13 ¹ Sapos wanpela profet o man bilong autim as bilong driman i kamap namel long yupela na sapos em i wokim mirakel, ² na sapos dispela mirakel i kamap na i tok, 'Yumi go bihainim ol narapela God yupela i no bin save long en na yumi lotu long ol,' ³ noken harim tok bilong dispela profet o man bilong autim as bilong driman, long wanem God Yawe God bilong yupela i laik traim yupela long save olsem yupela i laikim God Yawe, God bilong yupela wantaim olgeta bel na tingting bilong yupela o nogat. ⁴ Yupela bai bihainim God Yawe, God bilong yupela, litim upim em, ananit ol lo bilong em na bihainim tok bilong em na pas tru na lotu long em. ⁵ Dispela profet o man bilong autim as bilong driman i mas dai, long wanem em i sakim tok bilong God Yawe, God bilong yupela, em i rausim yupela long graun bilong Isip na i kisim bek yupela long kalabus. Dispela profet i laik pulim yupela long lusim rot God Yawe, God bilong yupela i tokim yupela long wokabaut long en. Olsem na rausim dispela pasin nogut namel long yupela. ⁶ Sapos brata bilong yupela, pikinini man bilong mama bilong yupela o pikinini man bilong yupela o pikinini meri bilong yupela o meri bilong yupela, yupela i laikim tru, gutpela poroman bilong yupela tru, i hait na i tok gris long yupela, ' Yumi go lotu long ol narapela God yupela na ol tubuna bilong yupela i no bin save long ol. ⁷ Ol narapela God bilong ol manmeri i stap nabaut klostu long yupela o longwe long yupela na long olgeta hap bilong graun. ⁸ Yupela i noken harim tok bilong em na yupela noken sori long em na yupela i noken helpim em. ⁹ Nogat, yupela i mas kilim em, yupela olgeta kilim em ;i dai long han bilong yupela pastaim na bihain ol narapela manmeri bai i kilim em. ¹⁰ Yupela bai kilim em i dai long ston, long wanem, em i laik pulim yupela i go longwe long God Yawe, God bilong yupela, em i rausim yupela long graun bilong Isip na long kalabus. ¹¹ Olgeta Israel bai harim na pret na bai lusim dispela pasin nogut namel long yupela. ¹² Sapos yupela i harim wanpela man i toktok long wanpela bik taun bilong yupela, em God Yawe i givim yupela long sindaun long en. ¹³ Sampela man nogut i go aut namel long yupela na pulim ol manmeri bilong bik taun bilong ol na i tok, ' Yumi go lotu long ol narapela god em yupela i no save long en.' ¹⁴ Orait yupela i mas panim aut gut tru. Taim yupela i panim aut pinis olsem em i tru na dispela pasin nogut tru i bin kamap namel long yupela, orait bai yupela i kilim ol. ¹⁵ Bai yupela i kilim ol manmeri bilong bik taun long bainat, bagarapim olgeta wantaim ol manmeri i stap long en na ol abus samting long bainat. ¹⁶ Yupela bai kisim olgeta samtin bilong en na bungim namel na kukim bik taun wantaim olgeta samting i stap long en olsem ofa i go long God Yawe, God bilong yupela. Dispela bik taun bai bagarap olgeta na ol i noken wokim gen. ¹⁷ Yupela i noken kisim ol dispela samting bilong bagarap. Yupela i mekim olsem na God Yawe bai i no inap belhat, em bai marimari na mekim yupela i kamap planti olsem em i bin promis long ol papa bilong yupela. ¹⁸ Em bai mekim olsem, long wanem, yupela i bihainim tok bilong God Yawe, God bilong yupela na aninit long ol lo bilong em na mekim stretpela pasin long ai bilong God Yawe, God bilong yupela.