11 ¹ Putim ol bret bilong yu i go long wara, long wanem yupela bai kisim bek bihain long sampela dei gen. ² Skelim wantaim ol 7-pela ol man o 8-pela ol man long wanem yu i no save wanem bagarap bai i kam long dispela graun. ³ Sapos ren i pulap antap long kilaut orait ol i save pundaun antap long graun na sapos diwai i pundaun i go long saut o hap not, diwai i save stap long wanem hap em i pundaun long en. ⁴ Husait ol i was long win bai i nonap planim kaikai na husait ol i was long kilaut bai i nonap kisim kaikai. ⁵ Wankain olsem yu no save long rot bilong win na bun bilong liklik bebi i save kamap insait long bel bilong mama, olsem na yu bai nonap painim aut long wok bilong God, husait i mekim olgeta samting. ⁶ Long moning taim yu mas planim sid kaikai, i go inap long apinon, han bilong yu bai helpim yu long mekim wok long wanem yu no save wanem bai kamap gutpela, maski em monin o apinon o long wanem kain wei o maski ol i kamap gutpela. ⁷ Em trutumas olsem lait em i naise stret na em i gutpela samting bilong ai long lukim san. ⁸ Sapos wanpela man i stap planti yia, em i ken amamas long olgeta samting tasol em i mas tingim taim bilong bikpela hevi long wanem em bai i kam planti. Olgeta samting bai i kamap long ol i olsem samting nating tasol. ⁹ Ol yangpela man, taim yupela i stap yangpela yet yupela mas amamas long bel bilong yupela. Yupela i ken bihainim gutpela tingting long bel bilong yupela na wanem samting i stap ples klia long ai bilong yupela. Tasol yupela mas i save olsem God bai kotim yupela long olgeta samting. ¹⁰ Rausim belhat bilong yupela long bel bilong yupela na i no ken bihainim ol samting i save givim pen long bodi long wanem strong bilong ol yangpela ino inap long pela taim.