13 ¹ Tok bilong God Yawe i kam gen long mi na i tok olsem, ² "Pikinini man bilong man, mekim tok profet na kros long ol profet husait i wok long mekim tok profet long Israel na tokim ol lain i wok long mekim tok profet long tingting bilong ol yet, Putim yau na harim wanem tok God Yawe i laik tokim. ³ Bikpela God Yawe i tok olsem, sori tru long ol longlong profet i bihainim laik bilong ol yet na i no lukim wanpela samting. ⁴ Israel, ol profet bilong yupela i olsem wel dok i stap long hap ples graun i nogat gris. ⁵ Yupela i no i go yet long hul bilong wol i raunim haus bilong Israel na stretim gen long bai yupela i abrusim bikpela pait long dei bilong God Yawe. ⁶ Ol manmeri i lukim giaman driman na mekim giaman toktok long wanem samting bai kamap long bihain, ol lain husait i save tok olsem,"Ol kain samting olsem God Yawe i tokaut." God Yawe i no salim ol tasol ol yet i mekim dispela toktok na mekim ol manmeri long bilipim tok bilong ol. ⁷ Yupela i no bin lukim ol giaman driman na mekim ol giaman toktok long wanem samting bai kamap bihain, yupela i tok olsem, "Ol kain samting olsem God Yawe i tokaut" na taim mi yet i no bin tokim? ⁸ Em olsem na God Yawe i tok, 'Bilong wanem yu bin lukim giaman driman na tokim ol giaman toktok, olsem na Bikpela God Yawe i tokaut na kros long yu. ⁹ Bai mi kros wantaim ol profet i save lukim ol giaman driman na i save mekim giaman tok long sampela kain samting olsem bai kamap bihain. Ol bai i no inap i stap long bung bilong ol manmeri bilong mi na nem bilong ol bai i no inap i stap long buk bilong ol lain Israel, ol i noken i go long kantri Israel. Bai yu luksave olsem mi Bikpela God Yawe i stap. ¹⁰ Long wanem ol i paulim tingting bilong ol manmeri bilong mi na i tok, "stap bel isi!" taim hevi i stap, ol i kamapim wol long bai ol i peinim wantaim waitpela pein.' ¹¹ Tokim ol lain i peinim wol wantaim waitpela pein olsem wol bai bruk na pudaun, bikpela ren bai pudaun na bai mi salim ais wara kam daun na strongpela win bai brukim wol i kam daun. ¹² Bai yu lukim wol bai pudaun. Ol sampela lain i no tokim yu olsem "We i stap dispela waitpela pein yupela bin peinim?" ¹³ Olsem na Bikpela God Yawe i tok olsem. Bai mi salim strongpela win wantaim belhat bilong mi na ren bai pudaun olsem taitwara na ais wara bai bagarapim olgeta. ¹⁴ Bai mi brukim i kam daun dispela wol yu bin peinim long waitpela pein na bai mi brukim i go daun long graun na larim as bilong wol tasol bai stap. Taim wol i pudaun, yu tu bai bagarap wantaim na bai yu luksave olsem mi God Yawe. ¹⁵ Bai mi bagarapim gut tru dispela wol na tu ol lain i bin peinim wol wantaim belhat bilong mi. Bai mi tok long yu olsem, "Dispela wol wantaim ol man i bin peinim, ol i no moa i stap, ¹⁶ ol dispela profet bilong Israel i save mekim tok profet long wanem samting bai kamap long Jerusalem na lukim samting olsem bai nogat hevi long Jerusalem tasol bai i gat bikpela hevi, Bikpela God Yawe i tokim."' ¹⁷ Yu pikinini man bilong man, yu lukluk i go daun olsem long ol pikinini meri bilong lain bilong yu i wok long mekim tok profet long tingting bilong ol yet, yu mekim tok profet na tokim ol. ¹⁸ Tokim ol olsem, Bikpela God Yawe i tok, sori tru long ol meri i save wokim ol sanguma pasin long olgeta hap han bilong ol na mekim ol laplap long pasim het bilong olgeta kain sais na raunim ol manmeri long kilim ol. Bai yupela raunim ol manmeri bilong mi long kilim ol tasol i no inap long sevim laip bilong yupela yet. ¹⁹ Yupela i daunim nem bilong mi long ai bilong ol manmeri bilong mi long kisim liklik wit rais na liklik bret long kilim nating ol manmeri we ol i no inap long dai na sevim laip bilong ol lain we ol i no inap long i stap laip, bilong wanem ol manmeri bilong mi i harim giaman tok bilong yupela. ²⁰ Bikpela God Yawe i tok olsem, Mi nau i gat kros long ol sanguma lain i save mekim umben long kisim laip bilong ol manmeri bilong mi olsem tru ol i pisin. Tru tumas olsem bai mi rausim ol long han bilong yu na ol manmeri yu holim ol long umben olsem pisin bai mi larim ol i go fri. ²¹ Bai mi rausim laplap long pes bilong yu na kisim ol manmeri bilong mi aut long han bilong yu, ol bai i no inap kalabus moa long han bilong yu na bai yu luksave olsem mi God Yawe. ²² Bilong wanem yu bagarapim bel bilong strepela man wantaim giaman, maski mi no tingim bikpela wari em i gat tasol yu strongim pasin bilong man nogut na em i no tingting long lusim pasin nogut bilong em long sevim laip bilong em yet ²³ olsem na yu i no inap moa lukim giaman driman na mekim giaman tok long wanem samting bai kamap bihain, bai mi kisim bek ol manmeri aut long han bilong yu na bai yu luksave olsem mi God Yawe.'"