15 ¹ Bihain tok bilong God Yawe i kam long mi na i tok, ² "Pikinini bilong man, olsem wanem na rop i ken kamap gutpela na winim ol narapela diwai wantaim ol han i stap long em inap i stap wantaim ol narapela diwai i stap insait long bus? ³ Ol manmeri i save kisim palang long rop long wokim ol narapela samting a? O ol i save wokim pin long hangamapim ol narapela samting long em? ⁴ Lukim! Sapos ol tromoi i go insait long paia long kukim na sapos ol i kukim tupela arere na namel tu, em bai i gutpela long wokim ol narapela samting? ⁵ Lukim! Taim olgeta i bin pinis, em i no inap long wokim narapela samting; em i stret, taim paia i kukim pinis, orait, em i no inap yet long wokim ol narapela samting bilong yusim. ⁶ Olsem na Bikpela God Yawe tok olsem, Em i no wankain olsem ol narapela diwai long bus, mi givim rop olsem samting bilong mekim paia; Mi bai wokim wankain pasin long ol manmeri bilong Jerusalem. ⁷ Bilong wanem mi bai pasim pes bilong mi long ol. Maski ol i ken kam aut long paia tasol paia bai daunim ol; olsem na bai yu save olsem mi God Yawe, taim mi pasim pes bilong mi long ol. ⁸ Bihain bai mi wokim graun olsem ples nating i nogat man long wanem ol i wokim pasin nogut, dispela em toksave bilong God Yawe."