19 ¹ Nau bai yu kirapim singsing sori long ol lida bilong Israel ² na yu tok, husait em i mama bilong yu? Mama bilong yu em i laion,em i stap wantaim pikinini man bilong laion namel long ol yangpela laion na lukautim ol pikinini bilong em na ol i kamap bikpela. ³ Em tasol i bin karim wanpela pikinini man bilong en, i kamap yangpela laion. Na i lainim em long pasim bilong painim abus na bihain em i kaikai man. ⁴ Na olgeta hap bilong kantri i save long pasin bilong dispela laion.Ol i wokim hul long graun na em i pundaun insait long dispela hul.Ol i putim huk long wasket bilong em na pulim em i go long Isip. ⁵ Mama i waitim em longpela taim tru long kambek. Tasol taim bilong kambek em i go pinis. Na em i kisim narapela pikinini man bilong em na mekim em i kamap olsem yangpela laion. ⁶ Dispela yangpela laion i kamap bikpela na raun wantaim ol narapela laion, em i lainim long painim abus na kaikai man. ⁷ Em i ronim ol meri man bilong ol i dai pinis na bagarapim taun bilong ol. Graun na olgeta samting i stap antap long en i pinis, long wanem em i save singaut strong. ⁸ Tasol ol kantri bai i birua long em long ples i stap klostu, ol bai i opim ol umben bilong ol na bai holim pasim em. ⁹ Ol i hukim em na putim em insait long bokis na pulim em i go long king bilong babilon long kalabusim em. Ol i putim em long strongpela kalabus na taim em i singaut ol manmeri i stap long maunten bilong Israel i no inap harim em. ¹⁰ Mama bilong yu i olsem diwai wain ol i planim insait long blut bilong yu klostu long wara na i gat planti han na i karim planti pikinini kaikai, long wanem em i kisim planti wara. ¹¹ Ol han diwai bilong en i strongpela, ol i save givim long king long yusim na diwai em i longpela antap.Olgeta manmeri i ken lukim han na ol lip bilong en. ¹² Tasol ol man i kros na kamautim wain diwai na tromoi long graun na hatpela win i kam long san kamap na mekim pikinini kaikai i drai.Ol man i brukim strongpela han bilong diwai na kukim long paia na paia i pinisim ol. ¹³ Olsem na ol i planim diwai long ples i drai olgeta, i no gat wara long en. ¹⁴ Taim paia i go aut long bikpela han bilong diwai na pinisim olgeta kaikai na i nogat strongpela han bilong diwai i stap antap long en na i nogat wanpela strongpela han bilong diwai we bai king i holim. Dispela pasin i kamap, oltaim bai yumi tingim na singsing sori.