24 ¹ Taim wanpela man i kisim wanpela meri na i maritim em, sapos dispela meri i no inapim tingting bilong dispela man na man i no lukim gutpela samting long dispela meri orait em i mas raitim wanpela pas bilong katim marit na em i mas putim dispela pepa long han bilong meri na rausim em long haus. ² Taim em i lusim haus pinis, em i ken i go na kamap meri bilong narapela man. ³ Sapos namba tu man bilong em i les long em na raitim pas bilong katim marit, o putim pepa long han bilong meri na rausim meri long haus, o sapos namba tu man bilong em i dai, man husait i kisim em long kamap meri bilong em, ⁴ olsem namba wan man bilong meri dispela, long namba wantaim man husait i bin rausim em namba wan taim i noken kisim em bek long wanem, meri em i kamap doti pinis long ai bilong God Yawe, olsem na bai em i noken bringim bagarap i kam insait long graun God Yawe, em God bilong yupela i givim yupela long en. ⁵ Taim man i maritim nupela meri, em i noken go wantaim ol ami long pait, o mekim ol arapela wok insait long ami, em i mas stap fri na stap long ples inap wan yia na amamasim meri em i bin kisim. ⁶ Nogat man i mas mekim promis long karim hevi olsem ston long mekim dispela promis bai i ken stap wantaim em oltaim. ⁷ Sapos wanpela man Israel yet i holim pasim brata bilong em na i mekim em i kamap wokboi nating na i salim em, dispela man mas i dai na yupela i mas rausim pasin nogut namel long yupela. ⁸ Kisim was long sua leprosi, olsem mi bin putim tok long maus bilong ol pris na ol Livai, olsem yupela i mas bihainim. ⁹ Tingting i go bek long wanem samting God Yawe em God bilong yupela i bin mekim long Miriam taim yupela i lusim Isip na i kam. ¹⁰ Taim wantok bilong yu i kisim samting long yu, yupela noken go long haus bilong em na askim em long mekim wanpela tok promis. ¹¹ Yupela mas sanap ausait long haus na man i kisim samting bilong yupela i mas i kam ausait na givim bek samting bilong yupela. ¹² Sapos em i no gat planti samting, yupela noken larim promis bilong em i pasim ol samting bilong yupela. ¹³ Yupela mas isi na sori long em na yupela no ken tingim promis bilong em, na em i ken slip gut insait long laplap bilong em na bai yu kisim blesing. Olsem na em bai kamap gutpela pasin long ai bilong God Yawe em God bilong yupela. ¹⁴ Yupela noken mekim nogut long wokboi nating bilong yupela taim em i kam i stap wantaim yupela, maski em i bilong Israel o em i bilong narapela ples na em i kam stap long graun na biktaun bilong yupela. ¹⁵ Wan wan de yupela mas givim pei long em, long wanem em i sot long samting na em i stap. Yupela mekim olsem, nogut bai em krai i go long God Yawe na em bai i no inap kamap olsem sin yupela i wokim. ¹⁶ Papa na mama i noken dai long sin na asua bilong ol pikinini na pikinini i noken dai long sin na asua bilong ol papa mama, wanwan i mas karim hevi long asua bilong em yet. ¹⁷ Yupela i noken strong na kisim samting bilong ol man bilong arapela kantri i stap wantaim yupela na tu yupela i noken kisim samting bilong ol pikinini i no gat papa o kisim laplap bilong meri man bilong em i dai pinis na mekim olsem promis mekim olsem wanpela promis bilong bihainim. ¹⁸ Long dispela kain samting, yupela i mas tingim bek olsem yupela i bin stap ol wokboi nating long Isip na God Yawe em God bilong yupela i bin kisim yupela kam autsait long Isip. Olsem na yupela i mas harim gut na bihainim ol dispela tok mi givim long yupela. ¹⁹ Taim yupela kisim ol kaikai i mau pinis long ples bilong kisim kaikai na sapos yupela bin lus tingting na ol hap wit i pudaun, yupela noken i go bek na kisim, em i bilong ol man long arapela kantri i stap wantaim yupela, em i bilong ol pikinini i nogat papa, o bilong ol meri man bilong ol i dai pinis, long dispela pasin God Yawe em God bilong yupela bai i blesim han bilong yupela. ²⁰ Taim yupela pikim oliv pinis long diwai, yupela noken i go bek long ol han bilong ol dispela diwai, em i bilong ol man bilong narapela ples na bilong ol pikinini i no gat papa, o bilong ol meri man bilong ol i dai pinis. ²¹ Taim yupela bungim ol wain i mau pinis, wanem i stap yet em i bilong ol man bilong arapela kantri na bilong ol pikinini i nogat papa na bilong ol meri man bilong ol i dai. ²² Yupela mas putim long tingting bilong yupela olsem yupela bin stap kalabus long graun Isip, olsem tasol mi bin tokim yupela long bihainim ol lo bilong mi.