na mi go insait long dispela hul bilong banis na mi lukim wanpela dua i stap. ⁹ Na bihain em i tokim mi olsem, "Yu go insait na lukim ol i mekim ol bikhet pasin ol i mekim i stap." ¹⁰ Orait mi go insait na mi lukim ol piksa bilong ol kaikain binatang na ol traipela wel abus. Olgeta piksa bilong giaman God bilong ol manmeri bilong Israel ol i wokim na raunim haus. ¹¹ 70 hetman bilong Israel i stap long hap na Jasanaia pikinini man bilong Safan i sanap namel long ol. Ol i sanap klostu long ol dispela piksa na ol i holim ol pauda bilong kamapim smuk i gat gutpela smel i go antap. ¹² Na em i tokim mi olsem, "Pikinini bilong man, inap yu lukim wanem samting ol hetman bilong ol Israel i mekim insait long ples i tudak? Wanwan man i save mekim dispela pasin hait long ol giaman god bilong ol. Na ol i save tok God Yawe i no save lukim mipela . God Yawe i givim baksait long dispela graun. ¹³ Na bihain em i tokim mi, "Tanim gen na lukim ol arapela bikpela samting i no gutpela ol i wok long mekim." ¹⁴ Bihain em i kisim mi i go long dua bilong haus bilong God Yawe i stap long hap not, olaman! ol meri i sindaun na i sori long Tamus. ¹⁵ Na em i tokim mi olsem, " Yu lukim dispela samting, pikinini bilong man? Tanim gen na lukim ol bikpela pasin nogut yu no save lukim bipo." ¹⁶ Em i kisim mi i go insait tru long haus bilong God Yawe, olaman! long dua bilong haus bilong God, namel long pos na alta i gat ol 25 man i tanim baksait long haus bilong God Yawe na tanim pes i go long hap san kamap na ol i lotu long san. ¹⁷ Na em i tokim mi olsem. Pikinini bilong man, yu lukim dispela samting a? Yu ting em i liklik samting long ol manmeri bilong ol Juda i mekim dispela kain pasin nogut long hia a? Olsem na dispela hap ples i pulap long pasin nogut na ol i mekim mi i belhat tru, na ol i mekim ol arapela pasin nogut tu. ¹⁸ Olsem na bai mi soim belhat bilong mi long ol. Long ai bilong mi bai mi no inap sori long ol. Sapos ol i singaut na krai long ia bilong mi , bai mi no inap harim krai bilong ol.