9 ¹ Harim, Israel, klostu yupela i laik brukim wara Jordan nau na i go kisim graun bilong bikpela na strongpela lain i winim strong bilong yupela, na ol i gat bikpela taun na ol banis i go antap long heven, ² ol manmeri i trapela na longpela bun ol i pikinini bilong Anak,husat yu save pinis long ol man i toktok long ol, husat i ken sanap na i go pas long ol pikininin bilong Anak? ³ yupela i mas save tru nau olsem God Yawe bilong yupela em bai i go pas long yupela olsem paia i hat moa na bagarapim ol, olsem na yupela bai pait long ol na rausim ol na bagarapim ol kwiktaim, olsem God Yawe i tokim yupela. ⁴ Yupela i no ken tok olsem,God Yawe i rausim ol pinis na bringim mipela i kam long dispela graun na givim mipela.Nogat.ol manmeri bilong mekim pasin nogut long dispela kantri na God Yawe i rausim ol. ⁵ Ino long as bilong stretpela o gutpela pasin bilong yupela na yupela bai i kisim dispela graun,tasol long as bilong pasin nogut bilong ol dispela kantri olsem na God bilong yupela i rausim ol i go longwe long yupela na long inapim tok promis em i mekim long ol tumbuna bilong yupela, Abraham,Aisak na Jekop. ⁶ Yupela i ken save olsem, God Yawe i no givim dispela gutpela graun long yupela long stretpela pasin yupela i mekim, nogat, yupela bikhet manmeri. ⁷ Tingim na noken lusim tingting long ples wesan nating yupela i mekim God Yawe i belhat taim yupela i lusim Isip na i kam long dispela ples, na yupela i wok long sakim tok bilong God Yawe. ⁸ Tu long Mauten Horeb yupela i mekim God Yawe i belhat, na God Yawe inap long bagarapim yupela. ⁹ Taim mi go antap long Mauten long kisim tupela hap ston, bilong kontrak God Yawe i mekim wantaim yupela, mi stap long mauten 40 dei na 40 nait mi no bin kaikai o dring wara. ¹⁰ God Yawe i givim mi tupela hap ston em i raitim long pinga bilong en, na em i raitim olgeta tok na em i givim long yupela taim God Yawe i tokim yupela antap long mauten namel bilong paia long de bilong bung. ¹¹ Dispela i kamap bihain long 40 dei na 40 nait God Yawe i bin givim mi dispela tupela hap ston, em dispela tupela hap ston bilong kontrak. ¹² God Yawe i tokim mi, Kirap, yu go daun kwik, ol manmeri bilong yu, yu bin bringim ol i kam long Isip,ol i mekim pasin nogut long ol yet.na kwik taim ol i givim baksait long tok mi bin tokim ol. Na ol i wokim god giaman bilong ol. ¹³ God Yawe i tok moa long mi, na i tok,"Mi lukim pinis ol dispela manmeri, em ol manmeri bilong bikhet tru. ¹⁴ Larim long mi na bai mi bagarapim ol na rausim nem bilong ol insait long heven, na bai mi mekim yu i kamap wanpela kantri i srongpela na bikpela moa long ol arapela." ¹⁵ Mi tanim na i kam daun long maunten, na maunten i paia. Na tupela hap ston bilong kontrak i stap long han bilong mi. ¹⁶ Mi lukim pinis, na harim gut, yupela i mekim sin i go long Yawe em i God bilong yupela. Long han bilong yupela yet i wokim wanpela god giaman bilong bulmakau. na kwiktaim yupela i givim baksait long God Yawe em i bin tok strong long yupela. ¹⁷ Mi holim tupela hap ston long han bilong mi na mi tromoi i go daun. Mi brukim long ai bilong yupela. ¹⁸ Mi putim pes bilong mi i go daun gen long pes bilong God Yawe inap long 40 dei na 40 nait, mi no kaikai bret o dring wara, long asua bilong sin yupela i wokim pinis , long wonem yupela i mekim pasin nogut long ai bilong God Yawe, na mekim em i belhat long yupela. ¹⁹ Long wanem mi pret long belhat na belnogut bilong God Yawe i belhat long yupela na em inap long bagarapim yupela .Tasol God Yawe i harim mi long dispela taim tu. ²⁰ God Yawe i kros nogut long Aron na em i laik bagarapim em na mi prea long Aron na long yupela wantaim. ²¹ Mi kisim sin bilong yupela, dispela bulmakau yupela i wokim long en na kukim, paitim na brukim i go liklik inap em i kamap olsem das. Mi tromoi dispela das i go long wara i save i kam daun long maunten. ²² Long Tabera, long Masa na long Kibrot Hatava, yupela i mekim God Yawe i belhat. ²³ Taim God Yawe i salim yupela long Kades Barnea em i tok long yupela i go na kisim dispela graun mi givim yupela. Tasol yupela i sakim Lo bilong Yawe God bilong yupela na yupela i no bilip o harim tok bilong em. ²⁴ Yupela i bikhet na sakim tok bilong God Yawe, long taim mi stat long save long yupela. ²⁵ Mi putim pes bilong mi i go daun long graun 40 dei na 40 nait, long wanem God Yawe, em i tok long i laik bagarapim yupela. ²⁶ Mi prea long God Yawe na mi tok.O Bikpela God Yawe, yu no ken bagarapim ol manmeri bilong yu, long bikpela na srongpela han bilong yu, yu kisim ol i kam aut long Isip. ²⁷ Yu ken tingim wokman bilong yu,Abraham, Aisak,na Jekop,na yu no ken tingim ol pasin nogut bilong ol dispela manmeri o bikhet pasin o long sin bilong ol. ²⁸ Ol manmeri bilong dispela graun yu kisim mipela i kam pinis long en bai i tok olsem, "God Yawe i no inap bringim ol i go long graun em i promisim ol long en, long wanem em i no laikim ol, em kisim ol i go long ples nating bilong kilim ol." ²⁹ Sori tru long dispela ol lain manmeri bilong yu yet, yu bin kisim ol i kam aut long bikpela pawa na strong bilong yu.