12 ¹ Tok bilong God Yawe i kam long mi na i tok olsem, ² "Pikinini bilong man, yu i stap namel long ol manmeri i save sakim tok, we ol i gat ai bilong lukim tasol ol i no save lukim na we ol i gat yau bilong harim tasol ol i no save harim, long wanem ol i olsem ol manmeri bilong sakim tok. ³ Olsem na long yu, pikinini bilong man, redim ol kago bilong yu long ranawe, na stat ranawe long taim ol lukim yu i stap long dei taim, long ples bilong yu bai mi kisim yu i go long narapela ples long taim ol i lukim yu i stap. Maski ol bai i stat long lukim na maski ol i olsem ol manmeri bilong sakim tok. ⁴ Yu bai kisim olgeta samting bilong yu i kam autsait long ranawe long dei taim ol i lukim yu i stap, wakabaut i go long apinun taim ol i lukim yu i stap long rot sampela man i save ranawe. ⁵ Wokim hul i go long banis long taim ol i lukim yu i stap na go autsait long dispela hul. ⁶ Long ai bilong ol, apim kago bilong yu antap long solda na kisim i kam autsait long ples tudak. Karamapim pes bilong yu na ba yu i noken lukim graun, bipo mi makim yu pinis olsem piksa bilong haus bilong ol Israel." ⁷ Orait mi mekim dispela, olsem mi bin tok long em. Long san mi kisim kago bilong mi i kam autsait long ranawe na long apinun mi wokim hul i go long banis long han bilong mi. Long ples tudak mi kisim kago bilong mi i kam autsait na apim kago antap long solda bilong mi taim ol i lukim i stap. ⁸ Long moning tok bilong God Yawe i kam long mi, i tok olsem, ⁹ "Pikinini bilong man, em ol lain bilong Israel, dispela lain i save sakim tok, ol i no askim, 'yu wokim wanem samting i stap?' ¹⁰ Tokim ol, 'God Yawe i tok olsem, dispela pasin bilong ol prophet i makim ol hetman insait long Jerusalem na long olgeta haus i stap namel long Israel.' ¹¹ Tok,' Mi olsem wanpela piksa long yu. 'Olsem mi mekim, em bai i kamap long ol, ol bai i ranawe na i go insait long kalabus. ¹² Hetman husait i stap namel long ol bai i apim kago bilong em antap long solda insait long ples tudak na go autsait long banis. Ol bai i wokim hul long banis na karim kago bilong ol i go autsait. Em bai i karamapim pes bilong em na i noken lukim graun long ai bilong em. ¹³ Mi bai tromoi i go aut net bilong mi antap long em na em bai i pas long trap na bai mi brigim em i go long Babilon, long graun bilong ol Kaldia, tasol em bai i no lukim. Em bai i dai long dispela hap. ¹⁴ Mi bai i mekim ol i go nambaut long olgeta hap we olgeta man i laik helpim em na ol wasman bilong em na mi bai i salim bainat bihainim ol. ¹⁵ Ol bai i luksave olsem mi God Yawe, taim mi putim ol namel long kantri na mekim ol inapim dispela graun. ¹⁶ Tasol mi bai rausim sampela ol man namel long maus bilong bainat, bikpela hangre na long sik, olsem bai ol i tingim bek olgeta bagarap long ples we mi bin kisim ol, na ol bai i luksave olsem mi God Yawe." ¹⁷ Tok bilong God Yawe i kam long mi na i tok olsem, ¹⁸ "Pikinini bilong man, kaikai bret bilong yu wantaim pret na drin wara bilong yu wantaim wari na go antap na kam daun. ¹⁹ Tokim ol manmeri bilong dispela ples, 'Bikpela God Yawe i laik toktok long ol manmeri i stap long Jerusalem na long ples Israel, "Ol bai i kaikai bret bilong ol wantaim pret na long taim ol go antap na i kamdaun yet ol bai i drin wara bilong ol, dispela ples bai i bagarap olgeta long wanem pasin nogut bilong olgeta manmeri i stap long dispela ples i go nogut tru. ²⁰ olsem na dispela taun ol i stap bai olgeta samting bai i bagarap na dispela ples bai i kamap ples i nogat samting, olsem na bai yu save olsem mi God Yawe.' ²¹ Wanpela taim gen tok bilong God Yawe i kam long mi na i tok olsem, ²² "Pikinini bilong man, wanem tok yu i gat long graun bilong ol Israel long tok i stap, 'Dei i longpela na olgeta driman i no kamap tru'? ²³ Olsem na tok long ol, 'Bikpela God Yawe i tok olsem, Mi bai i pinisim dispela tok na bai ol manmeri bilong Israel bai i no toktok moa.' Tokim ol, 'Taim ol dispela dei i kam klostu olgeta driman bai i kamap tru. ²⁴ Em bai i no gat moa giaman driman o wantok i tok prophet insait long haus bilong ol Israel. ²⁵ Mi God Yawe! Mi tok na mi bai i mekim kamap wanem mi tok. Hevi bai i no i stap longpela taim. Mi bai i tokim dispela tok long dei bilong yupela, long ol haus i save givim baksait na mi bai i mekim i kamap! - Dispela em Bikpela God Yawe i kamapim klia." ²⁶ Wanpela taim gen tok bilong God Yawe i kam long mi na i tok olsem, ²⁷ "Pikinini bilong man! Harim, manmeri bilong ol Israel i tok, 'Driman em lukim em i stap long plati dei inap long nau na em tok prophet long bipo taim.' ²⁸ Olsem na tok long ol, 'Bikpela God Yawe i tok olsem, Tok bilong mi i no inap i stap longpela taim, tasol wanem mi tok bai i kamap- dispela em Bikpela God Yawe i kamapim klia.'