4
1
Nau, Israel, harim ol lo na ol tok lukaut mi bai tokim yu long mekim, na yupela bai stap na go insait long graun na kisim long en em God Yawe, God bilong papa bilong yupela, i bin givim yupela long en.
2
Yupela i no inap putim sampla hap tok antap long tok mi tokim yupela, o rausim sampela tok na bai yupela inap lukautim lo bilong God Yawe em God bilong yupela mi laik tokim yupela.
3
Ai bilong yupela i bin lukim pinis wanem samtimg God Yawe bin mekim long Bal Peo, long ol man husait i bin bihainim god Bal Peo, em God Yawe, God bilong yupela i bagarapim ol namel long yupela.
4
Tasol husait yupela pas wantaim God Yawe, God bilong yupela em yupela stap laip nau, em yupela olgeta.
5
Lukim, mi tokim yupela pinis ol lo na tok bilong bihanim, olsem God bilong mi God Yawe bin tokim mi, long yupela bai mekim long graun em bai yupela kisim.
6
Olsem na lukautim ol na bihainim gut, long wanem, em ol gutpela tingting na save long long ol narapela lain manmeri husait bai i harim na bai ol i tok, 'Tru tumas, dispela strongpela kantri i pulap tru wantaim ol manmeri i gat gutpela tingting na gutpela save.'
7
Wanem narapela bikpela kantri i gat god klostu wankain olsem God bilong yumi God Yawe taim yumi save singaut long em?
8
Wanem ol narapela bikpela kantri i gat lo na ol tok bilong bihainim i orait na wankain tru olsem ol dispela lo mi givim yupela long nau?
9
Stap isi na lukautim yupela yet, na yupela noken lus tingting long ol samting yupela i lukim long ai bilong yupela, bai ol i noken lusim bel na tingting bilong yupela long olgeta dei bilong yupela taim yupela i stap laif yet. Tasol moa yet, lainim ol pikinini na mekim kamap ples klia long ol pikinini bilong pikinini bilong yupela.
10
Long dei yupela snap wantaim God Yawe God bilong yupela long Horep, taim God Yawe tokim mi,'Bungim ol manmeri bilong mi, na bai mi mekim ol long harim maus bilong mi na bai save long pret long mi taim ol i stap long graun,na ol bai skruim pikinini bilong ol.'
11
Yupela kam klostu na sanap aninit bilong lek maunten. Maunten bin lait wantaim paia bilong heven i tudak, wantaim klaut, na i tudak tru.
12
God Yawe bin toktok long yu namel long paia, yupela bin harim maus bilong em wantaim toktok, tasol yupela no lukim man,yupela bin harim maus tasol.
13
Em i tok klia long kontrak bilong em long yupela bihainim na mekim, em 10 pela lo.em bin raitim antap long tupela hap ston.
14
God Yawe bin tokim mi long dispela taim long lainim yupela bihainim pasin bilong lo bilong strongim man, long yupela bai mekim taim yu brukim i go long hap sait long kisim.
15
Yupela i mas lukaut gut long wanem yupela i no save lukim ol kain samting i bin kamap taim God Yaweh i bin toktok long yupela long Horeb insait long paia,
16
na bai yupela i bagarapim yupela yet wantaim ol piksa yupela i mekim long ol kainkain samting na i luk olsem ol man na meri,
17
wankain olsem ol kainkain abus bilong graun, na wankain olsem ol pisin i gat wing na i save flai nambaut long skai,
18
wankain olsem ol samting i save muv antap long graun, na ol kainkain pis insait long wara aninit long graun.
19
Yupela noken apim ai i go antap long ol heven na lukim san, mun, na ol sta na ol samting i stap long heven na tanim igo long ol na brukim skru long ol. Ol dispela samting em God Yawe i givim yupela ol manmeri aninit long skai.
20
Tasol God Yawe i kisim yupela i kam aut long ain paia, na i kamaut long Isip, long larim yupela i stap lain manmeri bilong em yet, olsem nau yupela i stap.
21
Long yupela tasol na God Yawe i kros long mi, em i tok olsem mi no inap go long hapsait bilong Jodan, olsem na mi no inap go long displa gutpela graun, em dispela graun God Yawe God bilong yupela i givim long yupela long go stap long en.
22
Tasol nogat, mi mas dai long hia, mi no inap go hapsait long Jodan, yupela bai go kamap na kisim dispela gutpela graun.
23
Yupela yet mas harim gut , na yupela i noken lus tingting long kontrak bilong God Yawe God bilong yupela, wanem em mekim wantaim yupela, na yupela i no inap mekim bilong yupela yet ol piksa bilong ol kainkain samting, God Yawe i tok nogat long yupela mekim.
24
God Yawe, God biolng yupela i paia bilong bagarapim man, em i God bilong belhat.
