26 ¹ Olsem na em long namba 11- yia, long namba wan dei bilong mun, tok bilong God Yawe i kam long mi na i tok, ² "Pikinini bilong man, bilong wanem Taia i tok pait i go long Jerusalem, 'Aha! Ol geit bilong ol manmeri i bruk! Em i tanim long mi, Mi bai inap long pulimapim olgeta bilong wanem em i bagarap.' ³ Olsem na Bikpela God Yawe i tok, Lukim! Taia, Mi pait wantaim yu na mi bai kirapim planti kantri i pait wantaim yu olsem solwara i kirapim ol tait. ⁴ Ol bai i bagarapim ol bikpela banis bilong Taia na brukim ol taua bilong em. Mi bai rausim das bilong em i go na mekim em i kamap ston nating. ⁵ Em bai kamap ples bilong ol umben long draim namel long solwara, inap mi bin tokaut long en, dispela em Bikpela God Yawe i tokaut na em bai i kamap olsem ol samting em i bin pait na winim bilong ol arapela kantri. ⁶ Ol pikinini meri bilong em husait ol i stap long ples bilong pait bai ol i katim ol wantaim bainat na bai ol i save olsem mi God Yawe.' ⁷ Dispela em wanem God Yawe i tok, Lukim, long hap bilong not mi kisim Nebukatnesa king bilong ol Babilon, king bilong ol king long pait wantaim Taia, wantaim ol hos na karis na wantaim ol man bilong go long hos na pait na wantaim planti bikpela manmeri. ⁸ Em bai kilim ol pikinini meri bilong yu long ples bilong pait. Em bai i mekim strongpela wok na wokim bilong pas wantaim long bikpela banis bilong yu na mekim ol hap plang long pait wantaim yu. ⁹ Em bai mekim bikpela strong bilong em i kam paitim long ol bikpela banis bilong yu, ol ain samting bilong em long wok bai i brukim ol taua bilong yu i go daun. ¹⁰ Ol hos bilong em bai planti tru na das bilong ol bai karamapim yu. Ol bikpela banis bilong yu bai guria wantaim nois bilong man i save karim hos, wil bilong ol karis na ol karis. Taim em i go insait long geit bilong yu, em bai i kam insait olsem ol man i go insait long biktaun husait banis bilong ol i bruk pinis. ¹¹ Ol su bilong ol hos bilong en bai i krungutim ol liklik rot insait long taun bilong yu. Em bai i kilim ol manmeri bilong yu long bainat na strongpela ston pos bilong yu bai i pundaun long graun. ¹² Bai ol i winim pait na kisim planti ol gutpela mani samting bilong yupela bilong salim. Ol bai i brukim ol banis bilong yupela na bagarapim ol gutpela haus. Ol ston, ol diwai bilong yupela na ol haphap samting bilong yupela ol bai tromoi insait long wara. ¹³ Mi bai pasim nois bilong ol song bilong yupela. Yupela i no inap harim nois bilong gita bilong yupela moa. ¹⁴ Mi bai mekim yu i kamap ston nating, yu bai kamap ples bilong hap ol i save opim ol umben bilong draim. Ol bai i no inap wokim yu gen, long wanem, Mi Bikpela God Yawe i bin tok, dispela em Bikpela God Yawe i tokaut. ¹⁵ Bikpela God Yawe i mekim dispela tok i go long Taia, 'Ol ailan bai i no inap guria long nois bilong man ol i kilim na i pundaun wantaim pen bilong sua taim ol i kilim sampela lain namel long yu. ¹⁶ Orait olgeta pikinini man bilong king bilong solwara bai i lusim sia bilong ol na kam daun long sia king bilong ol na rausim longpela klos bilong ol na king klos bilong ol. Ol bai i pret nogut tru, ol bai i sindaun go daun long graun na pret olgeta, bilong wanem long yu tasol ol bai i pret na guria. ¹⁷ Ol bai i bikmaus krai long yu na i tok, Olsem wanem, husait i stap insait wantaim ol man bilong karim sip raun, i bin bagarap. Bikpela taun em i strong tru, em nau i go pinis long solwara. Ol lain husait i stap insait long em i skelim pasin bilong pret namel long ol yet long olgeta man husait i stap klostu long ol. ¹⁸ Nau nambis i guria na pret long taim ol i dai. Ol ailan long solwara i pret, bilong wanem yu no moa stap long ples bilong yu.' ¹⁹ Bikpela God Yawe i tok olsem, mi mekim yu i kamap olsem biktaun i nogat man, olsem ol arapela biktaun i stap we nogat man, taim mi kamapim ol bikpela hevi insait long yu na bikpela wara i karamapim yu, ²⁰ orait bai mi kisim yu i go bek long ol lain tumbuna bilong bipo taim, wankain olsem ol arapela husait i pundaun insait long hul, Mi bai mekim yu i stap insait long liklik hap ples daun bilong graun long taim bilong ol tumbuna. Bilong wanem long dispela pasin yu bai no inap kam bek na stap long graun bilong stap oltaim. ²¹ Mi bai putim bagarap long yu na yu bai no inap stap laip moa. Orait yu bai painim, tasol yu bai no inap painim wanpela taim gen, dispela em Bikpela God Yawe i tok aut.