14 ¹ Yupela manmeri bilong God Yawe. Noken katim yupela yet o noken katim ol gras long pes bilong yupela long ol daiman. ² Long wanem, yupela em ol lain manmeri God Yawe yet i makim bilong em na yupela kisim ol samting i winim ol arapela manmeri antap long dispela graun. ³ Na yupela i noken kaikai ol samting i doti long ai bilong God. ⁴ Dispela em ol abus yupela i ken kaikai. Ol abus olsem bikpela bulmakau, ol sipsip na meme, ⁵ ol bikpela dia, yangpela dia, gasel, em abus i wankain olsem dia, wel meme, ibeks, em abus i wankain olsem meme, entelop, em abus i wankain olsem dia na ol sipsip bilong maunten. ⁶ Yupela i ken kaikai abus i nogat lek pinga i bruk tupela hap na save daunim kaikai, rausim na bihain kaikai gen. ⁷ Tasol yupela i noken kaikai sampela abus i save daunim kaikai igo long bel na bihain trautim gen na kaikai gen i gat lek pinga i bruk tupela hap, na ol kamel, ol rebit na wail abus i gat ol bikpela pinga na save raun antap long ston ples.Ol tu i save daunim kaikai bihain rausim na kaikai namba tu taim na ol i no gat pinga i bruk tupela hap tasol ol i doti long kaikai. ⁸ Ol pik em i doti long wanem ol i gat lek pinga tasol ol i no save daunim kaikai namba tu taim na noken kaikai mit bilong pik long wanem ol i doti na noken holim skin bilong ol tu. ⁹ Long ol samting bilong wara yupela mas kaikai long wanem ol i gat nil na skel, ¹⁰ tasol wanem samting i no gat nil na skel em yupela i noken kaikai long wanem ol i doti. ¹¹ Olgeta gutpela pisin em yupela i mas kaikai. ¹² Tasol ol pisin olsem tarangau, pisin vulsa na longpela muruk em yupela i noken kaikai, ¹³ na ol retpela na blakpela pisin i bikpela moa long tarangau na ol kainkain pisin manigulai. ¹⁴ Yupela i noken kaikai ol kainkain kotkot ¹⁵ na ol sotpela muruk na ol tarangau bilong nait, ol pisin gal bilong solwara na ol arapela kain tarangau, ¹⁶ ol liklik na bikpela na waitpela pisin bilong nait ¹⁷ na ol kain blakpela pato,pisin vulsa i save kaikai ol dai samting na longpela nek pisin komoren bilong solwara. ¹⁸ Yupela i noken kaikai ol pisin klostu i wankain olsem pato, em pisin stok na pisin heron na pisin hupoe i gat longpela nus im kam daun tru na olgeta kain blak bokis. ¹⁹ Olgeta pisin i gat wing na save raun long long bikpela grup em ol i doti, olsem na yupela i noken kaikai. ²⁰ Yupela i ken kaikai olgeta klinpela samting i save flai antap. ²¹ Yupela i noken kaikai ol samting ol yet i dai, tasol yupela i ken givim long ol narapela lain i stap wantaim yupela na ol i ken kaikai o yupela i ken salim long ol narapela lain. Long wanem yupela em lain manmeri bilong God Yawe.. Na yupela i noken kukim yangpela meme nsait long susu bilong mama bilong em. ²² Yupela mas save long kamap bilong ol pikinini kaikai we save bruk long graun olgeta yia. Yupela oltaim i mas givim ten hap bilong kaikai bilong yupela long ol gadewn bilong yupela long wanwan yia. ²³ Yupela mas kaikai long ples em God Yaweh i stap, em long ples em bai makim olsem ples tambu, ol hap ten bilong kaikai bilong kon na bilong nupela wain na wel na namba wan pikinini bilong lain sipsip na abus em yupela i mas lainim long givim long God Yawe em god bilong yupela. ²⁴ Sapos rot em i longpela long yupela na yupela ino inap karim, igo, long wanem ples God Yawe bai makim olsem ples tambu em longwe, orait, taim God Yawe i blesim yupela, ²⁵ yupela bai mekim mani long dispela ofa bilong yupela, pasim gut long han bilong yupela na go long ples em God Yaweh i makim bilong yupela. ²⁶ Long hap bai yupela i yusim mani long wanem samting yupela i laikim, em long baim bulmakau o wain o strongpela dring o wanem ol narapela samting yupela i laikim tru. Na bai yupela i kaikai long ples em God i stap long en na yupela wantaim ol lain famili bilong yupela bai i pulap long amamas. ²⁷ Sapos wanpela Livai husait i stap insait long banis bilong yupela em yupela i noken givim baksait long em, long wanem em i nogat wanpela liklik skel o hap bilong em i stap insait long ol samting em i bilong yupela. ²⁸ Long pinis bilong olgeta 3-pela yia bai yupela i givim hap ten bilong ol kaikai bilong yupela long wankain taim na bai yupela i putim insait long ol banis bilong yupela ²⁹ na dispela Livai, husait ino gat graun o hap bilong i stap o samting bilong kisim olsem bilong em yet, wantaim ol lain bilong narapela hap na ol pikinini papa bilong ol i dai na ol meri, man bilong ol i dai husait i stap insait long banis bilong yupela bai i ken kam kaikai wantaim yupela na pilim gut. Yupela i mekim olsem, bai God Yaweh i blesim olgeta wok bilong yupela em han bilong yupela i mekim.