25 ¹ Sapos i gat tok pait namel long ol man na ol i go long kot na Jas i kotim ol, orait ol mas lusim man i no gat asua na kotim man i gat asua. ² Sapos ol inap long wipim man i gat asua, orait dispela Jas bai tokim em long slip long bel na ol i mas wipim em long ai bilong Jas amas -hamas taim Jas i tok, long asua bilong em. ³ Sapos Jas i mas givim 40 pela wip long em, tasol em i abrusim dispela namba na givim planti moa wip long em, orait ol manmeri bilong Israel bai kisim sem long ai bilong yupela. ⁴ Yupela noken pasim maus bilong bulmakau taim em kisim wit. ⁵ Sapos ol brata i stap wantaim na wanpela bilong ol i dai na i no karim pikinini man, orait meri bilong man i dai mas noken marit long ol man bilong narapela famili. Long wanem brata bilong man i dai pinis i mas slip wantaim em na kisim em olsem meri bilong em yet na lukautim em. ⁶ Olsem na dispela meri i karim namba wan pikinini bai kisim nem bilong dispela brata i dai pinis, olsem na nem bilong em bai i no inap pinis long Israel. ⁷ Sapos man i no laik maritim meri bilong brata bilong em yet, orait meri bilong brata bilong em i dai pinis mas i go long ples bilong kot na lukim ol hetman na tokim ol, 'Brata bilong man i dai i no laik long kamapim nem bilong brata bilong em long Israel, em i no inap lukautim mi olsem brata bilong man bilong mi. ⁸ Orait ol hetman bilong em long bik taun i mas singautim em na toktok long em. Sapos em strong yet na i tok, 'Mi i no laik long kisim dispela meri.' ⁹ Orait meri bilong brata bilong em i mas kam long ol hetman na rausim sendel long lek bilong em na spet long pes bilong em. Meri i mas bekim tok olsem, dispela samting bai kamap long ol man husait i no inap long kamapim nem bilong brata bilong em. ¹⁰ Ol mas kolim nem bilong em long Israel. Dispela haus bilong em husait ol bin rausim sendel long em. ¹¹ Sapos ol man i pait na meri bilong narapela man i kam long helpim man bilong em na sapos han bilong dispela meri holim sem bilong em. ¹² Orait yupela i mas cutim han bilong em, yupela i noken sori long em. ¹³ Yupela i noken baim samting bilong ol man long giaman skel. ¹⁴ Yupela i noken baim samting bilong ol man long giaman skel na putim long haus bilong yupela. ¹⁵ Yupela i mas kisim long trupela skel tasol olsem na bai yupela i stap longpela taim long dispela graun God Yawe, God bilong yupela i givim yupela. ¹⁶ Olgeta husait mekim ol dispela pasin, Em i nogut stret long God Yawe God bilong Yupela. ¹⁷ Tingim ol samting ol Amelek i mekim long yupela long rot long taim yupela i lusim Isip, ¹⁸ em i bugim yupela long rot na kam bihain long yupela na bagarapim ol husait i nogat strong na bun i slek, em i no pret long God. ¹⁹ Olsem na taim God Yawe, God bilong yupela i givim malolo long yupela long ol birua i stap arere long kam pait long yupela, long dispela graun God Yawe i bin givim yupela long kisim olsem graun bilong yupela, yupela noken lusim tingting long wanem samting ol Amelek i wokim long yupela taim yupela i stap long dispela graun.