20 ¹ Long namba 7 yia bilong 4 mun long namba 10 dei bilong 5 mun, ol bikman bilong ol Israel i kam long painim aut God Yawe na sindaun wantaim em. ² Na tok bilong God Yawe i kam long mi na i tok olsem, ³ "Pikinini bilong man, i tok aut ples klia long ol bikman bilong ol Israel, 'Bikpela God Yawe i tok olsem, ating yupela i kam long askim mi, sapos mi stap yet mi no inap tru long askim yupela! Dipela em i tok bilong mi God Yawe. ⁴ Bai yu kotim ol? na bai yu kotim pikinini bilong man? Larim ol i ken save long pasin nogut bilong Papa bilong ol. ⁵ Tokim ol, 'Mi God bikpela i tok, Long taim we mi i bin makim ol Israil na apim han bilong mi na kamapim ples klia na tok tru long ol Tumbuna pikinini bilong Jekop na makim ol i save gut tru long mi long graun bilong ol Isip.Taim mi apim han bilong mi long mekim ples klia na tok aut tru long ol. Mi tok, "Mi God Yawe Bikpela bilong yupela" ⁶ long dispela taim mi hapim han bilong mi long tok aut na tok stret long ol olsem, bai mi kisim ol i go aut long graun bilong ol Isip na go long wanpela graun we mi yet i bin makim bilong ol we em i pulap wantaim milk na hani na em i naispela hap i winim ol narapela hap. ⁷ Mi tokim ol olsem, "Larim wanwan man i tromoi ol samting bilong bagarapim tingting bilong ol long ai bilong God wantaim ol giaman god bilong ol Isip. Na yupela i noken mekim Sin long wanem mi God Yawe Bikpela bilong yupela." ⁸ Tasol ol i no wanbel waintaim mi na ol i les long harim toktok bilong mi na ol wanwan man i no rausim ol samting bilong bagarapim tingting bilong ol na lustingting lo ol giaman god bilong ol Isip, olsem na bai mi kapsaitim belhat bilong mi antap long ol long namel long graun bilong ol Isip na bai mi inapim tru laik bilong mi. ⁹ Mi kamap olsem mi yet na ol i no inap kamap ples klia long ai bilong olgeta manmeri olsem long husait tru na ol i stap olsem, Mi mekim mi yet i kamap ples klia long ai bilong ol na kisim ol i kam aut long ples Isip. ¹⁰ Na mi rausim ol i go aut long graun bilong ol Isip na kisim ol i go long ples nating. ¹¹ Na mi givim ol lo bilong mi long ol na makim ol i save gut long em long dispela tasol ol man bai i stap laip sapos ol i bihainim gut. ¹² Mi givim ol dei Sabat bilong mi God Yawe olsem mak namel long mi wantaim ol, long ol i ken save olsem mi God Yawe husait i save mekim ol i kamap stretpela manmeri. ¹³ Tasol ol Israel i sakim tok bilong mi long ples nating na ol i no bihainim ol lo bilong mi na ol i rausim i go. Long wanem sapos man i laik stap laip em i mas bihainim gut ol dispela lo. Na ol i no bihainim gut dei Sabat bilong mi, olsem na bai mi kapsaitim belhat bilong mi antap long ol long ples nating long pinisim ol. ¹⁴ Tasol mi bin mekim dispela long gutpela bilong nem bilong mi yet bai mi noken bagarapim ol long ai bilong olgeta manmeri na long lukluk bilong husait ol lain mi i bin kisim ol i kam aut long Isip. ¹⁵ Olsem na mi i bin hapim han bilong mi long tok aut na tok promis long ol, long ples nating olsem mi no inap kisim ol i go long ples graun we mi bin promis long givim long ol we i pulap long milk na hani na i gutpela tru. ¹⁶ Mi tok aut olsem long wanem ol i bin rausim ol lo bilong mi na ol i no bihainim gut ol dispela lo bilong mi na tu ol i rausim dei Sabat bilong Lotu we bel bilong ol i go wantaim ol giaman god bilong ol. ¹⁷ Tasol ai bilong mi i bin lukautim ol long