6 ¹ Tok bilong God Yawe i kam long mi na i tok olsem, ² "Pikinini bilong man, putim pes i go long ol maunten bilong Israel na mekim tok profet i go long ol. ³ Tok olsem, 'Ol maunten bilong Israel yupela harim tok bilong God Yawe! Bikpela i mekim dispela tok i go long ol maunten na ol liklik maunten, long ol rot bilong liklik han wara na long ol ples daun. Harim! Mi kisim bainat i kam bilong bagarapim yupela na bai mi bagarapim ol ples bilong lotu long ol god giaman. ⁴ Na bihain bai mi brukim ol alta na ol bikpela pos i save sanap namel long haus bai bagarap na bai mi tromoi ol lain bilong yupela i dai pinis i go daun long pes bilong ol god giaman bilong ol. ⁵ Bai mi slipim bodi bilong ol manmeri bilong Israel klostu long pes bilong ol god giaman bilong ol na tromoi ol bun bilong yupela na raunim ol alta bilong yupela. ⁶ Olgeta hap yupela i stap long en, ol biktaun bai slip nating na ol ples bilong lotu long god giaman bai i bagarap, olsem na ol alta bilong yupela bai i slip nating na bai mi bagarapim ol. Na ol bai bruk na pinis olgeta na ol bikpela pos bilong haus bai pundaun na ol hatwok bilong yupela bai pinis. ⁷ Ol dai man bai pundaun namel long yupela na yupela bai save olsem mi God Yawe. ⁸ Tasol bai mi larim ol liklik lain namel long yupela bai i stap yet na bai sampela i abrusim bainat namel long ol kantri taim yupela i go nambaut long ol arapela kantri. ⁹ Bihain ol dispela lain husait bin ranawe bai i tingim mi namel long ol kantri we ol i stap olsem kalabus, mi bin sori long ol i pasim bel bilong ol na givim baksait long mi na long ai bilong ol bai ol i lukim pasin pamuk bilong ol god giaman. Na ol bai soim gutpela toktok long pes bilong ol long ol pasin nogut ol i bin mekim wantaim olgeta gutpela pasin bilong ol. ¹⁰ Ol bai save olsem mi God Yawe. I bin gat as na mi tok bai mi kisim bagarap i kam long ol ¹¹ God Yawe i tok olsem, paitim han na krungutim strong lek bilong yu. Na tok , sori tru, long ol pasin nogut bilong haus bilong Israel. Ol bai dai long bainat, hangre na pasin nogut. ¹² Man i stap longwe long mi bai i dai long pasin nogut na husait i stap klostu bai i dai long bainat. Ol man husait i stap laip yet na i no dai yet bai ol i dai long hangre. Long dispela pasin mi bai inapim belhat bilong mi long bagarapim ol. ¹³ Nau yu bai save olsem mi God Yawe, taim ol dai man bilong ol i slip namel long ol god giaman na raunim ol alta bilong ol antap long olgeta liklik maunten na antap long het bilong ol maunten na aninit long olgeta diwai i gat planti lip na oak diwai, ples we ol i save kukim ol paura i gat gutpela smel i go long ol god giaman bilong ol. ¹⁴ Wantaim han bilong mi bai mi mekim graun i bagarap na rabis, long ples nating i go long Diblah, olgeta ples we ol man i save stap long en. Na bai ol i save olsem mi God Yawe.