10 ¹ Na long dispela taim God Yawe i tokim Moses olsem, "Sapim tupela hap ston wankain olsem bipo ston, na kisim i kam long mi antap long mauten, na mekim bokis. ² Mi bai i raitim Tenpela Lo bilong mi antap long dispela ston we em bin stap long olpela ston yu bin brukim pinis, na bai yu putim igo isait long bokis." ³ Orait Moses i mekim bokis long palan, nem bilong dispela palan, em akasia, na em i sapim tupela hap ston wankain tru olsem pastaim ston. Taim em sapim pinis tupela hap ston, em holim na igo antap long mauten. ⁴ Na God Yawe i raitim gen Tenpela Lo bilong em antap long dispela tupela hap ston we em bin raitim pinis na stap long olpela ston. Em dispela Tenpela Lo we God Yawe i tokim yupela lo mauten namel lo paia i lait, taim yupela i bung na i stap aninit long mauten ⁵ Na em i givim mi dispela hap ston na mi kisim igo down na putim long dispela bokis mi mekim long en, na em i stap insait olsem God Yawe i tokim mi." ⁶ Ol manmeri Israel lusim dispela hap Berot Bene Sakan na wokabaut igo long Mosera. Na Aron em i dai long dispela ples na ol planim em. Eleyas pikinini bilong em kisim ples bilong Aron na wok olsem pris. ⁷ Ol Israel i lusim dispela hap Gugoda na ol igo long Yotbada, ples we planti wara pulap. ⁸ Long dispela hap, God Yawe i makim ol lain Livai lo karim bokis kontrak bilong em na sanap strong long God Yawe, na mekim gut long ol manmeri insait long nem bilong God Yawe. ⁹ Olsem na Levi wantaim ol lain brata bilong em ino kisim hap graun. Long wanem God Yawe bai i givim ol, olsem God Yawe, God bilong yupela i tokim em. ¹⁰ Moses i tok olsem, "Mi stap lo dispela mauten wankain olsem mi bin stap namba wan taim. God Yawe i harim beten bilong mi dispela taim, na em ino tingting long bagarapim yupela. ¹¹ Orait bihain God Yawe i tokim Moses olsem, 'Yu kirap na igo pas long kisim ol lain Israel long wokabaut igo yet, ol bai kisim dispela graun mi God Yawe bin promis pinis long ol lain tumbuna bilong ol, nao bai mi givim igo long ol.' ¹² Moses i tokim ol lain Israel olsem, " God Yawe i tok wanem long yupela bai i mekim? Yupela i mas stap aninit long God Yawe, God bilong yupela na bihainim tok bilong em, na pasin bilong en na laikim em lo pasin bilong lotu long en, long olgeta strong na trupela bel na tingting. ¹³ Na tu long bihainim Lo bilong God Yawe, na long pasin bilong en, mi tokim yupela nao long gutpela bilong yupela. ^{14 15 16} Olsem na yupela i mas bihainim gut tok bilong God na noken bikhet. ¹⁷ Long wanem, God Yawe em God bilong yupela, em God bilong olgeta giaman god, God Yawe em God antap tumas, God ino save laikim tumas wanpela man tasol, na ino save harim gris tok bilong ol man. ¹⁸ Em i save mekim gutpela pasin long ol pikinini ino gat papa na ol meri, man bilong ol i dai pinis. Em i save mekim gut lo givim klos na kaikai long ol man i lusim ples na kam stap. ¹⁹ Olsem na yupela i mas soim pasin bilong laikim ol man long narapela hap ples, long wanem yupela i bin stap wankain olsem ol dispela man long Isip. ²⁰ Yupela bai stap aninit long God Yawe, God bilong yupela, na yupela i mas pas wantaim em, na lotu long em. Mekim olgeta promis long nem bilong em. ²¹ Em God bilong yupela long litimapim nem bilong em, husait i mekim kamap narakain samting tru, na yupela i bin lukim pinis. ²² Tumbuna bilong yupela igo daun long Isip, em olsem 70 man. Tasol nao Bikpela God bilong yupela i mekim namba bilong yupela igo antap tru olsem ol planti sta lo heven.