23 ¹ Man husait i katim em yet o kisim bagarap long bodi bilong em bai ino inap kam long bung bilong God Yawe ² Ol ino trupela pikinini bilong Israel bai ino inap stap long bung bilong God Yawe, bai dispela i go inap long namba 10 tumbuna lain bilong ol. Nogat wanpela bilong ol bai inap stap long bung bilong God Yawe. ³ Wanpela bilong lain Amon o Moab bai ino inap stap long bung bilong God Yawe. Dispela bai i go kamap long namba 10 tumbuna lain bilong en. Nogat wanpela bilong ol bai stap long bung bilong God Yawe. ⁴ Em long wanem, nol i no bin givim wara na kaikai samting taim yupela taim yupela i kam aut long Isip na tu ol i bin baim Balam, pikinini bilong Beor long Petor insait long Aram Naharaim long bagarapim yupela. ⁵ Tasol God Yawe bai i no nap harim tok bilong Balam, long wanem God Yawe i i tanim bagarap igo kamap blesing long yupela long wanem God Yawe i laikim tumas yupela. ⁶ Yupela i noken askim ol long bel isi o gutpela sindaun, taim yupela i stap. ⁷ Yupela i noken traim long tok pait wantaim Edom, em ol brata bilong yupela na yupela i noken givim haus long ol Isip, wanem yupela i bin stap narapela lain manmeri long kantri na graun bilong ol. ⁸ Namba 3 lain tumbuna bilong ol i ken stap lain bilong bung bilong God Yawe. ⁹ Taim yupela wokabaut igo aut olsem ol ami long birua bilong yupela, orait yupela i mas stap longwe long olgeta kain pasin nogut. ¹⁰ Sapos namel long yupela wanpela man em i no stap klin long wanem sampela samting i kamap long em long nait, orait em i mas go aut long kem bilong ol ami na em i noken kambek long kem ¹¹ Taim abinun i kam, em i ken go insait long wara na waswas olgeta, taim san i go daun, em i ken kam bek gen insait long kem. ¹² Yupela i mas i gat wanpela ples autsait long kem, long dispela hap bai yupela bai i go, ¹³ na bai yupela i gat samting olsem tul bilong digim wantaim, taim yupela i go daun long pispis o pekpek, yupela i mas digim na karamapim wanem samting yupela i rausim long bodi wantaim graun. ¹⁴ Long wanem God Yawe bai wokabaut namel long kem bilong yupela na givim yupela strong long winim ol birua na givim long han bilong yupela, olsem na kem bilong yupela mas stap klin, bai em i no ken lukim samting i no klin stap namel long yupela na bai givim baksait long yupela. ¹⁵ Yupela mas i noken givim go bek long bosman wanpela wokboi nating husait i bin ranawe long bosman bilong em. ¹⁶ Larim em i stap wantaim yupela long wanem taun em laik stap long en.Yupela i noken ken tok pait na kros wantaim em. ¹⁷ Em bai i nogat pamuk meri nogut tru i stap namel long ol pikinini meri bilong Israel na tu i noken larim pamuk man nogut tru stap namel long ol pikinini man bilong Israel. ¹⁸ Yupela i noken bringim bringim pei bilong pasin pamuk o pei bilong wanpela dok i kam insait long haus bilong God Yawe na mekim ol promis, dispela em ol samting nogut tru long ai bilong God Yawe. ¹⁹ Yupela i noken givim samting namel long yupela Israel na askim long win moni, win samting bilong kaikai o wanem samting yupela givim long kisim win samting.. ²⁰ Long ol man long arapela kantri stap wantaim yupela, yupela i ken givim moni long kisim win mon, tasol ol lain bilong yupela Israel yupela i noken givim moni long kisim win moni, olsem na bai God Yawe i mekim gut long yupela long olgeta samting yupela i mekim long han bilong yupela long dispela graun yupela bai i kisim long en. ²¹ Taim yupela wokim promis wantaim God Yawe bilong yupela, yupela i mas hariap long inapim promis yupela i mekim wantaim em, long wanem em bai i weit long kisim. Yupela bai stap wantaim sin, sapos yupela i no mekim olsem. ²² Tasol sapos yupela i lusim pasin bilong wokim promis bai yupela ino inap mekim sin. ²³ Wanem tok i kam aut long maus bilong yupela, yupela i mas lukim na mekim long inapim promis bilong yupela long God Yawe long ol wanem samting yupela i bin promis long maus bilong yupela. ²⁴ Taim yupela i go insait long gaden wain bilong wantok stap klostu long yupela, yupela i ken kaikai planti frut greip yupela i laik, tasol yupela i noken pulimapim sampela long bilum. ²⁵ Taim yupela i go insait long gaden bilong wantok bilong yupela i redi pinis, yupela i ken rausim het bilong sid na grein long han bilong yupela, tasol yupela i noken putim naip long gaden bilong wantok bilong yupela i redi pinis.