9 ¹ Tasol mi wok long tingting na luksave long ol dispela gutpela na stretpela pasin bilong ol manmeri. Olgeta i stap long han bilong God Yawe. I nogat man i save bel isi o bel hat bai i kam long narapela man. ² Olgeta i gat wankain pasin tasol. Dispela pasin tasol i wetim ol stretpela man wantaim ol man nogut, ol gutpela, ol klin na ol i no klin, ol man husait i save givim sekrifais na ol lain husait i no save putim sekrifais. Olgeta man bai i dai na ol sin man tu bai i dai. Ol man husait tok aut na mekim promis bai i dai, olsem tasol ol man husait i poret long mekim promis tu bai i dai tasol. ³ Igat tingting nogut long olgeta samting kamap ananit long san, wankain pasin kamap long olgeta. Bel na tingting bilong man pulap long pasin nogut taim ol i stap. Tasol bihain bai ol i dai. ⁴ Husait i wanbel wantaim ol man i stap laip i gat gutpela samting i stap olsem dok i stap laip i moa gutpela long lion i dai pinis. ⁵ Ol man husait i stap laip ol i save olsem ol bai dai, tasol ol dai man i no save long wanpela samting. Ol i no i nap long kisim ol gutpela samting bilong wanem olgeta i lus tingting pinis. ⁶ Laikim bilong ol dispela lain na belhat pasin wantaim mangal em lus pinis long taim. Ol i nogat wanpela hap ples na samting ananit long san. ⁷ Nau kirap na i go kaikai bret bilong yu wantaim amamas na drin wain wantaim amamas bel bilong wanem God Yawe i tok orait long gutpela wok bilong yu. ⁸ Larim klos bilong yu i mas i stap klin na wait na het bilong yu wel i kapsait antap. ⁹ Stap amamas wantaim meri yu i bin laikim oltaim long taim nogut bilong yu na ol gutpela taim God Yawe i bin givim yu ananit long san long taim nogut bilong yu. Em laip taim pay bilong yu ananit long san. ¹⁰ Wanem samting han bilong yu i panim long wokim, mekim wok wantaim olgeta strong bilong yu bilong wanem i nogat wok, tok klia na tok stret kisim save o gutpela tingting long ples matmat we bai yu i go long en. ¹¹ Mi lukim sampela gutpela samting ananit long san. Dispela resis i no bilong stretpela man tasol. Pait i no long ol strongpela man tasol. Bret i no long ol save man tasol. Ol mani na kago i no long ol save man tasol. Gutpela tingting i no bilong ol man i pulap long save tasol. Nogat tru taim na sans tasol i save i kam bungim olgeta. ¹² Tru tumas i nogat man i save wanem taim dispela bai kamap. Olsem tasol ol i save kisim ol pis bilong wara long umben we i save kilim ol na ol i save kisim ol pisin long trep man i putim. Na ol piknini bilong man i kisim taim long ol dispela trep bilong satan, na em i save hariap long pundaun antap long ol na bagarapim ol. ¹³ Mi tu i lukim dispela gutpela tingting pasin ananit long san em olsem em kamap bikpela long mi. ¹⁴ I bin i gat wanpela liklik taun we i no gat planti man i stap insait na wanpela strongpela king kisim pait i kam na winim pait na putim strongpela banis long dispela likik taun. ¹⁵ Nau insait long dispela liklik taun i gat wanpela lapun man husait i gat gutpela plen na tingting na em sevim dispela taun long birua. Tasol bihain long gutpela taim ol bik manmeri i lus tingting long dispela lapun man. ¹⁶ Olsem na mi pasim tingting olsem "Save i winim strong tasol save na tingting bilong lapun man ol i no bihainim na ol i no harim tok bilong em." ¹⁷ Ol toktok ol save man i save mekim isi tasol ol man i save harim na ol bikmaus singaut bilong ol lida man i stap wantaim ol longlong man ol i no save harim. ¹⁸ Save na gutpela tingting i winim samting bilong pait tasol wanpela sin man i ken bagarapim ol gutpela samting.