5 ¹ Moses i singaut long olgeta Israel na tokim ol, "Harim yupela Israel, long ol bikman na liklik manmeri olsem bai mi toktok long ia bilong yupela nau,olsem bai yuela i lainim na bihainim. ² God Yawe bilong yumi bin mekim kontrak wantaim yumi long Horeb. ³ God Yawe ino mekim kontrak wantaim ol tumbuna bilong yumi, tasol wantaim ol lain yumi stap laip nau. ⁴ God Yawe i bin toktok wantaim yumi pes tu pes long maus insait long namel bilong paia. ⁵ Mi sanap namel long God Yawe na yupela long dispela taim long tokaut long ol toktok, long wanem yupela bin pret long paia na i no go antap long mauten, God Yawe i tok.. ⁶ ''Mi, Yawe God bilong yupela husait bringim yupela long graun bilong Isip long banis bilong kalabus. ⁷ Yupela bai i no nap holim arapela god olsem mi. ⁸ Yupela bai i no nap sapim ol samting o mekim ol samting long heven antap o long graun na aninit long solwara. ⁹ Yupela bai no nap brukim skru na lotu long ol long wanen, Mi, God Yawe bilong yupela em God bilong belhat, Mi bin bringim bagarap long ol tumbuna bilong yupela na hevi antap long ol na long namba 3-pela na 4-pela lain, ¹⁰ na soim strongpela bilip long husait lain bin laikim mi na holim lo bilong mi. ¹¹ Yupela noken kolim nating nem bilong Yawe, God bilong yupela, long wanem God Yawe i no nap kisim nem nogut long giaman pasin. ¹² Mekim dei Sabat i holi,olsem God Yawe bilong yupela i tok long en. ¹³ Insait long 6-pela dei yupela mas mekim olgeta wok, ¹⁴ tasol namba 7 dei em Sabat bilong Yawe God bilong yupela,long dispela dei bai yupela i no nap mekim arapela wok, ol pikinini man, pikinini meri, wokman, wokmeri,bulmakau, ol donki o arapela abus na arapela lain bilong longwe istap wantaim yupela. bai ol i malolo wantaim yupela. ¹⁵ Yupela bai save olsem yupela bin stap kalabus long graun bilong Isip,na God Yawe bilong yupela bin kisim bek yupela wantaim strong bilong em olsem na Yawe God bilong yupela i tokaut long yupela i mas tingim dei Sabat. ¹⁶ Bihainim tok bilong papa na mama bilong yupela olsem God Yawe bilong yupela i tok long en,bai yupela istap longpela taim long dispela graun we Yawe God bilong yupela i tok long en na bai olgeta samting i kamap gutpela. ¹⁷ Yupela i no ken kilim man i dai. ¹⁸ Yupela i no ken mekim pasin pamuk. ¹⁹ Yupela i no ken stil. ²⁰ Yupela i no ken mekim giaman tok long poroman bilong yupela. ²¹ Noken bagarapim meri bilong poroman bilong yupela, haus bilong en, gaden bilong en, wokman na wokmeri bilong en, bulmakau na donki bilong en, o ol arapela samting bilong en. ²² Dispela ol toktok God Yawe bin tokaut strong long ol lain husait bin stap arere long mauten autsait long namel long paia bilong klaut na bikpela tudak. Em i no bin mekim arapela moa toktok tasol raitim long tupela ston na givim long ol. ²³ Em bin kamap taim yupela bin harim nek bilong em namel long tudak taim mauten bin paia na yupela bin kam klostu long mi wantaim olgeta bikman na het bilong olgeta lain bilong yupela. ²⁴ Yupela, 'Lukim, God Yawe bilong yumi i soim glori na strong bilong en na mipela bin harim nek bilong en namel long paia, mipela i lukim tudei God i toktok wantaim ol manmeri bilong en. ²⁵ Olsem na bilong wanem bai yumi i dai? nogut dispela bikpela paia i kukim yumi, sapos yumi i harim nek bilong Yawe God bilong yumi gen bai yumi i dai. ²⁶ Husait i stap baksait long yumi stap namel long ol manmeri na harim nek bilong God i gat laip namel long paia na stap olsem mipela i mekim. ²⁷ Olsem long yupela mas harim olgeta tok Yawe, God bilong yupela i tok, yupela tokim mipela gen long God Yawe bilong mipela i tok long en bai mipela i harim na bihainim. ²⁸ God Yawe i harim nek bilong yupela taim yupela i toktok long mi, olsem em i harim nek bilong ol manmeri pinis na em i amamas long gutpela pasin manmeri i mekim. ²⁹ Olsem ol i givim bel na lotu long mi, bihainim olgeta lo bilong mi bai olgeta samting i kamap gut long ol na pikinini bilong ol oltaim, oltaim. ³⁰ Go na tokim ol olsem, "Go bek long haus sel bilong ol." ³¹ Tasol long yupela, sanap hia klostu long mi na bai mi tokim yupela long olgeta lo bilong mi. Bai yupela i lainim olgeta bikman na liklik manmeri bai ol i holim na stap long graun mi bai givim long ol . ³² Yupela bai bihainim olsem God Yawe bilong yupela i tokim yupela long en, yupela noken tanim long han sut na long han kais. ³³ Yupela bai wakabaut insait long olgeta pasin God Yawe bilong yupela i tokim yupela long en.olsem na bai yupela i stap oltaim na olgeta samting bai kamap stret wantaim yupela na bai yupela stap planti dei long graun yupela i kisim long en.