29 ¹ Long 10-pela yia, long 10 mun na namba 12- dei bilong mun, tok bilong God Yawe i kam long mi na i tok. ² "Pikinini bilong man", tanim pes bilong yu na lukluk i go long Fero, king bilong Isip na mekim tok profet bilong bagarapim em na olgeta manmeri bilong Isip. ³ Tok klia olsem, Bikpela God Yawe i tok olsem, lukaut! Mi bagarapim yu, Fero, king bilong Isip. Yu bikpela wel animol bilong bikpela wara yu laik bagarapim ples bilong wara, na tok, "Wara bilong mi em bilong mi yet. Mi bin mekim bilong mi yet". ⁴ Na bai mi putim huk long maus bilong yu na ol pis bilong wara Nail bai hangamap long skin bilong yu. Mi bai apim yu namel long wara i go antap wantaim olgeta pis bilong wara i pas long ol skin bilong yu. ⁵ Mi bai tromoi yu na olgeta pis bilong yu long wara bilong yu i go daun long ples i nogat man long en. Yu bai pundaun long bikpela hap graun. l nogat man bai i helpim o kisim yu. Bai yu kamap olsem kaikai bilong ol samting i stap laip long dispela graun na bilong ol pisin i stap antap long skai. ⁶ Orait olgeta manmeri bilong Isip ol bai save olsem Mi God Yawe, long wanem ol i olsem gras i kamap long wara na olsem bikpela pos long haus bilong ol Israel. ⁷ Taim ol i holim yu long han bilong ol, bai yu brukim na opim hap skin long sol bilong ol. Na taim ol i pas klostu long yu, yu bin brukim na mekim lek bilong ol i no sanap strong. ⁸ Olsem na Bikpela God Yawe i tok, Tasol harim! Mi bai kisim bainat i kam pait long yu. Na bai mi kilim man wantaim olgeta wel animol bilong yu. ⁹ Olsem na graun bilong Isip bai stap olsem ples man i lusim pinis na bagarap. Orait ol bai save olsem Mi God Yawe, long wanem bikpela wel animol bilong sol wara i tok olsem, wara em bilong mi, olsem mi yet i bin mekim. ¹⁰ Olsem na lukaut! Mi bagarapim yu na wara bilong yu, olsem na mi bai mekim graun bilong Isip i kamap olsem ples i nogat man long en na olsem graun i nogat wok bilong en, yu bai kamap olsem graun bilong tromoi pipia i stap namel long Migdol i go long Sien na long mak bilong Kus. ¹¹ Nogat man bai wakabut antap long en na nogat ol wel animol bai wokabut long en. Nogat man bai stap antap long dispela hap graun inap long 40 yia. ¹² Bai mi mekim graun bilong Isip i kamap olsem ples i nogat man i stap long en na ol biktaun bilong ol bai i nogat man i stap long en inap long 40 yia, orait bai mi rausim ol manmeri bilong Isip namel long ol kantri na ol bai i go long olgeta hap long dispela graun. ¹³ Bikpela God Yawe i tok olsem, long pinis bilong 40 yia, Mi bai bungim ol manmeri bilong Isip namel long ol manmeri husait i bin ranawe ¹⁴ Bai mi givim bek olgeta gutpela samting long manmeri bilong Isip na givim i go bek long kantri bilong patros, long as ples bilong ol. Na ol bai kamap olsem kantri i nogat nem. ¹⁵ Em bai kamap olsem kantri i stap aninit long narapela kantri na em bai i no inap kamap strongpela kantri namel long ol arapela kantri. Bai mi mekim yu kamap liklik na bai yu no inap lukautim ol narapela kantri. ¹⁶ Ol manmeri bilong Isip bai i no inap long askim ol Israel long helpim ol. Long wanem ol bai tingim bek pasin nogut bilong ol taim ol Israel i askim ol Isip long helpim ol. Orait ol bai save olsem Mi Bikpela God Yawe. ¹⁷ Orait em i kamap olsem 27 yia long namba wan dei bilong namba wan mun, tok bilong God Yawe i kam long mi na i tok, ¹⁸ Pikinini bilong man, Nebukatnesa king bilong Babilon em i tokim ol ami bilong em long pait strong long ol Tair. Olsem na Hat bilong pait i rausim olgeta gras long het bilong ol na skin long han bilong ol i kamaut. Tasol em na ol ami bilong em i no kisim wanpela gutpela samting long strongpela pait ol i mekim wantaim Tair. ¹⁹ Tasol Bikpela God Yawe i tok olsem, 'Lukim! Mi bai givim graun bilong Isip i go long king Nubukatnesa bilong Babilon na em bai rausim ol gutpela samting, ol gutpela moni samting em i winim long pait na ol biknem bilong em, na rausim olgeta samting em i panim long hap, dispela bai i kamap olsem ol pei bilong ol ami bilong en. ²⁰ Mi bin givim em graun bilong Isip olsem pei long wok ol i mekim long mi, Bikpela God Yawe i tokaut. ²¹ Long dispela dei bai mi mekim ol Israel i kamap strong na mi bai makim yu long toktok namel long ol manmeri bilong Israel, olsem na bai ol i save olsem Mi God Yawe.