bagarap na mi no bin kilim ol long ples nating. ¹⁸ Mi tokim ol pikinini bilong ol long ples nating olsem, "Yupela i noken bihainim ol pasin bilong ol papa bilong yupela, o bihain ol lo,o bagarapim yupela yet waintaim ol god giaman. ¹⁹ Mi God Yawe bilong yupela, yupela i mas bihainim ol lo bilong mi na lukautim gut ol lo bilong mi. ²⁰ Lukautim gut dei Sabat bilong mi na em bai kamap olsem wanpela sain namel long mi wantaim yupela na bai yupela i save olsem mi God Yawe bilong yupela." ²¹ Tasol ol pikinini man na ol pikinini meri bilong ol i sakim tok bilong mi na ol i no bihainim ol lo bilong mi na stap aninit long ol lo bilong mi long wanem man i bihainim dispela ol lo bilong mi bai i stap laip. Ol i rausim dei Sabat bilong lotu olsem na mi tingting long kapsaitim bel hat bilong mi antap long ol na inapim belhat bilong mi antap long ol long ples nating. ²² Tasol mi rausim han bilong mi bikos mi tingim nem bilolng mi yet. Olsem tasol em ino inap stret tumas long ai bilong olgeta manmeri na long ai bilong husait ol manmeri bilong Israel mi bin kisim bek ol. ²³ Mi wanpela tasol i bin hapim han bilong mi na toktok long ol long ples nating olsem bai mi skelim yupela long olgeta hap graun na putim yupela i go long wanwan hap graun. ²⁴ Mi tingting long mekim olsem long wanem ol ino i bihainim ol lo bilong mi na tu ol i bin rausim ol lo bilong mi na ol i no bihainim gut dei Sabat bilong lotu. Ai bilong ol i lukluk stret long ol giaman god bilong ol papa bilong ol. ²⁵ Na mi givim ol sampela lo we i no gutpela na tok aut long wanem bai ol i no inap stap moa. ²⁶ Mi tokaut olsem ol i manmeri bilong mekim pasin nogut long wanem samting ol i givim long mekim ofa long olgeta namba wan pikinini insait long bel bilong mama na makim ol long kam i go long paia na bai mi pulapim ol wantaim poret na ol i bai save olsem mi God Yawe. ²⁷ Olsem tasol pikinini bilong man i bin tokaut long ol manmeri bilong ol Israil na tokim ol olsem, 'Mi God Yawe i tok, long dispela ol papa bilong yupela i no bin i stap aninit na bihainim ol tok bilong mi na ol i no stap tru wantaim mi. ²⁸ Taim mi kisim ol i kam aut long graun we mi promis long givim long ol na taim ol i lukim ol bikpela mauten na ol diwai i gat planti lif ol i mekim ofa long en na ol i mekim mi i belhat long ol ofa bilong ol na tu ol i kukim ol naispela smel samting ( incense ) na kapsaitim go aut ol wara ofa. ²⁹ Na mi tokim ol olsem, "Wanem ples em i antap tru bai yu i ken kisim ol ofa i go long hap?" Olsem na nem bilong dispela hap ol i kolim olsem Bamah kam inap long nau. ³⁰ Olsem na tokim ol lain manmeri bilong Israil, 'Mi God Yawe i tok, bilong wanem yupela i save mekim yupela yet i stap doti olsem pasin bilong ol papa bilong yupela na olsem wanem yupela i save kamap olsem ol pamuk meri i painim ol samting nogut. ³¹ Taim yu givim ol ofa bilong yu i go antap na taim yupela mekim ol pikinini man bilong yupela i abrusim bikpela paia i kam inap long nau taim, yupela i makim yupela yet i no stap klin waintaim olgeta god giaman bilong yupela. Bilong wanem na bai mi larim yupela i painim mi, yupela ol manmeri bilong Israel? Taim mi stap laip, mi God Yawe i tok olsem, mi no inap larim yupela long painim mi. ³² Ol tingting we i stap insait long het bilong yu bai i no inap tru long kamap. Yu tok, "Larim mipela i stap olsem ol arapela manmeri, olsem