14 ¹ Sampela ol bikman bilong Israel i kam long mi na sindaun klostu long mi. ² Bihain tok bilong God Yawe i kam long mi na i tok, ³ "Pikinini bilong man, dispela ol man i bilip long ol god giaman long bel bilong ol na ol i putim pasin nogut bilong ol long pes bilong ol. Bai mi inap long tokim ol sapos ol i askim mi long tok? ⁴ Olsem na tokim dispela tok long ol na tok olsem,'bikpela God Yawe i tok, olgeta lain manmeri bilong Israel husait i save lotuim god giaman long bel bilong en, o husait i save putim pasin nogut bilong em long pes bilong em na husait i save go long profet long kisim tingting, mi God Yawe, bai mi gat tok long en long hamaspela namba bilong giaman god bilong em. ⁵ Bai mi mekim olsem na bai mi kisim ol lain manmeri bilong Israel husait i stap long we long mi na bihainim ol god giaman.' ⁶ Olsem na tokim ol lain manmeri bilong Israel,God Yawe i tok, tanim bel na lusim ol giaman god bilong yupela! tanim pes bilong yupela long ol giaman god bilong yupela. ⁷ Olgeta lain manmeri bilong Israel na olgeta lain manmeri bilong narapela hap ples i stap long Israel i lusim mi na i lotuim ol giaman god long bel bilong ol na putim ol giaman pasin bilong ol long pes bilong ol na i kam long profet long kisim tingting long painim mi, mi God Yawe, bai i gat tok long ol. ⁸ Bai mi stap birua bilong em na mekim ol arapela i lukim, bai mi rausim em olgeta namel long ol manmeri na bai yu save olsem mi Bikpela God Yawe. ⁹ Sapos wanpela profet i mekim giaman tok orait mi, God Yawe bai bagarapim dispela profet, Bai mi rausim em long han bilong mi na bai mi bagarapim em namel long ol lain manmeri bilong Israel. ¹⁰ Ol bai karim pasin nogut bilong ol, pasin nogut bilong profet bai wankain olsem pasin nogut bilong husait man i bin givim tok long em. ¹¹ Long dispela, ol lain manmeri bilong Israel bai i no inap long stap nambaut long bihainim mi na bai no inap giamanim ol yet long ol pasin nogut ol i save mekim. Ol bai kamap manmeri bilong mi na bai mi kamap God bilong ol, dispela em God Yaweh i tok."' ¹² Behain tok bilong God Yawe i kam long mi na i tok, ¹³ Pikinini bilong man, taim ol lain manmeri bilong graun i givim baksait long mi na mekim pasin nogut bai mi rausim han bilong mi long ol na bai mi larim ol i sot long kaikai na larim bikpela angre long ol na bai mi rausim olgeta man na wel abus long graund. ¹⁴ Sapos dispela tripela man, Noah, Daniel na Job i stap long dispela graun namel long yupela, ol bai i helpim laip bilong ol yet long stretpela pasin bilong ol, dispela em God Yawe i tok. ¹⁵ Sapos mi salim ol wel abus nogut i go long graun long kilim ol manmeri i dai na kamapim bikpela bagarap long graun, ol man bai i no inap go long narapela hap long wanem dispela wel abus i stap, ¹⁶ Maski dispela tripela man i stap long hap- mi stap, God Yawe i tok, ol bai i no inap helpim ol pikinini man bilong ol na ol pikinini meri bilong ol yet, ol bai i helpim laip bilong ol yet tasol dispela graun bai i bagarap. ¹⁷ O sapos mi kisim bainat i kam long dispela graun na tok, 'Bainat, go long olgeta hap graun na katim olgeta man wantaim wel abus i stap long en,' ¹⁸ Maski dispela tripela man i stap namel long dispela graun - mi stap laip, dispela em God Yawe i tok, ol bai i no inap tru long helpim ol pikinini man bilong ol na piknini meri bilong ol, nogat tru ol bai i helpim ol yet tasol. ¹⁹ O sapos mi i salim bikpela bagarap long dispela graun na soim belhat bilong mi long kapsaitim blut, long pinisim olgeta man wantaim ol wel abus, ²⁰ Maski Noah, Daniel na Job i stap long dispela graun- mi stap laip, dispela em God Yawe i tok, ol bai i no inap helpim ol pikinini man bilong ol na pikinini meri bilong ol yet, ol bai i helpim laip bilong ol long stretpela pasin bilong ol. ²¹ Bikpela God Yawe i tok dispela tok olsem, bai mi mekim dispela samting i kamap bikpela, long salim 4-pela bikpela hevi olsem, bikpela angre, bikpela bagarap, well abus na bikpela sik bai i kam long Jerusalem long rausim olgeta manmeri na wel abus long dispela graun. ²² Tasol, Harim! ol liklik lain manmeri tasol bai i stap long hap, ol lain manmeri i stap laip bai i go autsait wantaim ol pikinini man na meri bilong ol. Harim! ol bai i go long yu na bai yu lukim pasin bilong ol na bai yu pilim narapela kain long dispela hevi mi givim long Jerusalem na long olgeta samting mi salim long dispela graun. ²³ Ol man i stap laip bai i helpim yu, taim yu lukim pasin bilong ol, wokabaut bilong ol na bai yu lukim olgeta dispela samting mi mekim long dispela graun, olsem mi no mekim nating! dispela em God Yawe i tok."