25
Taim yupela karim ol pikinini bilong yupela na ol pikinini bilong pikinini bilong ol, na taim yupela stap longpela taim long graun, na mekim pasin nogut long yupela yet na wokim ol piksa bilong kainkain samting, na mekim pasin nogut long ai bilong God bilong yupela na kirapim em long belhat,
26
nau mi tokaut long heven na graun long witnesim yupela long nau na klostu bai yupela i pinis long graun yupela i stap long en taim yupela i go hapsait long Jodan na kisim, bai yupela i no inap stap longpela taim long en, tasol bai yupela bagarap olgeta.
27
God Yawe bai mekim yupela i go i kam nambaut long ol manmeri, na yupela bai kamap liklik long ol kantri, na God Yawe bai i mekim yupela i go.
28
Long hap yupela bai lotuim ol narapela god, man i bin wokim long han long diwai na ston, usait ol i no save lukim, harim, kaikai, na i no save smelim samting.
29
Long dispela taim bai yupela painim God bilong yupela God Yawe, na yupela bai painim em, bai yupela painim em tru long bel bilong yupela, na wantaim tingting bilong yupela.
30
Taim yupela i stap long bagarap, ol dispela samting bai i kamap long yupela, bihain long dispela dei em bai yupela kam bek long God Yawe, God bilong yupela na bai yupela harim maus bilong em.
31
God Yawe em marimari God bilong yupela, em ino inap lusim yupela na tu bagarapim yupela na em ino inap lus tingting long kontrak em mekim wantaim ol lain papa bilong yupela.
32
Askim long ol dei i kam go pinis, bipo long taim bilong yupela, God i bin wokim man antap long dispela graun, askim narapela arare bilong heven i go long narapela arare bilong en, na painim aut sapos i bin gat wankain olsem dispela bikpela samting, o wankain samting olsem yupela i bin harim?
33
Yupela i ting ol manmeri bin harim tok bilong God Yawe namel long paia bipo olsem nau yupela harim, na stap?
34
O God i save traim long go kisim narapela kantri olsem bilong em yet namel long ol narapela kantri, wantaim hevi, strong na pawa, na long pait na wantaim strongpela han, na wntaim han i op bikpela, na wantaim bikpela strong bilong bagarap, olsem olgeta samting Yawe God bilong yupela i bin mekim long ai bilong yupela long Isip?
35
Long yupela em soim ol dispela samting, olsem yupela bai save Yawe em God bilong yupela, nogat narapela god i stap klostu long em.
36
Long heven em i mekim yupela long harim maus bilong em, long stretim yupela, long graun em mekim bilong yupela bai lukim paia i bikpela tumas, na harim maus bilong em i kamaut namel long paia.
37
Long wanem em laikim papa bilong yupela, na makim tumbuna lain bilong ol, na em yet i kisim yupela i kam aut long Isip wantaim strong bilong em,
38
long rausim ol kantri i stap strong tumas na strong moa long yupela, long kisim yupela i go insait, na givim graun bilong ol long yupela long kisim, olsen nau.
39
Olsem na nau yupela mas luksave, na putim long bel bilong yupela, olsem God Yawe em God bilong em heven antap na long graun aninit tu, i nogat narapela i stap.
40
Yu bai lukautim ol lo em i bin pasim long en na bihainim ol tok em tokim yupela nau, em bai i go gut wantaim yupela na ol pikinini i kamap bihain long yupela, na bai yupela stap longpela taim long graun God Yawe i givim yupela long stap oltaim."
41
Orait Moses i makim tripela biktaun hapsait long san kamap long sait bilong Jodan,
42
olsem man i ken ranawe i go long wanpela bilong ol, taim em i kilim narapela man em i no ting long kilim em, na i no birua bilong em bipo. Em bai ranawe i go i stap long wanpela bilong ol dispela taun, na em i ken hait.
43
Nem bilong ol i olsem, Besa long ples nogat man em ples nating bilong ol lain Ruben, Ramot long Gilet, bilong ol lain Gad, na Golan insait long Basan, bilong ol lain Manase.
44
Dispela em lo Moses i putim i bilong ol manmeri bilong Israel,
45
dispela em ol lo bilong kontrak wok, na ol lo, na ol narapela ol lo bilong bihainim em i tokim ol manmeri bilong Israel taim ol kam aut long Isip,
46
taim ol stap long hap san kamap bilong Jodan, narapela sait ples daun bilong Bet Peo, long graun bilong Sion, king bilong ol Amor, husait bin stap long Hesbon, taim Moses wantaim ol manmeri bilong Israel i bin winim ol long pait taim ol bin kam aut long Isip.
47
Ol i kisim graun bilong em na mekim bilong ol yet, na graun bilong Og, king bilong Basan. Dispela tupela king bilong ol Amor i save stap hapsait long san kamap bilong Jodan.
48
Dispela lain mak stat long Aroe, arare bilong ples daun bilong Amon, na go long Maunten Saion (o Maunten Hemon),
49
bungim wantaim bikpela hap graun ples nating bilong wara Jodan, bilong san kamap bilong Jodan, i go bungim wantaim sol wara bilong Araba, na go long ples maunten bilong maunten Pisga.