7 ¹ Taim God Yawe kisim yupela i go long graun bai yupela kisim, em bai rausim olgeta manmeri bilong planti kantri-em ol Hitites,ol Girgasites, ol Amorites, ol Kenan, ol Perisites, ol Hivites na ol Jebusites-ol 7-pela kantri i bikpela tru na winim strong bilong yupela. ² Em Yawe God bilong yupela i givim ol dispela graun long yupela taim yupela i winim pait, na yupela i mas bagarapim olgeta manmeri bilong ol dispela kantri. ,Yupela noken mekim kontrak wantaim ol, na yupela noken soim marimari long ol. ³ Nor yupela marit i go i kam wantaim ol. Yupela noken pasim pikinini meri bilong yupela na givim i go long pikinini man bilong ol, na yupela i noken kisim ol pikinini meri bilong ol na givim i go long pikinini man bilong yupela.. ⁴ Taim yupela i mekim olsem, ol bai i pulim ol pikinini man bilong yupela i go longwe long mi na bai ol i lotu long ol arapela god giaman. Olsem na ol bai kirapim bel hat bilongYawe i go long yupela na bai em i bagarapim yupela hariap tru. ⁵ Yupela bai mekim olsem long ol; Bai yupela brukim daun ol alta bilong ol, ol ston pos bai yupela i brukim i go liklik liklik hap, katim na daunim ol Asherah pos bilong ol, na kukim ol giaman god ol i wokim long silva na gold ⁶ Yupela i manmeri God Yawe i makim bilong em yet. Em i makim yupela tasol long kisim ol dispela graun, em i no makim ol arapela manmeri i stap nabaut long dispela graun. ⁷ God Yawe i laikim yupela moa, i no long bikpela namba bilong yupela ol manmeri stap long en na winim namba bilong ol arapela manmeri- nogat, yupela i liklik lain tru ⁸ tasol em i lakim yupela, na em laik yupela i bihainim ol promis tok em bin pasim wantaim ol tumbuna papa bilong yupela. Olsem na God Yawe i kisim bek yupela long strongpela han bilong em long kalabus bilong Fero, king bilong Isip ⁹ Olsem na yupela i ken save Yawe em God bilong yupela-em God i no save lusim tingting lo ol kontrak maski planti yia i kam i go em bai tingim yet long ol manmeri i laikim em na bihainim ol lo bilong em ¹⁰ tasol em i save bekim pe nogut long ol manmeri husat ol i no laikim em, em i save bagarapim ol, em i no inap marimari long ol ¹¹ Yupela bai i bihainim ol lo bilong em , nau mi tokim yupela long em, em bai yupela i ken mekim olsem. ¹² Sapos yupela harim ol dispela lo, na bihainim na mekim, orait Yawe God bilong yupela bai holim strong kontrak em bin mekim wantaim ol tumbuna papa bilong yupela ¹³ Em bai i laikim yupela, em bai i blesim yupela,em bai i mekim yupela i karim planti pikinini,ol bulmakau, meme, sipsip bai kamap planti lo dispela graun bipo God Yawe i promis long givim long ol tumbuna papa bilong yupela ¹⁴ Bai yupela kisim moa blesing i winim ol arapela manmeri; olgeta man o meri namel long yupela bai i karim ol pikinini, ol bulmakau sipsip na meme bilong yupela tu bai i karim planti. ¹⁵ God Yawe bai rausim na pinisim olgeta sik; satan i no nap putim ol sik nogut antap long yupela olsem em i save mekim long yupela long Isip, tasol em bai putim ol dispela sik antap long ol manmeri husat i bel nogut long yupela. ¹⁶ Yupela bai pinisim tru ol manmeri God Yawe bilong yupela bai i givim i go long yupela, na bai yupela i no inap pilim sori long ol. Bai yupela i no inap lotu long ol giaman god bilong ol, nogut ol wokim trap lo pulim yupela i go long sait bilong ol. ¹⁷ Sapos yu i tok long bel bilong yu olsem, Namba bilong ol manmeri bilong ol dispela kantri i planti tru na i winim namba bilong mi; olsem wanem na bai mi pinisim ol?`- ¹⁸ yupela noken pret long ol; yupela i ken tingim i go bek long taim Yawe God bilong yupela i bin mekim wanem long Fero na ol Isip; ¹⁹ yupela lukim pinis long ai bilong yupela yet, bikpela bagarap tru ol Isip i bin kisim, yupela i lukim pinis ol strong bilong God Yawe na em bai i mekim wan kain pasin long ol dispel lain. Yupela i no ken pret. ²⁰ Moa yet, Yawe God bilong yupela bai i salim ol binatang honet i go i kam namel long ol, i go inap ol i painim husat i stap laip yet na husat ol i hait long yupela na stap bai ol i pinisim ol olgeta. Bai yupela i no inap lukim pes bilong ol moa. ²¹ Yupela i no ken pret long ol, long wanem Yawe God bilong yupela i stap namel long yupela, em i God i gat bikpela strong na ol man i save pret nogut tru long em. ²² Yawe God bilong yupela bai rausim ol kantri isi isi i go aut. Yupela i no inap kilim ol na pinisim ol long wanpela dei tasol o nogut ol wel animol bai kamap planti na raunim yupela. ²³ Tasol Yawe,God bilong yupela bai i pait long ol na mekim yupela i winim pait taim yupela stap long ples bilong pait; em bai i paulim tingting bilong ol nogut tru inap yupela i kilim ol na pinis ol olgeta. ²⁴ Em bai i putim ol king bilong ol i kam aninit long strong bilong yupela, na bai yupela i kilim ol i dai na pinisim tru nem bilong ol long dispela graun. Nogat wanpela man inap long sanap long pes bilong yupela, inap yupela i kilim ol olgeta. ²⁵ Yupela bai i kukim ol giaman god - na yupela i noken mangal long ol silva o ol gold ol i karamapim bodi bilong ol god giaman na kisim ol olsem bilong yupela yet, long wanem sapos yupela i kisim, bai yupela kam insait long long kalabus bilong ol-em i samting nogut tru long ai bilong Yawe God bilong yupela. ²⁶ Yupela i no nap long karim ol samting i nogut tru long ai bilong Yawe God bilong yupela i kam insait long haus bilong yupela na lotu long ol. Bai yupela i bagarapim ol nogut tru long wanem ol dispela god giaman ol i makim pinis na stap long bagarap tasol.