ol lain i stap long arapela lain famili na ol i save lotu long ol diwai na ston. ³³ Taim mi stap laip yet, Mi God Yawe i tok klia olsem, bai mi karamapim yu wantaim stronpela han bilong mi i stap antap tru na bai mi rausim bikpela bel hat bilong mi antap long yu. ³⁴ Bai mi rausim yu long han bilong ol arapela manmeri na kisim yu aut long ol arapela kantri we ol i bin lusim yu i go nabaut na bai mi mekim olsem wantaim stronpela han bilong mi na wantaim belhat bilong mi i kam aut. ³⁵ Na bai mi kisim yu i go insait long ples nating bilong ol manmeri na bai mi lukluk long yu na kotim yu. ³⁶ Olsem Mi i bin kotim ol papa lain bilong yu long ples nating long graun bilong ol Isip, wainkain olsem tasol bai mi kotim yu tu, Mi God Yawe i tok. ³⁷ Bai mi mekim yu i stap aninit long mi, na bai mi mekim yu i harim tok na bihainim ol lo bilong mi. ³⁸ Bai mi rausim yu long han bilong ol man nogut na long ol lain i save pait long mi na bai mi salim ol i go autsait long graun we ol i stap olsem ol man bilong narapela hap, tasol ol i no inap long go insait long graun bilong ol Israel na bai yu save olsem mi God Yawe. ³⁹ Olsem tasol yupela ol lain Israel, mi God Yawe i tok, Wanwan bilong yupela i mas i go long ol god giaman bilong yupela yet. Lotu long ol sapos yupela i no laik long harim tok bilong mi, tasol yupela i noken bagarapim stretpela nem bilong mi wantaim ol samting yupela i givim na ol god giaman bilong yupela. ⁴⁰ Long stretpela maunten bilong mi na antap long het bilong maunten bilong ol Israil. Mi God Yawe i tok klia olsem, olgeta lain bilong Israel bai i lotu long mi hia long graun na bai mi hamamas tru long lukim ol ofa yupela bai i mekim na ol namba wan kaikai yupela i givim wantaim olgeta gutpela sating. ⁴¹ Bai mi kisim yupela olsem wanpela samting i save mekim gutpela smel taim mi kisim yu i kam aut long ol manmeri na long ol ples we yu i bin stap nabaut. Na bai mi soim mi yet olsem mi stretpela namel long yupela na long ai bilong olgeta manmeri. ⁴² Na sapos, mi kisim yu i kam long graun bilong ol Israel na long graun we mi i bin hapim han bilong mi na tok aut long givim long ol papa bilong yu bai yu save olsem mi God Yawe. ⁴³ Na bai yu tingim olgeta pasin yu save mekim na olgeta samting yu i bin mekim we yu i bin bagarapim yu yet na bai yu giamanim yu yet long ai bilong yu long olgeta pasin nogut yu i bin mekim. ⁴⁴ Na bai yu save olsem mi God Yawe sapos mi mekim olsem long yu long wanem em long nem bilong mi yet, na i no long ol pasin nogut bilong yu, na ino long ol bagarap pasin bilong yu,ol manmeri bilong Israel mi God Yawe i tok olsem. ⁴⁵ Na tok bilong God Yawe i kam long mi na i tok olsem? ⁴⁶ "Pikinini bilong man, putim pes bilong yu i go long we san i go daun na mekim tok profet long dispela hap long ol samting bai i kamap bihain long bus bilong ol Negev. ⁴⁷ Toktok long bus bilong ol Negev, 'Mi God Yawe i tok aut olsem, bai mi putim paia antap long yu na em bai i bagarapim olgeta diwai i gro na olgeta drai diwai antap long yu na bikpela smok bai i no inap long pinis na olgeta pes long Saut na Not paia bai i kukim olgeta. ⁴⁸ Na olgeta samting i gat laip bai i save olsem mi God Yawe taim mi kukim paia na em bai i no inap long pinis. ⁴⁹ Na mi tok "Alas", God bikpela, ol i tok olsem long mi, 'Ating em i no dispela man i pulap long wara na i no tokim mipela ol tok bokis?"